Read Moba 1 Tesɑɑluoniiktieb 1 Bible Online

1 Tesɑɑluoniiktieb 1 - Moba bible

1 Tesɑɑluoniiktieb 1

¹Min Pɔul nɑn Siilɑɑs nɑn Tiimuote dɑ kɑdɑɑɔk nɑ k tien Yiesu mɔtɑɑɔk niib nbɑ be Tesɑɑluoniik k tie Bɑɑ Yennu nɑn Yiesu Klistuyɑb nɑ. Yennu ii mɔk ninkpɑbɑɔnŋ nɑn’i k biɑ tul’i mɑnu.

²T tien Yennu niipuouk i kul ɑ pɑɑk, k tiɑn i po yuo kul t Yenmiɑlu ni.

³T Bɑɑ Yennu tuɑnn po, t tiɑn biɑnŋ nbɑ k i tien yɑdɑ k tuun tuonɑ, nɑn i lonm nbɑ te k i tuun lin nbɑ nɑn biɑnŋ nbɑ k i dindɑnn cie nɑn t Yonmdɑɑnɔ Yiesu *Klistu.

⁴T nɑɑ wɑɑs, t mi nɑn Yennu e luon’i k ponŋ lukt’i ɑ yii tie u yɑb,

⁵k mɑɑn t lɑbɑmɑnn din k bɑɑl i buol ni nɑn mɔbonɑ kuukuɑ kɑɑ, ŋɑɑn l din bɑɑl nɑn yiikuo nɑn Foŋɑnm, k i din fit bɑnn nɑn l tie mɔni e k bilsuk kɑɑ. I mi tɑɑ din tuu be i penŋ biɑnŋ nbɑ, k luon tin fit sonm’i.

⁶I din toki tinm nɑn Yonmdɑɑnɔ. I lek din lɑ fɑlciɑɔnŋ, ŋɑɑn i din gɑɑl lɑbɑmɑnn mɑnŋ nɑn pɑlpienn nbɑ nyii Foŋɑnm buol ni nɑ e.

⁷K yɑɑ din tuun biɑnŋ nbɑ nɑ, din wɑnn bin nbɑ kul tie Klistuweilɑ k be Mɑɑseduɑnn nɑn Akɑɑyi tini ni nɑ, bɑɑ sii tuun biɑnŋ nbɑ.

⁸Yonmdɑɑnɔ lɑbɑmɑnn mɑnŋ din nyii i buol e, k lin Mɑɑseduɑnn nɑn Akɑɑyi tini ni, k lin nbɑ biɑ pukn, yɑɑ tien Yennu yɑdɑ biɑnŋ nbɑ ponŋ lin lokɑ kul po wɑɑ. L pɑɑk, t ponŋ ji kɑn fit pɑk siɑl k pukn.

⁹Niib nɑ kul piɑk jiint yɑɑ din gɑɑl’t biɑnŋ nbɑ nɑ, nɑn yɑɑ nyik pɑtɑ ŋɑɑn tunn bɑɑl Yennu buol, ɑ yii tuun kii tien bɑlmɔni Yennu nbɑ fo nɑ.

¹⁰I guu u Bijɑ Yiesu nbɑ sɑɑ nyi *Yendɔunŋ ni nɑ jennu e, wun nbɑ k u din fiin’ɔ kuun ni, wun nbɑ fɑt’t Yennu wutuol nbɑ tɑn sɑɑ bɑɑl nɑ ni nɑ.