Read Moba Luk 18 Bible Online

Luk 18 - Moba bible

Luk 18

¹Yiesu yin Fɑɑliisiɑnnbɑ bɑljouk ɑ wun wɑnn’b nɑn l ŋɑn k bii mei Yennu yuo kul ɑ, ŋɑɑn dɑɑ mɔk kpinkpɑngbɑtuk u,

²k yet’b ɑ: «Bɑlbuulɔ din be digbɑnsiɑl k din tuu k tiin Yennu k tɑn boi ɑ u bɑɑkt nilɔ.

³Pɑkuɑk mun biɑ din be duo mɑnŋ ni, k din tuu tun bɑɑt u buol yuo kul k yien’ɔ ɑ: ‹Min nɑn nilɔ mɔk mɑɑn, bun k tul’n.›

⁴Ŋɑɑn k u tuu yet. L puolpo k u tɑn dukn dudukt ɑ: ‹N ponŋ tɑɑn k tiin Yennu, k biɑ k bɑɑkt nilɔ,

⁵ŋɑɑn pɑkuɑk nɑ dɑɑmiu pɑɑk, n sɑɑ tɑt k bu u mɑɑn mɑnŋ nɑn l sɔnu k tul’ɔ. Nnɑ i kɑɑ u sii bɑɑt e tieee k n tɑn bɑk.› »

⁶K Yonmdɑɑnɔ ŋɑnm yet’b ɑ: «Gbiintl bɑlbutounŋ dɑɑnɔ nbɑ piɑk biɑnŋ nbɑ.

⁷K Yennu mun ii? U nigɑnnkɑb nbɑ mei’ɔ yennu nɑn nyiɑɔk nɑ, u kɑn bu k tul’b ii?

⁸N yien’i e, u sɑɑ bu b buut yiɑn yiɑn. Ŋɑɑn *Nisɑɑlk Bijɑ i bɑɑl yuo nbɑ, u sɑɑ lɑ bin nbɑ mɔk yɑdɑ tingbounŋ nɑ ni wɑɑ ɑɑ?»

⁹Ŋɑnn e k Yiesu yin bɑljouk k tul bin nbɑ duki nɑn b tie niŋɑnm, ŋɑɑn sɑlkt b lieb nɑ, ɑ

¹⁰«Jɑb bɑnle din sɑɑn sɑɑ kuɑ Yennu jɑɑnti ŋɑsɑɑkɑk ni ɑ bin miɑl Yennu, k yenɔ din tie Fɑɑliisiɑn, k luɑ mun din tie lɑnpogɑɑltuɑ.

¹¹K Fɑɑliisiɑn nɑ set k miɑl u mɔnŋ po k yet ɑ: ‹Yennu, n tien’ɑ niipuouk nɑn mɑɑ k tie nɑn nilieb nɑ. N k tie nɑn-yukɔ, k biɑ k tie biitdɑɑnɔ, k mun biɑ k tuun boncuncontuonɑ. Niipuouk nɑn mɑɑ k tie nɑn lɑnpogɑɑltuɑ nɑ nɑ.

¹²N loln n mɔb tɑɑl munle dɑɑ ŋɑnlole nuɑk ni, k mɑɑ tuu lɑ lin nbɑ, n biɑ tien’ɑ yenn kuɑ piik nuɑk ni.›

¹³K lɑnpogɑɑltuɑ nɑ ŋɑnin din set bɑnfɔkl ɑ, k din k luon wun yɑɑt got sɑnpɑɑpo, ŋɑɑn pɑk yul k yet ɑ: ‹Yennu, tin’n ninbɑɑɔk, k mɑɑn n tie biitdɑɑnɔ e.› »

¹⁴K Yiesu ŋɑnm yet’b ɑ: «N yien’i e, Yennu ponŋ din nyik cɑb juɑ nɑ wɑɑ, ŋɑɑn yet Fɑɑliisiɑn nɑ miɑlu. K mɑɑn wun nbɑ kul dont u mɔnŋ, b tɑn sɑɑ sikn’ɔ, ŋɑɑn wun nbɑ mun siknt u mɔnŋ, b tɑn sɑɑ donn’ɔ.»

¹⁵Tɔn, k nisiɑb din bɑɑt nɑn b wɑɑs Yiesu buol ni, ɑ wun tɑn yɑt yetŋɑnm b pɑɑk, ŋɑɑn k u *puolpoweitieb nbɑ lɑ k b bɑɑt nɑn wɑɑs mɑnŋ nɑ, k b tiɑn b pɑɑk.

¹⁶Ŋɑɑn k Yiesu te k wɑɑs mɑnŋ bɑɑl u buol ni, ŋɑɑn yet u puolpoweitieb nɑ ɑ: «Ŋɑɑnt mɑn k wɑɑs mɑnŋ i bɑɑt n buol nɑ mɑn, k dɑɑ tiɑn’m, k mɑɑn b buolu e yen Yennu nɑɑn.

¹⁷Bɑlmɔni e k n yien’i nɑ, wun nbɑ k gɑɑl Yennu nɑɑn nɑn bik nɑ, u kɑn mi kuɑ l ni fɑb ɑ.»

¹⁸L yuo nɑ k yudɑɑnsuɑ din bɑɑl Yiesu buol ni k tɑn boi’ɔ ɑ: «Wɑntɔŋɑnɔ, n sɑɑ tien nlee k tɑn lɑ mɑnfuol nbɑ kɑɑ gbennu?»

¹⁹K Yiesu ŋmɑt boi’ɔ ɑ: «Bee k ɑ yi’n niŋɑnɔ? Niŋɑnsuɑ kɑɑ sie Yennu kuukuɑ.

²⁰A ponŋ mi Yennu *senni: Dɑɑ tuun boncuncontuonɑ, dɑɑ kpi, dɑɑ jɑɑn, dɑɑ tie fɑɑk siɑl ɑ, bɑɑkt ɑ bɑɑ nɑn ɑ nɑɑ.»

²¹K juɑ mɑnŋ jiin k yet’ɔ ɑ: «N ponŋ sɑk lin nbɑ nɑ kul n bisn ni e wɑɑ.»

²²Yiesu nbɑ gbɑt u jiinu nɑ k u yet’ɔ ɑ: «Bon-yenn kuɑ e pɔt’ɑ, kɔin lin nbɑ kul k ɑ mɔk k jii l likli k tul tɑlɑs-dɑnm, k ɑ tɑn sɑɑ lɑ mɔktuk *Yendɔunŋ ni. L puolpo k ɑ jen ɑ kii wɑɑ’n.»

²³Wɑɑ gbɑt lin nbɑ nɑ k u pɑl ji biil, k mɑɑn u din mɔk mɔktuk bonciɑnn.

²⁴Yiesu nbɑ bɑnn nɑn u mɔk pɑlbiil nɑ, k u yet ɑ: «L pɑɑl nɑn mɔktɑ n kuɑ Yennu nɑɑn ni.

²⁵L biɑ pɑɑl nɑn mɔktɔ n kuɑ Yennu nɑɑn ni nɑn yuyouk nbɑ kɑn fit kuɑ kpɑlpienu miɑl ni nɑ.»

²⁶Niib nbɑ gbɑt wɑɑ piɑk biɑnŋ nbɑ nɑ k b boi’ɔ ɑ: «L i tie nnɑ e i e, ŋmee ji sɑɑ fit k lɑ fielu?»

²⁷K u yet’b ɑ: «Lin nbɑ k nilɔ kɑn fit tun, ŋɑɑn Yennu sɑɑ fit tun’l ɑ.»

²⁸K Piɑl yet’ɔ ɑ: «Nnɑlɑ, t din nyik lin nbɑ k t din mɔk nɑ ŋɑɑn wɑɑ’ɑ.»

²⁹K Yiesu yet’b ɑ: «Bɑlmɔni e k n yien’i, wun nbɑ kul nyik u ŋɑɑk ɑmi u bɑɑ ɑmi u nɑɑ ɑmi u puo ɑmi u wɑɑs ɑmi u yuɑlb ɑmi u wɑɑli Yennu nɑɑn pɑɑk,

³⁰u biɑ sɑɑ lɑ bonɑ bonciɑnn tingbounŋ nɑ ni, k lin gɑl wɑɑ nyik lin nbɑ nɑ, k yuo nbɑ bɑɑt nɑ, u tɑn sɑɑ lɑ mɑnfuol nbɑ kɑɑ gbennu.»

³¹Yiesu yiin u puolpoweitieb k nyii nɑn’m kpinŋ k sɑɑ yet’b ɑ: «Nnɑlɑ, t sɑɑ Selusɑɑlenm e, k lenŋ e k b sɑɑ tien Nisɑɑlk Bijɑ lin nbɑ kul k *Yennu sɔkniinbɑ din diɑn u po biɑnŋ nbɑ nɑ.

³²B tɑn sɑɑ suol’ɔ k tien’ɔ bin nbɑ k tie *Suifnbɑ nuu ni, k b tɑn sɑɑ dɑɑn’ɔ nyɑtuk k suki’ɔ k siin mɔsɑnt u pɑɑk,

³³k biɑ buo’u gbɑnn, k biɑ tɑn kpi’u, ŋɑɑn k dɑɑ ŋɑntɑ dɑɑl k u tɑn sɑɑ fiil kuun ni.»

³⁴Ŋɑɑn u puolpoweitieb nɑ din k bɑnn mɑɑn nɑ pɑɑk. Siɑl din dɔkn b yɑn ɑ, k b k bɑnn lin nbɑ k u piɑk nɑ pɑɑk.

³⁵K Yiesu nbɑ din tɑn pel Seliiko nɑ, k juɑnsuɑ din be k kɑl sɑnjokpinŋ k din tuu mei,

³⁶k tɑn gbɑt k nibulciɑɔnŋ gɑɑl, k u boi ɑ: «Bee tie?»

³⁷K b yet’ɔ ɑ: «Yiesu nbɑ tie Nɑɑsɑɑlet nilɔ nɑ e gɑɑl.»

³⁸K u yikn sɑnpɑɑpo wɑɑ ɑ: «Yiesu, * Dɑɑfiid yɑɑbuonn, tin’n ninbɑɑɔk.»

³⁹K sɔnliitɑ nɑ din tiɑn u pɑɑk ɑ wun ŋmin, ŋɑɑn k u biɑ ŋɑnm yikn sɑnpɑɑpo wɑɑ ɑ: «Dɑɑfiid yɑɑbuonn, tin’n ninbɑɑɔk.»

⁴⁰K Yiesu set, ŋɑɑn yet’b ɑ bin dɑt juɑnŋ mɑnŋ k bɑɑl nɑn’ɔ u buol. Wɑɑ din bɑɑl kpiɑn Yiesu yuo nbɑ k Yiesu boi’ɔ ɑ

⁴¹«A luon k n tun bee k tul’ɑ ni?» K u jiin yet’ɔ ɑ: «N Yonmdɑɑnɔ, n luon k ɑ nyuɑnt n ninbinɑ e tul’n.»

⁴²K Yiesu yet’ɔ ɑ: «Nyuɑntl. A yɑdɑ pɑɑk k ɑ ninbinɑ nɑ lɑ tebuk.»

⁴³L tɑɑkpɑɑk ni k u ninbinɑ nyuɑnt k u ji lɑɑt, k wɑɑ Yiesu k sɑɑ k dont Yennu sɑnn. Yuo nbɑ k niib nɑ kul lɑ nnɑ mɑnŋ, k b ji piɑk Yennu.