Read Moba Mɑɑtieo 1 Bible Online

Mɑɑtieo 1 - Moba bible

Mɑɑtieo 1

¹Yiesu *Klistu yejɑnm sɑnɑ e nɑ: u din tie * Dɑɑfiid yɑɑbuonn e, k Dɑɑfiid mun din tie Ablɑɑhɑɑnm yɑɑbuonn.

²Ablɑɑhɑɑnm din mɑl Isɑɑk, k Isɑɑk din mɑl Sɑɑkɔb, k Sɑɑkɔb mun din mɑl Suudɑ nɑn u wɑɑli.

³Suudɑ din mɑl Fɑɑles nɑn Sɑɑlɑ, k b nɑɑ e din tie Tɑɑmɑɑl, k Fɑɑles din mɑl Eslɔnm, k Eslɔnm din mɑl Alɑɑnm.

⁴Alɑɑnm din mɑl Amiinɑɑdɑɑb, k Amiinɑɑdɑɑb din mɑl Nɑɑsɔn, k Nɑɑsɔn mun din mɑl Sɑlmɑ.

⁵Sɑlmɑ din mɑl Buos, wun nbɑ nɑɑ din tie Lɑɑhɑɑb, k Buos din mɑl Obet, wun nbɑ nɑɑ din tie Lut, k Obet mun din mɑl Sese.

⁶Sese din mɑl kpɑnbɑl Dɑɑfiid, k Dɑɑfiid mun din mɑl Sɑɑlomɔn, wun nbɑ yɑɑ nɑɑ din sint kun Uli[1] nɑ.

⁷Sɑɑlomɔn din mɑl Luobuɑnm, k Luobuɑnm din mɑl Abiɑ, k Abiɑ mun din mɑl Asɑɑf

⁸Asɑɑf din mɑl Suosɑɑfɑ, k Suosɑɑfɑ din mɑl Suolɑɑnm, k Suolɑɑnm mun din mɑl Osiɑ.

⁹Osiɑ din mɑl Soɑtɑɑnm, k Soɑtɑɑnm din mɑl Ahɑs, k Ahɑs mun din mɑl Esekiɑ,

¹⁰Esekiɑ din mɑl Mɑɑnɑɑse, k Mɑɑnɑɑse din mɑl Amɔn, k Amɔn mun din mɑl Suosiɑ,

¹¹k Suosiɑ din mɑl Yekuoniɑ nɑn u wɑɑli, bɑɑ din suol Islɑɑeltieb dɑɑbɑ k sɑɑn nɑn’m Bɑbiilonn yuo nbɑ nɑ.

¹²Bɑɑ din suol’b k sɑɑn nɑn’m Bɑɑbiilonn[2] duo ni nɑ puolpo, lenŋ e k Yekuoniɑ din mɑl Sɑɑlɑɑtiel, k Sɑɑlɑɑtiel mun din mɑl Solobɑɑbel.

¹³Solobɑɑbel din mɑl Abiud, k Abiud din mɑl Eliiɑkiinm, k Eliiɑkiinm mun din mɑl Asuol.

¹⁴Asuol din mɑl Sɑɑdɔk, k Sɑɑdɔk din mɑl Akiinm, k Akiinm mun din mɑl Eliut.

¹⁵Eliut din mɑl Eleɑsɑɑl, k Eleɑsɑɑl din mɑl Mɑɑtɑn k Mɑɑtɑn mun din mɑl Sɑɑkɔb.

¹⁶Sɑɑkɔb din mɑl Suosiɑf, k Suosiɑf mun din tie Mɑɑli sɔlɔ, k Mɑɑli din mɑl Yiesu nbɑ k b yi’u Klistu nɑ.

¹⁷Dɑɑfiid din tie Ablɑɑhɑɑnm yɑɑbuonpiik nɑn ŋɑnnɑ e. K Dɑɑfiid yuo k tɑn tuu yuo nbɑ k b din suol niib mɑnŋ dɑɑbɑ k sɑɑn nɑn’m Bɑɑbiilonn nɑ mun din tie yɑɑbuonpiik nɑn ŋɑnnɑ. Lɑɑ din nyii l yuo k tɑn tuu Klistu mɑɑlu yuo mun biɑ din tie yɑɑbuonpiik nɑn ŋɑnnɑ e.

¹⁸Bɑɑ din mɑl Yiesu Klistu biɑnŋ nbɑ e nɑ: u nɑɑ Mɑɑli din tie Suosiɑf sɑlkpenŋ e. B dɑɑ din k kuɑn lieb, ŋɑɑn k Suosiɑf din tɑn lɑ k Mɑɑli mɔk puol, k Foŋɑnm pɑnŋ ni e k u suol puol mɑnŋ.

¹⁹Suosiɑf nbɑ k u din yɑɑ wun kunn’ɔ nɑ din tie Yennu nipiemɔ e. L pɑɑk, u din k luon k wun nyinn’l pɑɑnu ni k lin dinn Mɑɑli fei, ŋɑɑn u din lol u pɑl ni e nɑn u ji kɑn kuɑn’ɔ.

²⁰Wɑɑ ji din duki lin nbɑ nɑ po nɑ e, k Yennu *bɑɑl u buol ni u dɑmiit ni k tɑn yet’ɔ ɑ: «Fin Suosiɑf, wun nbɑ tie Dɑɑfiid yɑɑbuonn, dɑɑ tiin ɑ sɑlkpenŋ Mɑɑli kuɑnu jɑŋmɑɑni, k mɑɑn wɑɑ mɔk puol nbɑ nɑ, Foŋɑnm pɑnŋ ni e k u suol puol mɑnŋ.

²¹U tɑn sɑɑ mɑl bonjɑk e, k ɑ sɑɑ pul u sɑnn Yiesu, k mɑɑn u tɑn sɑɑ fiel u niib b biit ni.»

²²Lin nbɑ nɑ kul din tun ɑ lin gbien lin nbɑ k Yonmdɑɑnɔ din te k u sɔkniisuɑ yet ɑ:

²³«Sɑpɑɑnmunn[3] tɑn sɑɑ suol puol k mɑl bonjɑk, k b tɑn sɑɑ pul u sɑnn Emɑɑnuel.» (L pɑɑk tie ɑ: «Yennu be nɑn’t.»)

²⁴Suosiɑf nbɑ din tɑn fiil guɑn ni yuo nbɑ k u tun nɑn Yennu mɑlɑkɑ nɑ nbɑ yet’ɔ biɑnŋ nbɑ nɑ, k ji din gɑɑl u sɑlkpenŋ Mɑɑli u ŋɑɑk ni,

²⁵ŋɑɑn u din k duɑ nɑn’ɔ mɔkmɔk nɑn wɑɑ din tɑn mɑl u sɑpɑɑnmɑl, bonjɑk nɑ. K Suosiɑf din pul u sɑnn Yiesu.