Read Moba 2 Kuolent-tieb 3 Bible Online

2 Kuolent-tieb 3 - Moba bible

2 Kuolent-tieb 3

¹Lin nbɑ nɑ wɑnt nɑn t biɑ wɑnn t mɔnŋ biɑk ee? L kpɑ tɑlɑs e nɑn suɑ n diɑn t *siɑlɑ kɑdɑɑɔk k tul’i ni ii? Ami t gɑɑl t siɑlɑ kɑdɑɑɔk i buol ni, nɑn siɑb nbɑ tuun biɑnŋ nbɑ nɑ ɑɑ? Aɑi.

²Yinm e tie t *siɑlɑ kɑdɑɑɔk k tɑɑb t pɑlɑ ni ɑ suɑ kul n lii k bɑnn.

³L duɑ pɑɑnu ni nɑn yinm e tie *Klistu kɑdɑɑɔk mɑnŋ k u din diɑn k tun’t nɑn’n. L k diɑn nɑn mɑkmuɑnu kɑɑ ŋɑɑn l diɑn nɑn Yennu nbɑ fo nɑ Siek e. L k diɑn tɑnpɑtlɑi pɑɑk kɑɑ, ŋɑɑn l diɑn nisɑɑli pɑlɑ ni e.

⁴Lin nbɑ pɑɑk te k t piɑk nnɑ nɑ tie pɑlcienn nbɑ k t mɔk nɑn Yennu, Klistu sɑnn pɑɑk nɑ e.

⁵T k wɑnt t mɔnŋ nɑn t sɑɑ fit tun siɑl nɑn t mɔnŋ mɔnŋ pɑnŋ kɑɑ, ŋɑɑn tɑɑ fit tuun siɑl nɑ nyii Yennu buol e.

⁶K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

⁷Yuo nbɑ k b din diɑn senni mɑnŋ tɑnn pɑɑk nɑ, l yuo e k Yennu *yudɑnt din sik k nyili Muois nunm po, k l nyilku set din wɑɑl ŋɑɑn k Islɑɑeltieb biɑ din k fit goli’ɔ. K l i tie k senni mɑnŋ nbɑ din bɑɑt nɑn kuun nɑ din bɑɑl nɑn yentsɑɑkɑl,

⁸i mi ɑ nlee k Foŋɑnm sɔnu kɑn bɑɑl nɑn yudɑnt k gɑl’l i?

⁹L i tie k senni nbɑ biil niib pɑɑk e din bɑɑl nɑn yudɑnt, tuonn nbɑ te k niib tie niŋɑnm Yennu tuɑnn nɑ be nɑn yudɑnt k gɑl’l.

¹⁰T sɑɑ fit yet nɑn yudɑnt nbɑ din tuu be nɑ, ji k tie siɑl, l i tie k t bikn’ɔ nɑn yentsɑɑkɑl nbɑ be mɔtɑɑnɑ nɑ.

¹¹L i tie k lin nbɑ din biɑl wɑɑnm-nnɑ din mɔk yudɑnt, lin nbɑ sii be nɑn yuo nbɑ kɑɑ gbennu, l yudɑnt sii yɑb bonciɑnn k gɑl nnɑ.

¹²Tɑɑ mɔk dindɑnn mɑnŋ nbɑ nɑ pɑɑk e te k t mɔk pɑlcienn.

¹³T k tie nɑn Muois nbɑ din jii cincenn k pin u nunpo ɑ Islɑɑeltieb dɑɑ lɑɑt yudɑnt nbɑ yɑɑ lin gɑl nɑ pɑɑk kɑɑ.

¹⁴Ŋɑɑn k b dudukt din k yent. B i lii Yennu lolkpel kɑdɑɑɔk ni yuo nbɑ, cincenn mɑnŋ biɑ dɑɑ duɑk b dudukt nɑn dinnɑ gbɑɑ. Cincenn mɑnŋ tuu dɔkt nilɔ dudukt ni yuo nbɑ k u be Klistu ni kuukuɑ e.

¹⁵Hɑli nɑn dinnɑ, b i tɑnŋ i lii Muois kɑdɑɑt nɑ, cincenn nɑ biɑ dɑɑ duɑk b pɑlɑ ni.

¹⁶Ŋɑɑn l i tie k nilɔ ŋmɑt k wɑɑ Yonmdɑɑnɔ, cincenn mɑnŋ tuu dɔkt e.

¹⁷Tɔn, Yonmdɑɑnɔ tie Siek nɑ e, k siɑn nbɑ k Yonmdɑɑnɔ Siek nɑ be nɑ, yent-n-mɔnŋ be lenŋ e.

¹⁸Ŋɑnn e, t kul nbɑ k cincenn k duɑk t nuni po wɑnt Yonmdɑɑnɔ yudɑnt. Nnɑ e k t kpint k tie nɑn Yonmdɑɑnɔ nɑ, k nyii yudɑn-yent ni, ŋɑɑn kuɑ yudɑnt nbɑ yɑb k gɑl sinsinn yɑl nɑ ni. Nɑ tie tuonn nbɑ k Yonmdɑɑnɔ Siek tun e.