Read Moba Luonmtieb 14 Bible Online

Luonmtieb 14 - Moba bible

Luonmtieb 14

¹Gɑɑt mɑn yɑdɑ-kɑnpuɑnɑ dɑnm nɑ, ŋɑɑn dɑɑ noi nɑn’m mɔniɑɔk b dudukt po.

²Suɑ yɑdɑ e te k u di jiet kul, ŋɑɑn k wun nbɑ yɑdɑ k pɑɑl nɑ mun kuɑ nɑnt ŋmɑmu.

³Wun nbɑ di jiet kul ɑ nɑ dɑɑ goli wun nbɑ kuɑ jesiɑt nɑ yɑnn, k wun nbɑ mun kuɑ jesiɑt nɑ dɑɑ biil wun nbɑ di jiet kul nɑ sɑnn, k mɑɑn Yennu gɑɑl’ɔ wɑɑ.

⁴A tie ŋmee k sɑɑ biil suɑ tuontunnɔ? U mɔnŋ yudɑɑnɔ nɑ e sɑɑ yet wɑɑ dii nɑn wɑɑ bɑɑ, k u set sɑɑ di wɑɑ k mɑɑn Yonmdɑɑnɔ mɔk pɑnŋ nbɑ sɑɑ te k wun di.

⁵Tɔn, nisiɑb mun duki ɑ dɑyenɑ cie dɑliɑ, k siɑb mun jii dɑɑ kul k l jɑn e. Suɑ kul yɑn ii pɑɑl nɑn wɑɑ tien lin nbɑ yɑdɑ.

⁶Wun nbɑ duki ɑ dɑyenɑ cie dɑliɑ nɑ, u tie nnɑ k tien Yonmdɑɑnɔ bɑɑkl e, k wun nbɑ mun di jiet kul nɑ, u tie nnɑ e k tien Yonmdɑɑnɔ bɑɑkl mun, k mɑɑn u tien Yennu niipuouk jiet nɑ pɑɑk, k wun nbɑ mun kuɑ jesiɑt nɑ mun tie nnɑ e k tien Yonmdɑɑnɔ bɑɑkl, k mun biɑ tien Yennu niipuouk.

⁷Suɑ kɑɑ k be k fo u yul pɑɑk, ɑmi k kpenn u mɔnŋ lonm kuun.

⁸T i fo, t fo k dont Yonmdɑɑnɔ sɑnn e. T i mun i biɑ kii kpo, t kpo Yonmdɑɑnɔ sɑnn ni e. Tɔn, t i fo ɑmi t i sɑɑ kpo i e, t tie Yonmdɑɑnɔ yɑb e.

⁹K mɑɑn *Klistu din kpo k biɑ fiil kuun ni ɑ wun tien fuotb nɑn kpienm Yonmdɑɑnɔ.

¹⁰Fin, ɑ mun tie ŋmee k sɑɑ wɑnn ɑ nɑɑbik nɑn wɑɑ tien lin nbɑ ŋɑn kuo l k ŋɑn i? Bee tien k ɑ sɑlkt ɑ nɑɑ bik i? T kul tɑn sɑɑ set Yennu tuɑnn k wun bu t buut.

¹¹L diɑn Yennu lolkpel kɑdɑɑɔk ni ɑ: «Min, Yonmdɑɑnɔ nbɑ fo nɑ, n yien’i nɑn buolu kul sɑɑ gbɑɑn n tuɑnn, k suɑ kul sɑɑ yet u mɔb ni, ɑ n set tie Yennu.»

¹²L pɑɑk, suɑ kul tɑn sɑɑ fiit u mɔnŋ k tul Yennu.

¹³L pɑɑk, t dɑɑ duki nɑn t sɑɑ fit yet nɑn lin nbɑ k t lieb tuun nɑ ŋɑn kuo l k ŋɑn. Lin nbɑ ŋɑn tie k i lol i mɔnŋ pɑl ni, nɑn i kɑn te k i nɑɑ bik n gbiɑt kuo k bɑɑ.

¹⁴Mɑɑ tien Yiesu yɑdɑ nɑ pɑɑk e te k n bɑnn nɑn jiet kɑɑ k kuɑ. Ŋɑɑn suɑ i dukn nɑn jesiɑt kuɑ l kuɑ u buol e.

¹⁵Fi i te k ɑ nɑɑ bik pɑl biil jiet nbɑ k ɑ di nɑ pɑɑk, ŋɑnn ŋɑnin ɑ ji k tuun lonm tuonɑ kɑɑ. Nilɔ nbɑ k Klistu din gɑɑl u pɑɑk k kpo nɑ, ɑ dɑɑ te k wun nyik Yennu sɔnu ɑ jiet dinu pɑɑk.

¹⁶A dɑɑ te k niib n pɑk k biil lin nbɑ k ɑ duki nɑn l ŋɑn.

¹⁷K mɑɑn Yennu nɑɑn lɑbɑɑl k tie jiet-dinu ɑmi nyunu lɑbɑɑl kɑɑ, ŋɑɑn l tie Yennu nbɑ luon k tii tuun bɑnnu nbɑ, nɑn mɑnu nɑn pɑlpienn nbɑ k Foŋɑnm tul’t nɑ lɑbɑɑl.

¹⁸K mɑɑn wun nbɑ wɑɑ Klistu nnɑ, Yennu sii mɔk pɑlpienn nɑn l dɑɑnɔ, k niib biɑ sii tie’u bɑɑkl.

¹⁹L pɑɑk, ŋɑɑnt mɑn k tin yɑbl k tun lin nbɑ bɑɑt nɑn mɑnu, nɑn lin nbɑ sɑɑ sonm t kul t yɑdɑ ni.

²⁰Ii mi k ɑ biil Yennu tuonɑ, jiet pɑɑk. Jiet kul ŋɑn e, ŋɑɑn l k ŋɑn k ɑ di jiet nbɑ sɑɑ te k ɑ nɑɑ bik yɑdɑ n bɑɑ.

²¹Lin nbɑ ŋɑn tie k ɑ nyik lin nbɑ kul sɑɑ te k ɑ nɑɑ bik n bɑɑ, l i lek i tie nɑnt ŋmɑmu ɑmi dɑɑn nyunu.

²²Fɑɑ tien yɑdɑ k jikt sɑɑ jiet dinu po biɑnŋ nbɑ nɑ, ŋɑɑnt k lii be fin nɑn Yennu sinsuuk ni. Wun nbɑ tun lin nbɑ k u dukn nɑn l ŋɑn, k k mɔk bilsuk l pɑɑk, pɑlpienn tie u yɑl e.

²³Ŋɑɑn wun nbɑ mɔk bilsuk lin nbɑ k u di nɑ pɑɑk, ŋɑɑn dii, u mɔk biit, k mɑɑn u k di’l nɑn yɑdɑ. Nilɔ i kii tien yɑdɑ nɑn tuonsiɑl ŋɑn, ŋɑɑn tɑn tuun tuonn mɑnŋ, l tie biit e.