Read Moba Fiitu 19 Bible Online

Fiitu 19 - Moba bible

Fiitu 19

¹Lin nbɑ nɑ puolpo, k n gbɑt kunkɔsɑɑkɑlɑ *Yendɔunŋ ni k l tie nibulciɑɔnŋ pɑku, k b yien ɑ: «Pɑkn Yonmdɑɑnɔ mɑn. Fielu nɑn dontl nɑn yiikuo tie t Yennu yɑl e.

²Wɑɑ bu buut biɑnŋ nbɑ ŋɑn k biɑ tie mɔmɔnm. U bu puocunconbiiuk nbɑ biil tingbounŋ nɑ nɑn u cunconsn nɑ buut. U dɑt u tubl, wɑɑ kpii ŋuɑ Yennu tuontunnɑ nɑ pɑɑk.»

³K nibulciɑɔnŋ nɑ biɑ yien ɑ: «Pɑkn Yonmdɑɑnɔ mɑn. Duo nbɑ di muu nɑ munyuut do sɑnpɑɑpo nɑn yuo nbɑ kɑɑ gbennu.»

⁴K sɑɑkɑb piinle nɑn bɑnnɑ nɑ nɑn bonfuɑ bɑnnɑ nɑ gbɑɑn tinŋ ni k puki ŋuɑ Yennu nbɑ kɑl nɑɑngbounŋ pɑɑk nɑ, k b yien ɑ: «* Amenn, pɑkn Yonmdɑɑnɔ mɑn.»

⁵Tɔn, k kunkɔsiɑl nyii nɑɑngbounŋ nɑ buol k yet ɑ: «Pɑkn t Yennu mɑn, yinm kul nbɑ tie u tuontunnɑ, yinm nbɑ tiin’ɔ, nijɑɑnɑ nɑn nitɑli.»

⁶Ŋɑnn e k n biɑ gbɑt kunkɔsiɑl k l fu nɑn nibulciɑɔnŋ nbɑ tuu piɑk k fu nɑ, k biɑ fu nɑn siɑɔk kpenu nɑ, k biɑ fu nɑn sɑtiɑngbenŋɑ fuut nɑ k yet ɑ: «Pɑkn Yonmdɑɑnɔ mɑn, k mɑɑn Yonmdɑɑnɔ Yennu nbɑ mɔk yiikuo kul nɑ dii nɑɑn ɑ.

⁷Ŋɑɑnt mɑn k tii kpɑnm kii mɔk pɑlpienn kii dont u sɑnn, k mɑɑn yuo nɑ bɑɑl ɑ k Pebik nɑ luon wun kuɑn u puo, k sɑlkpenŋ ponŋ tien siil ɑ.

⁸K b tul sɑlkpenŋ nɑ cincenŋɑnn nbɑ nyili k k mɔk jɑknt, ɑ wun gbɑb.» (Cincenŋɑnn nɑ e tie Yennu niib tuonŋɑnɑ nbɑ ŋɑn ŋuɑ Yennu buol ni.)

⁹K *mɑlɑkɑ nɑ yet’n ɑ n diɑn ɑ: «Bin nbɑ k b yiin’m k b bɑɑl Pebik mɑnŋ puokuɑnt jɑɑnm ni nɑ, pɑlpienn tie b yɑl e.» K mɑlɑkɑ mɑnŋ biɑ yet’n k pukn ɑ: «Mɑɑn nɑ tie Yennu mɑɑn e, k tie mɔmɔnm.»

¹⁰Ŋɑnn e k n gbɑɑn u tuɑnn ɑ n jiɑnt’ɔ. K u yet’n ɑ: «Dɑɑ tie nnɑ kɑɑ, N tie fin nɑn ɑ nɑɑ wɑɑs nbɑ diɑ Yiesu bɑlmɔni *siɑlɑ nɑ tuontunluɑ e. Jiɑntl Yennu e. K mɑɑn Yiesu bɑlmɔni siɑlɑ nɑ e te k sɔkniinbɑ muɑntl b lɑbɑɑl.»

¹¹L puolpo k n lɑ k Yendɔunŋ luot, k tɑnpienŋ sie lenŋ, k wun nbɑ jɑk’ɔ nɑ sɑnɑ tie Bɑlmɔndɑɑnɔ nɑn Mɔmɔnm, k u bu buut k biɑ tuokt tɔbi bɑnnu nbɑ ŋɑn Yennu buol.

¹²U ninbinɑ nɑɑn nɑn mupienu nɑ, k u yil nɑɑnfokli k l yɑb ɑ, k sɑnn diɑn u pɑɑk, k suɑ k mi sɑnn mɑnŋ, sie ŋuɑ kuukuɑ.

¹³K tiɑɔk nbɑ k u liɑ nɑ fɑl nɑn sɔn, k sɑnn nbɑ k b yi’u nɑ tie: «Yennu Mɑɑn.»

¹⁴K Yendɔunŋ ni tɔb niib jɑk tɑnpieni, k liɑ cincenŋɑnɑ nbɑ pien k k mɔk jɑknt, k wɑɑ’u.

¹⁵K juk-bɑnjiɑk nbɑ di bonciɑnn tɑnt k nyii u mɔb ni, k u sɑɑ jii’l k kɔn nyɑnn tingbounŋ yent kul niib. U sii diɑ kut pɑtu kii yen’m. K u sɑɑ ŋmɑkl tiluɑnɑ siɑn nbɑ k b ŋmɑkl’l nɑ, k l tie Yennu nbɑ mɔk yiikuo kul wutociɑɔnŋ nɑ.

¹⁶K sɑnsiɑl diɑn u liɑtl nɑn u tɑɑl pɑɑk ɑ: «kpɑnbɑlɑ kul Kpɑnbɑl, yonmdɑnm kul Yonmdɑɑnɔ.»

¹⁷Ŋɑnn e k n lɑ mɑlɑkɑ k u sie yennu ni k tiɑn k yi nuɑni nbɑ yuuk sɑnpɑɑpo ɑ: «Tikt mɑn k bɑɑl Yennu jɑɑngbenŋl nɑ ni,

¹⁸k tɑn di kpɑnbɑlɑ nɑn sejenm yudɑnm nɑn pɑnŋ dɑnm nɑn tɑɑni nɑn tɑnjɑklɑ gbɑnɑnt nɑn niib kul, bin nbɑ tie dɑɑbɑ nɑn bin nbɑ tie yent-n-mɔnŋ dɑnm nɑn bin nbɑ tie nijɑɑnɑ nɑn bin nbɑ tie nitɑli kul gbɑnɑnt.»

¹⁹K n lɑ muuk ni bonkobuk nɑ nɑn tingbounŋ nɑ kpɑnbɑlɑ nɑn b tɔb niib, k b tikl ɑ bin kɔn nɑn wun nbɑ jɑk tɑɑnm mɑnŋ pɑɑk nɑ nɑn u mun yɑɑ tɔb niib.

²⁰K b suol muuk ni bonkobuk nɑ, nɑn u fɑɑk sɔkni nbɑ dɑɑn tuu tie bɑktnɔunŋ nyinɑ u tuɑnn po nɑ. U tuun nyinɑ mɑnŋ k kpɑnn bin nbɑ mɔk muuk ni bonkobuk mɑnŋ dɔuk nɑ nɑn bin nbɑ dɑɑn jiɑntl u nɑɑɔnŋ nɑ. B suol muuk ni bonkobuk mɑnŋ nɑn u fɑɑk sɔkni mɑnŋ nɑ k b fo, k lu’b buotuk nbɑ gbie nɑn muu k sɑlwuutɑ di nɑn’n nɑ ni.

²¹K wun nbɑ jɑk tɑɑnm k juk-bɑnjiɑk tɑnt nyii u mɔb ni nɑ, k u jii juk-bɑnjiɑk mɑnŋ k kpii bin nbɑ biɑl nɑ, k nuɑni dii b gbɑnɑnt k tɑn gbuo.