Read Moba Hebluonbɑ 8 Bible Online

Hebluonbɑ 8 - Moba bible

Hebluonbɑ 8

¹Bɑli nɑ bɑlnuɑk wɑnt nɑn t mɔk *mɑnntɔyudɑɑnɔ nbɑ tie nnɑ mun, k kɑl Yennu nbɑ mɔk pɑnŋ kul nɑ nɑɑngbounŋ niidiitu po *Yendɔunŋ ni,

²k tuun mɑnntɔyudɑɑnɔ tuonɑ Yennu dieok ni, k dieok mɑnŋ tie bɑlmɔni jɑɑnti lɑnbounŋ nbɑ k b tien nɑn bonkobgbɑnt nɑ, k Yonmdɑɑnɔ din tien k l k tie nisɑɑlk yɑl kɑɑ.

³B lukt mɑnntuɑ kul, ɑ wun jii piini k biɑ mɑnn *mɑlunŋ k tul Yennu e. Nnɑ e k l mun kpɑɑ tɑlɑs k t mɑnntɔyudɑɑnɔ ii mɔk siɑl k tul.

⁴L i bo i tie k u be tingbounŋ nɑ ni, u bo kii tie mɑnntuɑ fɑb ɑ, k mɑɑn mɑnntieb nbɑ tien Yennu piini, *Suifnbɑ *senni nbɑ senn biɑnŋ nbɑ nɑ, ponŋ be.

⁵B tuun b tuonɑ jɑɑnti dieok nbɑ nɑɑn nɑn lin nbɑ be Yendɔunŋ ni nɑ ni e. Ŋɑnn e te k Yennu din kpɑɑn Muois yuo nbɑ k u din yɑɑ wun cɑɑn jɑɑnti lɑnbounŋ nɑ, ɑ: «A tun bonsiɑl kul k lii nɑɑn nɑn lin nbɑ k n wɑnn’ɑ juɑl pɑɑk.»

⁶Yiesu mɑnnu tuonɑ nbɑ k Yennu tul’ɔ nɑ cie b mɑnnu tuonɑ k *lol nbɑ k u tuun nɑn’n nɑ cie lolkpel nɑ k u lol mɑnŋ gɑɑ nɑn mɔsonɑ nbɑ cie nɑ e.

⁷K mɑɑn sinsinn *lol nɑ ii dinŋ ii tien dede, l ji din bo kii kpɑɑ tɑlɑs k Yennu n tul lol pukn tɑɑl munle.

⁸Ŋɑɑn Yennu din lɑ nisɑɑli biit e, k u yet ɑ: «Min nbɑ tie Yonmdɑɑnɔ nɑ e yien’i ɑ yuo bɑɑt, k n tɑn sɑɑ lol lolpɑɑnn k tul Islɑɑeltieb nɑn Suudɑ niib.

⁹L tɑn kii tie nɑn lol nbɑ k n din senn k tul b yejɑnm dɑɑl nbɑ k n din kub b nii k nyinn’b Ejipt tinŋ ni nɑ. B din k wei lol nbɑ k n din tul’b nɑ nɑn bɑlmɔni, k l pɑɑk, k n bɑkɑ din kɑɑ b po. Min nbɑ tie Yonmdɑɑnɔ nɑ e yien’i nɑ.

¹⁰Lol nbɑ k n yɑɑ n senn k tul Islɑɑeltieb tie nɑ e. Dɑɑ nbɑ bɑɑt nɑ ni, n ji sɑɑ tɑbn n senni mɑnŋ b dudukt ni e, k diɑn tɑbn b pɑlɑ ni. N sii tie b Yennu e k b mun tie n niib.

¹¹L ji kii kpɑɑ tɑlɑs k b suɑ n wɑnn u luɑ ɑmi k yet u nɑɑ bik ɑ: ‹Fin, bɑnt Yonmdɑɑnɔ,› k mɑɑn b kul ɑ tɑn sii mi min e, lɑɑ jii bonbis k sɑɑ tuu sɑɑkɑb.

¹²N tɑn sɑɑ nyik b biit k cɑb’b, k ji kii tiɑn b biit nɑ po.»

¹³Yennu nbɑ piɑk lolpɑɑnn mɑnŋ po nɑ e, k sinsinn mɔlol nɑ tien lolkpel, k bonsiɑl nbɑ kpet k kokl, l k fɔk nɑn botu.