Read Mmen 2 Kolìŋ 11 Bible Online

2 Kolìŋ 11 - Mmen bible

2 Kolìŋ 11

¹Ə wâmnè zɨm kyi pî ə̀ghɛ angôghe ətəyn, m tsə̂mə̀ nə ghàyn kol təmə ə zɨte sê mi. M chyatə̂ nə ghàyn kol təmə!

²M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

³M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

⁴M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

⁵Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

⁶Ə m va pî se kàʼa m wamne achûŋ əghɨghe əshi, pîza m nyîə kyi ètɔf. Ghàs ə kàynè tyəyn ghɛ nə zɨnə se ghàyn ndom tekɨ̂m nə ghàs nyîə kyi ètɔf.

⁷E za nyi nə se tsosə ngɨŋ zɨ̂mzè əchi, endom se njìə kɔʼsə ghàyn, kə m ndaʼà tom èchùŋ ə̀ Fèzhə̀ se ghàyn mə m pfɨfə va fɨake se ghàyn nyi pi mə?

⁸E tè nyi kə m chɔŋə ndò ndɛ sə Fezhə̀ sə mɔ̀ʼɔse kûmə̀ nə kə m tè fɨ̀aʼa sê ghàyn ə̀ ndô ghənə ndaʼà mi.

⁹Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

¹⁰Kè kə səmɔʼ ə̀ Klâys nyi ə mì ewìyn, nâʼà wùə èmɔ̀ʼ endaʼa Àkayàzè vayn tàm nə kə mə pfɨ̂nə̀ àngàŋtè.

¹¹Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

¹²M faŋə ndùə kə nyî sə̂ nə̂ kə èghɛ zɛ m nə̂, kə m nəyn ə ghɨətom ə mɔ̀ʼɔghe ə kyi va ghɛze sə̂ pfɨ̂nə̀ àngàŋtè ətəyn pîə nə ghənə nə̂ kəpi èghɛ zɛ ə ghàs nə̀.

¹³Ghɨ nə ghɨnə wamə ndò nə ghənə nyi ə ghɨ tomə, ghənə nyi ə ghɨətom akaŋ ghɛ ə ghe wamə kaŋke kûmə̀ èfɨaʼ ə ghənə̂zè, pîə nə ghənə nyi əghɨtom ə Klâysghè.

¹⁴Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

¹⁵E za tyə̀nə̀ nə ghàyn kyi va sə̂ nyi è kayn nə ghɨ e fɨaʼa ə Satàynghè nyîə pɔŋɔ kaŋa tyə̂nə̀ nə ghənə nyi əghɨ ghɛ ə nə̂ ghɛ zɛ ə ze kwəynə ə Zhə̀fè əshi. Tsôs vɛ ə Zhə̀fè tə fo sê ghənə əkwùŋse tə kwəynə se fɨ̂aʼà ə ghənə nə zɨ̂yn.

¹⁶M pa kômtə̀ kə ndò nə kə wùə vîvè ə kwaʼtə̀ nə m nyi ango, pîza ə nyi se njìə mi sə ango, ə nə̀ zamə kə m kaʼa m pfɨyn pî àngàŋtè kə ango.

¹⁷Ndom vɨ̀nə ə m pfɨnə̀ ngàŋtèkè kûmə̀ ngɨŋ zɨ̂mzè, m nə̂ kə kə ango, ə̀ vachi èghɛ zɛ ə Zhə̀fè pì nə mə nə̂.

¹⁸Kə ghɨə tsɨəghe pfɨ̂nə̀ ngàŋtèkè endom vɛ ə ghɨə mbiə pfɨnə̀, m nə̀ pɔŋə pfɨnə̀ kə zamə.

¹⁹Ghàyn njìə sèngɨŋ saynse kə ghɨ ghɛ ə ghe kyi tsɛsè ètɔf, ə̀ za nyi eghɛ zɛ ə ghàyn nyi è saŋnêzè sə̂ zâ èngo nə və nyi!

²⁰Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

²¹M ghomə̂ se pì nə ghàs tè pâʼà nə̀yn ghɛ nə ghɨnə sê ghàyn! Nâʼàpî èghɛ èkè zɛ ə ghɨə kyi təmə se pfɨ̀yn angàŋtè kûmə̀ zəyn, m kyi kepî ndò təmə se pfɨ̀yn angàŋtè kûmə̀ zəynze, (kə ghàyn lɛse nə m wâmnə̀ kə kə ango)

²²Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.

²³Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

²⁴Ghɨ Njûsə̀ ghə pus mi shîŋə̀ tetâyn, ə̀ nyi pî ashìŋə̀ àkè kɛ ə pus mi, ə pusə sèwàyn m̀ghɨm mta njòse poləmɔ̀ʼ.

²⁵Ə pus mi è mbàŋsè shîŋə̀ teta, ə tɨmne mi è chîə shîŋə̀ zemɔ̀ʼ. Ngwùʼ ə pə̀ynè è mi ə tsô shîŋə̀ teta. Mə tə nə̀yn tuʼfe fɨ̂flèfè è chwì è kɨsè è tuʼve ə enjwì ə fengwaŋ eghaʼâvè, tso e kɔʼɔ kə è mi nyî tso.

²⁶Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.

²⁷Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

²⁸Ndomte tsɨ̀ə kə nyî kə m fe ngəʼ ətəyn pîza fɨyn va sə̂ taŋa ndûə. Ə̀ nyi ke èghɛ èmɔ̀ʼ ə ze fo ngəʼ se mi, mə za nyì sə̂ tɔ̂ʼnə̀ è ndɛ sə Fezhə̀sè sekɨ̂m.

²⁹Ə m fe wùə è ve pɔ, ghɛ ətəynze fo ngəʼ sê mi, ze ə nə̀ mi m pɔŋə pɔ. Ə wùə pfɨ̀ əfètəyn əpi, ghɛ ətəynze fo ngəʼ sê mi nâʼà sə ŋaŋ.

³⁰Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.

³¹Pɨ̀a Pɛ̂pɛ Njisə̀s, ə Fezhə̀ fɛ ə kyi sə̂ kɔʼsə̂ shîŋə̀ tekɨ̂m nyiə ke nə m wamə va.

³²Ə̀ tè nyi kə m nyi ə endaʼ ə Ndàmaskùszè, wùə vɛ ə fɔ̀yn Àletàs tè ndə̀m nə è və saʼa endaʼ nə zɛ, è və ndə̂mə̀ ə̀ghɨ əcho sembàynghè endaʼ eghaʼazè nə ə ko mi,

³³pîza ə ndə̀mə̀ mi ə akɛ̀, ə faŋə ə kwɨ̀l ə fɨsə̂ mi ə apùʼ ə tɔ̀ŋkɔke ə tsosə̂ mi ə chi, mə tə ndô.