Read Moba Kuoluostieb 4 Bible Online

Kuoluostieb 4 - Moba bible

Kuoluostieb 4

¹Yonmdɑnm, ii diɑ i dɑɑbɑ fɑnu mɑn, kii biɑ kii diɑ’b bɑnnu nbɑ tuok, k mɑɑn i mi nɑn i mɔnŋ mun mɔk Yonmdɑɑnɔ *Yendɔunŋ ni.

²Ii yɑbi nɑn Yenmiɑlu nɑn ninmɔnn mɑn, k dɑɑ nyikt, kii tien Yennu niipuouk.

³kii biɑ kii mei’ɔ kii tien’t ɑ wun luot gɑnn k tul’t k tin fit fiit *Klistu wuol ni mɑɑn nbɑ te k n be dɑnsɑlk nɑ.

⁴Ŋɑnn ii mei Yennu kii tien’n k n fit pɑk nɑn lɑɑ kpɑɑ tɑlɑs nɑn min pɑk fɑnu biɑnŋ nbɑ nɑ.

⁵Ii mi mɑn i binbenŋ nbɑ tie biɑnŋ nbɑ k tul bin nbɑ k tie Klistu niib nɑ, k jii i yuo kii tuun fɑnu yuo kul nbɑ k Yennu luot sɔnu k tul’i.

⁶Ŋɑɑnt k i mɑɑn i mɑn yuo kul, k niib i niɑn i mɑɑn, k yii mi yɑɑ sɑɑ jiin suɑ kul buboit biɑnŋ nbɑ.

⁷T nɑɑ bilonkɑk Tiikiik, wun nbɑ tuun nɑn mɔmɔnm yuo kul, k biɑ tie t tuontunluɑ Yonmdɑɑnɔ pɑɑk nɑ sɑɑ yet’i t lɑbɑɑl.

⁸N tuun’ɔ i buol ni, ɑ wun yet’i t kul nbɑ be biɑnŋ nbɑ, k i pɑlɑ n cie.

⁹U tɔk nɑn Onesiinm, wun nbɑ tie t nɑɑ bik nbɑ tie mɔmɔnm dɑɑnɔ k biɑ tie i yuɑ nɑ. B sɑɑ yet’i bonsiɑl kul ɑ nbɑ tuun nnɑ nɑ.

¹⁰Aliistɑɑlk, wun nbɑ be nɑn’n dɑnsɑlk ni nɑ fuont’i, k Bɑɑlnɑɑbɑɑs puolɔ bijɑ Mɑɑlk mun biɑ fuont’i. (I dɑɑn ponŋ gɑɑl n kpɑɑni, ɑ Mɑɑlk ii tɑnŋ i bɑɑl i buol ni, yin gɑɑl’ɔ.)

¹¹Yiesu, wun nbɑ k b yi’u Sustus nɑ mun tien’i u fuonti. B bɑntɑ nbɑ nɑ kuukuɑ e tie *Suifnbɑ nbɑ ji wɑɑ Klistu k tuun nɑn’n Yennu nɑɑn tuonɑ mɑnŋ ni. K b mɑɑk n pɑl.

¹²Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

¹³N dii u *siɑlɑ nɑn u set tun bonciɑnn k sonm yinm nɑn Lɑodiise duo ni niib nɑn Hielɑpoliis duo ni niib.

¹⁴T yuɑk Luk, wun nbɑ tie bɑɑt-teblɔ nɑ, ŋuɑ nɑn Demɑɑs fuont’i.

¹⁵I fuont t nɑɑ wɑɑs nbɑ be Lɑodiise nɑ, k biɑ fuont t niipuo Ninfɑ nɑn Klistu mɔtɑɑɔk niib nbɑ lɑkn lieb u ŋɑɑk ni ɑ bii jiɑntl Yennu nɑ.

¹⁶I lii kɑdɑɑɔk nɑ gbenn yuo nbɑ, yin yɑbl k bin lii k tul Klistu mɔtɑɑɔk niib nbɑ be Lɑodiise nɑ, k biɑ mun lii kɑdɑɑɔk nbɑ sɑɑ nyi Lɑodiise nɑ.

¹⁷I yet Alkiip ɑ wun yɑbl u mɔnŋ kii tuun tuonn nbɑ k u tun Yonmdɑɑnɔ sɑnn ni nɑ k gbenn.

¹⁸N diɑn lin nbɑ nɑ nɑn n tiɑɔnŋ nuu e: Min Pɔul fuont’i. I dɑɑ tɑnmt nɑn n be dɑnsɑlk e. Yennu ii mɔk ninkpɑbɑɔnŋ nɑn’i.