Read Moba 1 Kuolent-tieb 16 Bible Online

1 Kuolent-tieb 16 - Moba bible

1 Kuolent-tieb 16

¹Tɔn, n luon k n pɑk likli nbɑ k i lɑkn k yɑɑ ɑ i sonm Yennu niib nbɑ be Selusɑɑlenm duo ni nɑ po. Ii tuun biɑnŋ nbɑ k n wɑnn *Klistu mɔtɑɑɔk niib nbɑ be Gɑɑlɑɑti tinŋ ni nɑ.

²Lɑsl dɑɑl kul, suɑ kul n tuu nyinn likli, wɑɑ tun k lɑ biɑnŋ nbɑ k bil, k l k tie mɑn tɑn bɑɑl kɑɑ wɑɑ k yin lɑkn.

³Mi i tɑnŋ i bɑɑl, n tɑn sɑɑ diɑn kɑdɑɑɔk k tun bin nbɑ k i lukt’b nɑ k bin sɑɑn Selusɑɑlenm nɑn i piini nɑ.

⁴L i tɑnŋ i ŋɑn nɑn mɑn sɑɑn n mɔnŋ, tin tɔk k sɑɑn.

⁵N lol suol k luon k n tɔkn nyi Mɑɑseduɑnn tinŋ ni. L puolpo k n sɑɑ bɑɑl k gɔn’i.

⁶Pɑsiɑl n sɑɑ di yuo bonciɑnn i buol ni, kuo pɑsiɑl k n sɑɑ biɑl piɑl kul, k l puolpo yin sonm’n k n gɑl sɑɑn siɑn nbɑ kul k n sɑɑ.

⁷N k luon k n bɑɑl i buol k gɔn’i yuo wɑɑnm-nnɑ ŋɑɑn gɑl kɑɑ, ŋɑɑn Yonmdɑɑnɔ i sɑk, n luon k n jii yuo bonciɑnn i buol.

⁸N sii be Efes duo ni nnɑ mɔkmɔk nɑn yuo nbɑ k *Pɑntekuot jɑɑnm tɑn sɑɑ bɑɑl,

⁹k mɑɑn dɑtɑi bonciɑnn i lek i be ŋɑɑn sɔnu luot k yɑɑ bonciɑnn k tul’n k n fit tuun tuonn nbɑ mɔk nyuɑt bonciɑnn.

¹⁰Tiimuote i tɑnŋ i bɑɑl i buol, i gɑɑl’ɔ sɑɑɔnŋ, k mɑɑn u tuun Yonmdɑɑnɔ tuonɑ e, nɑn mɑɑ mun tuun biɑnŋ nbɑ nɑ.

¹¹Ii mi mɑn k suɑ n siɑn’ɔ, ŋɑɑn te k wun nyi i buol nɑn mɑnu k bɑɑl n buol, k mɑɑn n goli ŋuɑ nɑn t nɑɑ wɑɑs sɔnu po.

¹²T nɑɑ bik Apuoluos ŋɑnin, n bɑln’mɔ e k luon ŋuɑ nɑn t nɑɑ wɑɑs nɑ n tɔk k bɑɑl i buol, ŋɑɑn u k luon wun bɑɑl mɔtɑɑnɑ. L i tie k u tɑn sɑɑ lɑ yuo, u sɑɑ bɑɑl ɑ.

¹³Ii guu mɑn kii be fɑnu i yɑdɑ ni, kii mɔk pɑl nɑn pɑnŋ.

¹⁴Ii tuun mɑn bont kul nɑn lonm.

¹⁵I ponŋ mi Sitefɑɑnɑɑs nɑn u ŋɑɑtieb po, ŋɑnm e din tie sinsinn niib nbɑ be Akɑɑyi tinŋ ni k din tien Klistuweilɑ, k b jii b mɔnŋ k tuun k tien Yennu niib. N nɑɑ wɑɑs, n bɑln’mi e,

¹⁶ii toki nibuolu nɑ binbenŋ nɑn b tuontunlieb kul nbɑ tɑɑn b po k tuun fɑnu nɑ.

¹⁷N dɑɑn mɔk pɑlpienn Sitefɑɑnɑɑs nɑn Foltunɑtus nɑn Akɑikus bɑɑlu nɑ pɑɑk k mɑɑn yɑɑ dɑɑn kɑɑ n buol nnɑ, n dɑɑn mɔk pɑlbiil, ŋɑɑn bɑɑ bɑɑl nɑ, n ji k mɔk pɑlbiil,

¹⁸k mɑɑn b cie min nɑn yinm pɑlɑ. L pɑɑk, i tul l nibuolu nibɑɑkl.

¹⁹Klistu mɔtɑɑɔk niib nbɑ be Asii tinŋ ni nɑ fuont’i. Akiilɑɑs nɑn Pliisiil nɑn Klistu mɔtɑɑɔk niib nbɑ lɑki k jiɑntl Yennu b ŋɑɑk ni nɑ fuont’i fɑnu Yonmdɑɑnɔ sɑnn ni.

²⁰T nɑɑ wɑɑs nbɑ be nnɑ kul fuont’i. Ii fuont lieb kii kpɑnmi mɑn.

²¹Min Pɔul e jii n mɔnŋ nuu k dɑ fuont’i mɑnŋ.

²²Wun nbɑ kul k luon Yonmdɑɑnɔ, mɔpol ii be u pɑɑk. T Yonmdɑɑnɔ, bɑɑt.

²³Yonmdɑɑnɔ Yiesu ii mɔk ninkpɑbɑɔnŋ nɑn’i.

²⁴N luon i kul nɑn bɑlmɔni Yiesu Klistu sɑnn pɑɑk. * Amenn.