Read ახალი ქართულით, Modern Georgian Bible, 1982 დაბადება 15 Bible Online

დაბადება 15 - ახალი ქართულით, Modern Georgian Bible, 1982 bible

დაბადება 15

¹ამ ამბების შემდეგ უფლის სიტყვა გამოეცხადახილვაში აბრამს: ნუ გეშინია, აბრამ! მე ვარ ფარი შენი! დიდზე დიდი იქნებაშენი ჯილდო.

²უთხრა აბრამმა: უფალო ღმერთო, რა უნდა მიბოძო? უშვილოდგადავდივარ, ჩემი სახლის მოურავი დამასკოელი ელეაზარია.

³კვლავ უთხრა აბრამმა: შთამომავლობა არ მოგიცია ჩემთვის,და, აჰა, ჩემს სახლში შობილი ყმა უნდა გამიხდეს მემკვიდრედ.

⁴კვლავ გამოეცხადა უფლის სიტყვა: არ იქნება იგი შენიმემკვიდრე; მხოლოდ შენი წიაღიდან გამოსული იქნება შენი მემკვიდრე.

⁵გარეთ გაიყვანა და უთხრა: აჰხედე ცას და დაითვალევარსკვლავები, თუ შეგიძლია მათი დათვლა. მერე უთხრა: ამდენი იქნება შენიშთამომავლობა.

⁶ერწმუნა უფალს, ხოლო მან სიწრფელეში ჩაუთვალა ეს.

⁷უთხრა: მე ვარ უფალი, რომელმაც გამოგიყვანე ქალდეველთაურიდან, რომ დასამკვიდრებლად მოგცე ეს ქვეყანა.

⁸უთხრა აბრამმა: უფალო ღმერთო, როგორ მივხვდე რომდავიმკვიდრებ?

⁹უთხრა: მომიყვანე სამი წლის ხბო, სამი წლის თხა, სამიწლის ცხვარი, გვრიტი და მტრედის ხუნდი.

¹⁰აიღო ეს ყველაფერი, შუაზე დახლიჩა და ერთმანეთს მიუწყონახლეჩები, ოღონდ ფრინველები არ დაუხლიჩავს.

¹¹დააცხრნენ სვავები მძორებს, მაგრამ მოუგერია ისინიაბრამმა.

¹²მზის ჩასვლისას ძილქუში დაეცა აბრამს და, აჰა, დიდმაშიშმა და წყვდიადმა მოიცვა იგი.

¹³უთხრა უფალმა აბრამს: იცოდე, მდგმურად იქნება შენიშთამომავლობა სხვის ქვეყანაში; დამორჩილებული და დაჩაგრული ეყოლებათ ოთხასწელს.

¹⁴იმ ხალხს კი, ვისი მორჩილნიც შეიქნებიან, მე განვსჯი;შემდგომ ამისა დიდძალი ქონებით გამოვლენ უკან.

¹⁵შენ კი მშვიდობით მიუხვალ შენს მამა-პაპას, ტკბილ სიბერესმიწევნული დაიმარხები.

¹⁶მხოლოდ მეოთხე თაობაში მობრუნდებიან აქეთ, როცა აივსებაამორეველების უკეთურებათა საწყაული.

¹⁷მზე რომ ჩავიდა და სიბნელე ჩამოწვა, აჰა, აკვამლებულითონე, და ცეცხლის ალმა გაიარა ნახლეჩებს შორის.

¹⁸ამ დღეს დაუდო უფალმა აღთქმა აბრამს და უთხრა: შენიშთამომავლობისთვის მიმიცია ეს ქვეყანა ეგვიპტის მდინარიდან დიდ მდინარემდე- ევფრატის მდინარემდე -

¹⁹ქვეყანა კენეველთა, კენიზელთა, კადმონელთა,

²⁰ხეთელთა, ფერიზელთა, რეფაიმელთა,

²¹ამოთეველთა, ქანაანელთა, გირგაშელთა და იებუსეველთა.