Read Mmen Matyò 1 Bible Online

Matyò 1 - Mmen bible

Matyò 1

¹Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

²Aplàghâm tè nyi pɨ̀a Azɨ̀k. Azɨ̀k e nyi pɨ̀a Njàkɔ̂p, Njàkɔ̂p e nyi pɨ̀a Njondà yî ghɔnyìə.

³Njondà yî zhwîə vəyn Tamà tè piə Pèlês yî Zɛlà. Pèlês tè nyi pɨ̀a Ɛsɛlòn, Ɛsɛlòn e nyi pɨ̀a Lâm.

⁴Lâm e nyi pɨ̀a Àminandàp, Àminandàp e nyi pɨ̀a Nashòn, Nashòn e nyi pɨ̀a Salmòn.

⁵Salmòn yî zhwîə vəyn La-àp tè piə Powàs, Powàs yî zhwîə vəyn Lût ə piə Opèt, Opèt e nyi pɨ̀a Njesì.

⁶Njesì tè nyi pɨ̀a fɔ̀yn Ndàfît. Ndàfît yî zhwîə Ùliyà ə pîə Sòlomùyn.

⁷Sòlomùyn tè nyi pɨ̀a Lèwopɨ̀am, Lèwopɨ̀am e nyi pɨ̀a Àpinjà, Àpinjà e nyi pɨ̀a Asà

⁸Asà tè nyi pɨ̀a Njèwoshafàt, Njèwoshafàt e nyi pɨ̀a Njèolàm, Njèolàm e nyi pɨ̀a Òzayà.

⁹Òzayà tè nyi pɨ̀a Njotàm, Njotàm e nyi pɨa Aghàs, Aghàs e nyi pɨ̀a Ɛ̀zèkayà.

¹⁰Ɛ̀zèkayà e nyi pɨ̀a Mànasè, Mànasè e nyi pɨ̀a Amòn, Amòn e nyi pɨ̀a Njòsayà.

¹¹Njòsayà ə piə Njèkòniyà yî ghɔnyìə ə shɨŋ zɛ ə ghɨ Papilɔ̀nə̀ tè tɨm zhi ə̀ghɨ Isìlâyghè eghɔ̀ŋ ə pɨaʼà ndûə è ghənə ə Papilɔ̀yn.

¹²Ə̀ tè nyì kə ə nji ndû e ghənə ə Papilɔ̀yn, Njàkoniyà ə pîə Shietèl, Shietèl ə pîə Zɛ̀lupàpɛ̂l.

¹³Zɛ̀lupàpɛ̂l e nyi pɨ̀a Apiyùt, Apiyùt e nyi pɨ̀a Èlyakìm, Èlyakìm e nyi pɨ̀a Azɔ̀.

¹⁴Azɔ̀ tè nyi pɨ̀a Zandòk, Zandòk e nyi pɨ̀a Akìm, Akìm e nyi pɨ̀a Elyùt.

¹⁵Elyùt tè nyi pɨ̀a Èlyazà, Èlyazà e nyi pɨ̀a Matàn, Matàn e nyi pɨ̀a Njàkɔ̂p.

¹⁶Njàkɔ̂p tè nyi pɨ̀a Njosɛ̀f. Njosɛ̀f tè nyi ndomə̀ Mèli vɛ ə è tè piə Njisə̀s vɛ tɔŋtə nə Klâys.

¹⁷E za tyə̀nə̀ nə, ə̀ tè nyi mghâŋ njòse kyàʼ se ndò ə Aplàghâm se pə̀ tàyn ə Ndàfît, ghâŋ me nyi njòse kyàʼ se ndò ə Ndàfît se nduə tàyn ə shɨŋ zɛ ə tè njì ndu è ghənə ə Papilɔ̀yn, ghâŋ me nyi njòse kyàʼ se ndo ə shɨŋ zɛ̂ ə tè njì ndu è ghənə ə Papilɔ̀yn se pə tàyn ə shɨŋ zɛ ə tè piə vɛ ə Zhə̀fè chɔʼ ndə̂m.

¹⁸Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

¹⁹Ndomə̀ vəyn Njosɛ̀f tè nyi wùə chichi, kɔ̂ŋɔ̀ va se ghomsə̂ Mèli ə ndayn. È ve sè ndəmə̂ ə vəyn ekwàʼtè nə zhi nə̀ zâ Mèli kè akyi àkyi.

²⁰Kə è kwàʼtə̀ se za Mèli, tsì ə̀ Pɛ̂pɛ ə pə̀ sê vəyn ə tsəm, ə pìə sê vəyn nə, “Njosɛ̀f, va Ndàfît, kə ò fayn se njìə Mèli sə ghò zhwi kûmə̀ nə vayn vɛ ə è pɔŋ ndo sê Zuʼse Ŋwaʼase.

²¹È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

²²Ghɛ nə ghɨ̂yn ə̀kɨ̂m tè kyàynə nyî se lwiynse əghɛ ghɛ ə Zhə̀fè tè tsayn tɔynə̂ ə fɨ̀aʼtè Vəyn nə,

²³“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

²⁴Ə pə̀ kə Njosɛ̀f zə̀mə̀, è və malə̂ Mèli kè kə tsì ə̀ Pɛ̂pɛ tè tsàyn sê vəyn.

²⁵Pîza ə tàʼa pɨəyn è Mèli se zaʼâ kə è piə vâyn èndômə̀. Njosɛ̀f ə tsɨ̀ə èzə ə vəyn nə Njisə̀s.