Read Moba Fiitu 15 Bible Online

Fiitu 15 - Moba bible

Fiitu 15

¹L yuo k n lɑ bɑktnɔunŋ nyinn nbɑ gbenŋ *Yendɔunŋ ni, k *mɑlɑkɑɑnbɑ bɑnlole diɑ bonbiil buolu tɑɑl munlole nbɑ tenn puol k Yennu sɑɑ wɑnn u wutuol l ni k gbenn.

²K n lɑ siɑl k l nɑɑn nɑn miɑnu k tie nɑn mɔkgbenŋl nɑ, k ŋmɑt nɑn muu, k n biɑ lɑ bin nbɑ kɔn k nyɑnn muuk ni bonkobuk nɑ nɑn u nɑɑɔnŋ nɑ nɑn u sɑnn kɑnn nɑ, k b sie k kpiɑ mɔkgbenŋl nbɑ nɑɑn miɑnu nɑ k diɑ biɑt nbɑ k Yennu tul’b nɑ,

³k b yiin yɑnŋ nbɑ k Yennu tuontunnɔ Muois din yiin nɑ nɑn Pebik nɑ yɑnŋ ɑ: «T Yonmdɑɑnɔ Yennu nbɑ mɔk yiikuo kul, ɑ tuonɑ tie bɑktnɔunŋ tuonjɑɑnɑ nbɑ yɑɑl ŋɑɑn lit’t, ɑ sɔni tuok k biɑ tie bɑlmɔni. Fin e tie nibuolu kul Kpɑnbɑl.

⁴Yonmdɑɑnɔ, ŋmee be k kɑn tin’ɑ k biɑ kɑn dont ɑ sɑnn i? K mɑɑn ɑ tuonŋɑnɑ nyii pɑɑnu ni wɑɑ. Nibuolu kul tɑn sɑɑ bɑɑl k jiɑnt’ɑ, k mɑɑn ɑ bɑlmɔni tuonɑ nyii pɑɑnu ni wɑɑ.»

⁵L puolpo e k n biɑ lɑ k Yennu jɑɑnti ŋɑsɑɑkɑk nbɑ be Yendɔunŋ ni nɑ, k l luot, k Yennu tuntuok lɑnbounŋ be lenŋ.

⁶K mɑlɑkɑɑnbɑ bɑnlole nbɑ diɑ bonbibuolu ŋɑnlole nɑ nyii Yennu jɑɑnti ŋɑsɑɑkɑk ni, k liɑ tɑpieni nbɑ kɑɑ jɑknsiɑt i k biɑ nyili, k jii cincenlolɑ k lol b nyɑɑt ni.

⁷K bonfuɑ bɑnnɑ nɑ yenɔ jii sɑlmɑ seni ŋɑnlole k tul mɑlɑkɑɑnbɑ bɑnlole nɑ, k Yennu nbɑ be nɑn yuo nbɑ kɑɑ gbennu nɑ wutuol gbie l seni ni,

⁸k Yennu yentsɑɑkɑl nɑn u yiikuo te k munyuut gbie u jɑɑnti ŋɑsɑɑkɑk nɑ, k suɑ ji k fit kuɑ lenŋ nɑn yuo nbɑ k bonbibuolu ŋɑnlole nbɑ k mɑlɑkɑɑnbɑ bɑnlole diɑ nɑ n tɑn gbenn.