Read Moba 2 Tiimuote 2 Bible Online

2 Tiimuote 2 - Moba bible

2 Tiimuote 2

¹N bik, fin ŋɑnin n jii ninkpɑbɑɔnŋ nbɑ k t lɑ Yiesu *Klistu buol ni nɑ kii cien ɑ pɑl.

²Fɑɑ ponŋ din gbɑt wɑnnu nbɑ n penŋ niib bonciɑnn buol ni nɑ, ɑ jii’l k wɑnn nisiɑb nbɑ tie yɑdɑ dɑnm, bin nbɑ mun sɑɑ fit wɑnn nilieb mun.

³A sɑk k gɑɑl fɑldinu nɑn Yiesu Klistu sejeŋɑnɔ nɑ.

⁴Seje nbɑ luon wun penn u sɑɑkuɑ pɑl tuonn ni, ji k ŋmɑt u binbenŋ nɑn lin nbɑ k tie sejenm tuonɑ ni.

⁵Wun nbɑ tiin puot nɑntɑɑl kɑn fit nyɑnn k gɑɑl l nyuɑt, sie k u sɑk wei puot *senni kul.

⁶L kpɑɑ tɑlɑs k kpɑɑlɔ nbɑ tun nɑn ninmɔnn n gɑɑl jiet sinsinn.

⁷Ii duki lin nbɑ k n yien’ɑ nɑ po, k mɑɑn Yonmdɑɑnɔ sɑɑ te k fɑn fit bɑnn l kul ɑ pɑɑk.

⁸Ii tiɑn Yiesu Klistu po. U din fiil kuun ni, k din tie * Dɑɑfiid yɑɑbuonn, nɑn mɑɑ muɑnt lɑbɑmɑnn nɑ.

⁹Lɑbɑmɑnn mɑnŋ pɑɑk, k n be nɑn jɑlt k di fɑlɑ nɑn biitdɑɑnɔ nɑ. Yennu mɑɑn mɑnŋ ŋɑnin k be jɑlt ni.

¹⁰Ŋɑɑn Yennu nigɑnnkɑb nɑ pɑɑk k n lek di suklu fɑlɑ kul ɑ ni, ɑ bin mun lɑ fielu nbɑ be Yiesu Klistu ni, kii mɔk dontl nbɑ kɑɑ gbennu nɑ.

¹¹Bɑli nɑ e tie mɔmɔnm: «T i kpo nɑn’ɔ, t mun tɑn sii mɔk mɑnfuol nɑn’ɔ e.

¹²T i ŋɑnmt yɑbi, t mun tɑn sɑɑ di nɑɑn nɑn’ɔ e, ŋɑɑn t i yɑɑ ɑ t k mi’u, u mun tɑn sii yɑɑ ɑ u k mi’t.

¹³L i tie k t k cɔln u mɑɑn, ŋɑɑn ŋuɑ k lebtl u mɑɑn, k mɑɑn u kɑn fit noi u mɔnŋ.»

¹⁴A tiɑl ɑ niib lin nbɑ nɑ, k tul’b kpɑɑni Yennu tuɑnn ni ɑ b dɑɑ kɔn mɔbonɑ pɑɑk. Ŋɑnn k mɔk nyuɑt, ŋɑɑn l biil bin nbɑ gbiin nɑ e.

¹⁵Yɑbt ɑ mɔnŋ pɑɑk k jɑnŋ nɑn Yennu n pɑk’ɑ, kii tie nɑn tuontunnɔ nbɑ k tiin fei u tuonn pɑɑk nɑ, k muɑnt bɑlmɔni mɑɑn dede.

¹⁶A nyinn ɑ mɔnŋ lɑbɑfɑɑnu nbɑ k tɑɑ nɑn Yennu mɑɑn k biɑ k mɔk nyuɑt nɑ ni, k mɑɑn bin nbɑ tuun l buolu sii ŋɑnmt fɔknt b mɔnŋ nɑn Yennu e.

¹⁷B wɑnnu nɑɑn nɑn nɑl-fiɑɔk nbɑ tuu di gbɑnɑnt nɑ e. B siɑb tie Hiimene nɑn Fiilet,

¹⁸k b fɔknt b mɔnŋ nɑn bɑlmɔni k biɑ tuni nisiɑb yɑdɑ k yɑɑ ɑ t kuun fiilu nɑ ponŋ gɑl ɑ.

¹⁹Ŋɑɑn fiɑkl nbɑ k Yennu tien dɑɑ be k biɑ k dɑnm i, k u tien dɑɔk l pɑɑk ɑ: «T Yonmdɑɑnɔ mi bin nbɑ tie u yɑb,» k biɑ jen ɑ ɑ: «Wun nbɑ kul yet ɑ u tie Yonmdɑɑnɔ yuɑ n nyik bonbiil tumu.»

²⁰Jetienbonɑ buolu bonciɑnn be ŋɑsɑɑkɑk ni k l kul k tie kutsɔnt kuukuɑ kɑɑ, ŋɑɑn ŋmɑnmɔni nɑn senni mun biɑ be. L yenn-nbɑ tie jɑɑnm yɑl k liel nbɑ k b tuun nɑn’n dɑɑ kul ɑ.

²¹L i tie k suɑ ji nyik bonbiil tumu nbɑ k n piɑk l po nɑ, ŋɑɑn be binbenŋ nbɑ gbuot Yennu nunm nɑ, u ji nɑɑn nɑn ŋmɑnŋ nbɑ tie jɑɑnm yɑl nɑ e, k mɑɑn u tie Yonmdɑɑnɔ kuukuɑ yuɑ e k mɔk nyuɑt u buol ni, k ji ŋɑn nɑn tuonŋɑnɑ kul tumu.

²²Nyint ɑ mɔnŋ nipɑɑɔnŋ niɑnbiit ni, ŋɑɑn kii wɑɑ bin nbɑ k Yennu yet, ɑ b tie niŋɑnm u buol ni nɑ sɔnu, nɑn yɑdɑ sɔnu, nɑn lonm sɔnu, nɑn mɑnu. Ii tuun nnɑ nɑn bin nbɑ mei Yonmdɑɑnɔ nɑn pɑlpienn nɑ.

²³A lɔkt jɑtmɔniɑt, k mɑɑn ɑ mi nɑn l juontl nɑn kunkɔnɑ e.

²⁴L k ŋɑn k Yonmdɑɑnɔ tuontunnɔ ii kɔn nɑn niib. L ŋɑn k wuu tie bulcimɔ e suɑ kul buol ni, kii tie wun nbɑ sɑɑ fit k tumi,

²⁵kii tie suon nnɑ yuo nbɑ k u tumi bin nbɑ noi’ɔ nɑ, k mɑɑn pɑsiɑl Yennu n tɑn tul’b yɑɑk k bin mɔ kuɑŋɑɑn k tɑn bɑnn bɑlmɔni,

²⁶k ŋɑnm jen bɑlmɔni sɔnu ni k lɔkt *Sɑɑtɑn bɑlt, k mɑɑn b ji tie u dɑɑbɑ k tuun wɑɑ luon bɑnnu nbɑ.