Read Moba 2 Sɑn 1 Bible Online

2 Sɑn 1 - Moba bible

2 Sɑn 1

¹Min nbɑ tie jɑɑnti sɑɑkuɑ nɑ e, dɑ kɑdɑɑɔk nɑ k tien puo nbɑ k Yennu lukt’ɔ nɑ, nɑn u wɑɑs. N luon’i nɑn bɑlmɔni, k l k tie min kuukuɑ kɑɑ luon’i ni, ŋɑɑn bin nbɑ kul nbɑ mi bɑlmɔni nɑ, b mun biɑ luon’i,

²k mɑɑn bɑlmɔni be t ni k biɑ sii tun be nɑn yuo nbɑ kɑɑ gbennu.

³Bɑɑ Yennu nɑn u Bijɑ Yiesu *Klistu ii mɔk ninkpɑbɑɔnŋ nɑn nyikcɑbu nɑn’t, k biɑ tul’t mɑnu, ɑ tii mɔk lin nbɑ nɑ kul, bɑlmɔni nɑn lonm sɔnu ni.

⁴N dɑɑn mɔk pɑlpienn bonciɑnn nɑn mɑɑ dɑɑn lɑ ɑ wɑsiɑt nbɑ k b wɑɑ bɑlmɔni nbɑ k Bɑɑ Yennu senn’t nɑ.

⁵Cɑnnɑɑ, n mei’ɑ, ŋɑɑnt k t kul i luon t lieb. Lin nbɑ nɑ k tie sennpɑɑnu kɑɑ k n diɑn’ɑ ni, ŋɑɑn l tie sennu nbɑ k t din dɔnŋ gbiɑ l po pinpiik ni.

⁶Lonm tie tii sɑɑk Yennu *senni e, k sennu nbɑ k i din dɔnŋ gbiɑ l po pinpiik ni nɑ wɑɑ, tie k i wɑɑ lonm sɔnu.

⁷Kpinkpɑnni dɑnm bonciɑnn ponŋ bɑɑl k yɑt sɑɑn siɑl po kul tingbounŋ nɑ ni wɑɑ, bin nbɑ yɑɑ, ɑ ŋɑnm k tien yɑdɑ, ɑ b mɑl Yiesu nisɑɑlk e. Wun nbɑ tuun l buolu tie kpinkpɑnni dɑɑnɔ, k biɑ tie Yiesu dɑtɑɑk.

⁸L pɑɑk, ii cek mɑn, k tɑn dɑɑ kɔnŋt t tuonn nyuɑt, ŋɑɑn tɑn lɑ nyuɑt nbɑ yɑb.

⁹Dɑɑnsuɑ nbɑ k gɑɑn Yiesu Klistu wɑnnu bonŋɑnn ŋɑɑn puki u mɔnŋ yɑl, u k gɑɑl Yennu, ŋɑɑn wun nbɑ sɑɑk wɑnnu mɑnŋ k k nyikt, Bɑɑ nɑn Bijɑ kul be u ni.

¹⁰L i tie k dɑɑnsuɑ nbɑ bɑɑl i buol ni, k k wɑnt wɑnnu mɑnŋ, i dɑɑ gɑɑn’ɔ i ŋei ni, k biɑ tɑɑn dɑɑ yien’ɔ, ɑ u nyinu po

¹¹k mɑɑn wun nbɑ fuont’ɔ, u mɔnŋ tɑɑnt dɑɑnɔ mɑnŋ biit po e nɑ.

¹²N mɔk mɔbonɑ bonciɑnn k luon k n diɑn k tul’i, ŋɑɑn n k luon k n diɑn kɑdɑɑɔk ni kɑɑ k tul’i ni, ŋɑɑn n mɔk dindɑnn nɑn n sɑɑ bɑɑl k gɔn’i, k tin pɑk nɑn lieb mɔi ni, k tii mɔk pɑlpienn nɑn mɔni.

¹³A niipuo wun nbɑ k Yennu gɑnn’ɔ nɑ, u wɑɑs fuont’ɑ.