Read ახალი ქართულით, Modern Georgian Bible, 1982 დაბადება 20 Bible Online

დაბადება 20 - ახალი ქართულით, Modern Georgian Bible, 1982 bible

დაბადება 20

¹გაემგზავრა იქიდან აბრაამი ნეგების მხრისკენდა დასახლდა კადეშსა და შურს შორის, და იყო მდგმურად გერარში.

²თქვა აბრაამმა სარაზე, თავის ცოლზე: ჩემი და არის ესქალი. მაშინ გაგზავნა აბიმელექმა, გერარის მეფემ, კაცი და წაიყვანა სარა.

³მოევლინა ღამით სიზმარში აბიმელექს ღმერთი და უთხრა:მოკვდები ამ ქალის გამო, შენ რომ მოიყვანე. რადგან ქმრიანია იგი.

⁴აბიმელექი არ მიჰკარებია ქალს. უთხრა: უფალო, ნუთუ მართალხალხს დაღუპავ?

⁵განა თავად არ მითხრა, ჩემი და არისო? ქალმაც ხომ მითხრა,ჩემი ძმა არისო ეს კაცი? წრფელი გულითა და უმწიკვლო ხელით გავაკეთე ეს.

⁶უთხრა მას ღმერთმა სიზმარში: მეც ვიცოდი, რომ წრფელიგულით გააკეთე ეს და ამიტომაც განგარიდე ცოდვას ჩემს წინაშე: არ მიგაკარემაგ ქალს.

⁷ახლა კი დაუბრუნე ქმარს ცოლი, რადგან წინასწარმეტყველიაის კაცი. ილოცებს შენთვის, რომ ცოცხალი გადარჩე. თუ არ დაუბრუნებ, იცოდე,სიკვდილი არ აგცდებათ არც შენ და არც შენიანებს.

⁸ადგა დილაადრიანად აბიმელექი, დაიბარა თავისი მორჩილნი დამოუყვა მათ მთელ ამ ამბავს. მეტისმეტად შეშინდა ხალხი.

⁹დაიბარა აბიმელექმა აბრაამი და უთხრა: ეს რა გვიყავი? რაშეგცოდე, რომ ასეთ დიდ ცოდვაში მაგდებდი მეც და ჩემს სამეფოსაც? ისეთსაქმეს მიპირებდი, რაც არავისთვის უქნიათ ოდესმე.

¹⁰კვლავ უთხრა აბიმელექმა აბრაამს: რას ფიქრობდი, ამ საქმესრომ მიპირებდი?

¹¹უთხრა აბრაამმა: ვიფიქრე, ღვთის შიში არ ექნებათ ამკუთხეში და ჩემი ცოლის გამო მომკლავენ-მეთქი.

¹²მართლაც ჩემი და არის ეს ქალი, მამაჩემის ასულია იგი,ოღონდ დედაჩემის ასული არ არის. ამიტომაც ვითხოვე ცოლად,

¹³როცა ღმერთმა მამაჩემის სახლიდან ამახეტიალა, ვუთხარიქალს: ეს ერთი მადლი მიყავი-მეთქი: რა მხარეშიც რა უნდა მოვხვდეთ, თქვიჩემზე, ჩემი ძმა არის-თქო ეს კაცი.

¹⁴აიღო და მისცა აბიმელექმა აბრაამს ცხვარ-ძროხა, ყმები დაყმაქალები. და დაუბრუნა სარაც, მისი ცოლი.

¹⁵უთხრა აბიმელექმა: აჰა, შენს წინაშეა ჩემი ქვეყანა,იცხოვრე შენს ნებაზე.

¹⁶სარას უთხრა: აჰა, ათასი ვერცხლი მივეცი შენს ძმას. ამანმოგწმინდოს ნამუსი ყველას წინაშე, ვინც შენთან არის. ყველასთანგამართლებული ხარ!

¹⁷ილოცა აბრაამმა ღვთის წინაშე და განკურნა ღმერთმააბიმელექი. მისი ცოლი და მისი მხევლები, და ეყოლათ შვილები.

¹⁸რადგან ყველასთვის დაეხშო უფალს საშო აბიმელექის სახლშიაბრაამის ცოლის, სარას გამო.