Read Mmen Etyə̂yn ə paynsêzè 10 Bible Online

Etyə̂yn ə paynsêzè 10 - Mmen bible

Etyə̂yn ə paynsêzè 10

¹Epàm ətəyn, mə fe ə fètə̂ tèlaynəlayn tə mɔ̀ʼɔte, tsì èngaŋtə zhîzè, è zə ndò tso pə̂ ekwùtwəyn. È tè nyi mə è zə màʼ mbàʼsè kə sendzɨs, kòəngyəynze e nyi mə ze ə kyìŋ ka tu ə vəynke, kyâʼ ə zə̂ynzè e nyi kə ezhwi. Fɨəyntə vəynte e nyi ke kə etɔ̂ʼ ə wusve pɛ ətəyn.

²È tè kyi fèfɨ̂atə̀ fə ŋwàʼlè èngɛfe ə və agho mə ke ə zhòmə̀. È tè nyi mə è və tɔm ghol ə vəyn kə nə̀zhiəke ə enjwì ə fengwaŋve, ə tɔmə kə nə̀kôkè ə chi,

³ə pɨa è kyə̀ ètɛ, è kûmə̀ kə kyə̀ pìkəm ashìŋə̀ kɛ è chìə. È tè pɨa nâʼàpî ashìŋə̀ àkè, gholze ə kɨ̀mə̀ shîŋə̀ tesɛ̀mbɛ̂ kə pìkəm.

⁴Ə̀ tè nyi kə ghol ətəynze kɨmə̀, m sè kyiŋə se nyàʼ eghɛ zɛ ə ze pî, pîza ə zɨə kyə̀ kə è pə̀ ekwùtwəyn pìə nə, “Ndə̀te ghɛ ghɛ ghol e kɨmə̂ zɨ̂nə̀ pì nyi shîŋə̀ tesɛ̀mbɛ̂, kə ò nyaʼ.”

⁵Epàm ətəyn, mə fɨnə fe tsì zɛ ə m fə fe è tyəm ə enjwì ə fengwaŋve fɨyn tyəm ə chi za, kə è ndwisè kɔyn e twɔ ə vəynve ekwùtwəyn,

⁶ə kànə̀ èzə Fezhə̀ fɛ ə fe ndamə faŋə nâʼà kə ghè tə ghayn, ə nyi fəynfe ə fe pom kwùtwəyn è chike, è njwî ə fengwaŋve, è fɨave ekɨ̂m vɛ ə ve nyi ətelùʼ nə tɨ̂yn. Tsì ə̀təyn ə pìə nə, “Ə tə kɛsə̂ njisə̀ va shîŋə̀kè!

⁷Pîza ashìŋə̀ kɛ ə tsì zɛ ə è nə̀ nə se ndu esɛ̀mbɛ tə tɔŋɔ sɔŋ ə vəynze, ə Zhə̀fè nəyn nə ghɛ ghɛ ə è tè ndə̀te pɨaʼtê nə ghe tə kyanə̀ nji luʼve, kè kə è tè ndàʼa sê fɨ̀aʼtèsè mə ə̀ nyi əghɨ ə vəynghe fɨaʼaghe.”

⁸Epàm ətəyn, mə zɨə kyə̀ zɛ ə m fe zɨ è wâmnə̀ pə̂ se mi mə è fɨ ekwùtwəyn, e zə fɨnə wàmnə̀ sê mi ə pìə nə, “Nduə fi ŋwàʼlè èngɛ zɛ ə nyi mə ə zhòm zâ ə è nyi ə tsi zɛ agho ə è tyəm enjwì ə fengwaŋve fɨyn tyəm ə chi za.”

⁹Mə ndùə fe tsì nə zɛ ə pìə se zə̂yn nə è fo ŋwàʼlè fə engɛ fɛ̂ sê mi. È zə pìə sê mi nə, “Ko kwɨ̀l. Ò nə̀ piə ò kwɨlə ndò, ə è zə tɔfə kə endû pîza ə è pi è tso se tàyn ə ghò endwɔ̀, ə è nəyn ə o zɨə ètɨ̂m ə ghò endwɔ̀.”

¹⁰Mə fiə fengɛ fə ŋwàʼlè fə təynfe ə tsì nə zɛ agho ə piə m zaʼâ ndò, è ze tɔfə kə kə endû ə mi echo, ə̀ tè nyi kə m mî, e zə kɛsə sè fo mi è tɨ̂mzè ə mì endwɔ̀.

¹¹Tsì ə̀təyn ə pìə sê mi nə, “Ò kyi sə̂ fɨnə ndâʼà tom ə̀ Fèzhə̀ sê ghɨ ə tèndâʼà ghəkɨ̂m, è sê kyì ə tekyaʼtè tekɨ̂m, è sê ghɨ ghɛ ə wâmnə̀ wâmnè tə tèndâʼà tekɨ̂m, è sê fɔ̂yntè tekɨ̂m.”