Read ახალი ქართულით, Modern Georgian Bible, 1982 დაბადება 24 Bible Online

დაბადება 24 - ახალი ქართულით, Modern Georgian Bible, 1982 bible

დაბადება 24

¹მოხუცდა აბრაამი, ხანში შევიდა; ყველაფრითნაკურთხი ჰყავდა უფალს აბრაამი.

²უთხრა აბრაამმა თავის მორჩილს, თავის სახლთუხუცესს, მთელითავისი ქონების განმგებელს: საზარდულქვეშ ამომიდევი ხელი.

³გაფიცებ უფალს, ღმერთს ცისას და ღმერთს მიწისას. არმოუყვანო ცოლი ჩემს ძეს ქანაანელთაგან, რომელთა შორისაც მე ვცხოვრობ;

⁴არამედ წახვიდე ჩემს ქვეყანაში, ჩემს სამშობლოში დამოუყვანო ცოლი ჩემს ძეს, ისაკს.

⁵უთხრა მორჩილმა: თუ არ წამომყვა ის ქალი ამ ქვეყანაში,ხომ არ დავაბრუნო შენი ძე იმ ქვეყნად, საიდანაც შენ გამოხვედი?

⁶უთხრა აბრაამმა: გაფრთხილებ, არ დააბრუნო იქ ჩემი ძე.

⁷უფალი, ცის ღმერთი, რომელმაც წამომიყვანა მამაპაპისსახლიდან, ჩემი სამშობლო ქვეყნიდან, რომელიც მეუბნებოდა და მეფიცებოდა,შენს შთამომავლობას მივცემო ამ ქვეყანას, სწორედ ის წაგიმძღვარებს თავისანგელოზს და წამოიყვან იქიდან ქალს ჩემი ძისათვის.

⁸თუ არ წამოგყვა ქალი, თავისუფალი ხარ ამ ჩემი ფიცისგან,ოღონდ იქ არ დააბრუნო ჩემი შვილი.

⁹ამოუდო ხელი საზარდულქვეშ მორჩილმა აბრაამს, თავისპატრონს და შეჰფიცა, რომ შეუსრულებდა ამას.

¹⁰გამოიყვანა მორჩილმა ათი აქლემი თავისი პატრონის ჯოგიდანდა გაუდგა გზას; მის ხელში იყო მისი პატრონის მთელი ქონება. ადგა და წავიდაშუამდინარეთში, ნახორის ქალაქისკენ.

¹¹ჩაამუხლა აქლემები ქალაქის გარეთ ჭასთან საღამოხანს,წყლის მზიდავი ქალების გამოსვლის ხანს.

¹²თქვა: უფალო, ჩემი პატრონის აბრაამის ღმერთო, ხელიმომიმართე დღევანდელ დღეს, მადლი უყავი ჩემს პატრონს, აბრაამს!

¹³აჰა, ვდგავარ ჭასთან და ამ ქალაქის მკვიდრთა ასულნისადაცაა გამოვლენ წყლის ამოსაღებად.

¹⁴თუ მოხდა და ყმაწვილქალმა, რომელსაც ვეტყვი, პირი წაუქციეშენს კოკას, წყალს დავლევ-მეთქი, მითხრა, შენც დალიე და აქლემებსაცდაგირწყულებო, სწორედ ის იქნება შენი მორჩილისთვის, ისაკისთვის რომ გყავსდანიშნული. მივხვდები, რომ მადლი უყავი ჩემს პატრონს.

¹⁵ვიდრე ამის თქმას მოასწრებდა, აჰა, გამოვიდა მხარზეკოკაშედგმული რებეკა, რომელიც შესძენოდა ბათუელს, მილქასა და აბრაამისძმის, ნახორის ვაჟიშვილს.

¹⁶ყმაწვილი ქალი ძალზე კარგი იყო შესახედავად, ქალწული იყო,მამაკაცი არ გაჰკარებოდა. ჩავიდა წყაროზე, კოკა აავსო და ამოვიდა.

¹⁷გაიქცა მისკენ მორჩილი და უთხრა: ცოტა წყალი დამალევინეშენი კოკიდან.

¹⁸უთხრა ქალმა: დალიე ბატონო. ჩამოიღო კოკა და თავისი ხელითშეასვა წყალი.

¹⁹შეასვა თუ არა, უთხრა: შენს აქლემებსაც ამოვუზიდავ წყალს,ვიდრე არ დარწყულდებიან.

²⁰უმავლე ჩამოსცალა გეჯაში კოკა და ისევ გაიქცა ჭისკენწყლის ამოსაღებად. აქლემებსაც ამოუტანა წყალი.

²¹კაცი აკვირდებოდა ქალს, ხმას არ იღებდა, სურდა გაეგო,სასიკეთოდ წარუმართა თუ არა უფალმა გზა.

²²როცა დარწყულდნენ აქლემები, ამოიღო კაცმა ერთბეკაყიანიოქროს საყურე და ათბეკაყიანი ორი ოქროს სამაჯური.

²³უთხრა: ვისი შვილი ხარ? მითხარი, თუ მოიძებნება მამაშენისსახლში ღამის გასათევი ადგილი ჩვენთვის?

²⁴უთხრა ქალმა: ბეთუელის შვილი ვარ, მილქასი და ნახორისძისა.

²⁵კვლავ უთხრა: ბზეცა და თივაც მრავლადა გვაქვს და ღამისგასათევი ადგილიც.

²⁶მუხლი მოიყარა კაცმა და თაყვანი სცა უფალს.

²⁷თქვა: კურთხეულ იყოს უფალი, ჩემი პატრონის, აბრაამისღმერთი, რომელმაც არ მოაკლო წყალობა და სიყვარული ჩემს პატრონს. პირდაპირმომაყენა უფალმა ჩემი პატრონის ნათესავების სახლს.

²⁸გაიქცა ყმაწვილი ქალი და თავისი დედის სახლში შეატყობინაეს ამბავი.

²⁹ძმა ჰყავდა რებეკას, სახელად ლაბანი. გაიქცა გარეთ ლაბანიიმ კაცისკენ, წყაროსთან.

³⁰როცა დაუნახა თავის დას საყურეები და ხელზე სამაჯურები დამოისმინა თავისი დის, რებეკას, მონაყოლი, ასე მელაპარაკაო ის კაცი, მივიდაიმ კაცთან და ხედავს, აქლემებთან დგას, წყაროს პირას.

³¹უთხრა: შინ წამოდი, უფლის კურთხეულო. გარეთ რისთვისდგახარ? ბინა და აქლემების სადგომი გამზადებული მაქვს.

³²შევიდა კაცი სახლში. შეხსნა ლაბანმა აქლემებს საკაზმები,აქლემებს ბზე და საკვები დაუყარა, მას და მის თანმხლებ კაცებს ფეხისდასაბანად წყალი მიუტანა.

³³გაუშალეს სუფრა, მან კი უთხრა: არ შევჭამ, ვიდრე ჩემსსათქმელს არ ვიტყვი. უთხრა ლაბანმა: თქვი.

³⁴თქვა: აბრაამის მორჩილი ვარ მე.

³⁵დიდად აკურთხა უფალმა ჩემი პატრონი და განდიდდა იგი,მისცა მას ცხვარ-ძროხა, ოქრო-ვერცხლი, ყმები და მხევლები, აქლემები დასახედრები;

³⁶უშვა ჩემს პატრონს სარამ, მისმა ცოლმა სიბერეში შვილი,რომელსაც მისცა ჩემმა პატრონმა მთელი თავისი საბადებელი.

³⁷დამაფიცა ჩემმა პატრონმა, არ მოუყვანო ცოლი ჩემს ძესქანაანელთაგან, რომელთა ქვეყანაშიც მე ვცხოვრობო,

³⁸არამედ წადი ჩემი მამა-პაპის სახლში, ჩემს სანათესაოში დაიქიდან მოუყვანეო ცოლი ჩემს ძეს.

³⁹ვუთხარი ჩემს პატრონს: რომ არ წამომყვეს-მეთქი ქალი?

⁴⁰მითხრა: უფალი, რომლის წინაშეც მე დავდივარ, თავისანგელოზს გაახლებს თან და გზას სასიკეთოდ წარგიმართავს, და მოუყვან ცოლსჩემს ძეს ჩემი სანათესაოდან, ჩემი მამა-პაპის სახლიდან.

⁴¹მაშინ გათავისუფლდები ჩემი ფიცისგან, როცა ჩემსსანათესაოში მიხვალ; თუ არ გამოგაყოლეს, თავისუფალი იქნები ჩემი ფიცისგან.

⁴²მივედი დღეს წყაროსთან და ვთქვი: უფალო, ჩემი პატრონის,აბრაამის ღმერთო! სასიკეთოდ წარმიმართე გზა, რომელსაც ვადგივარ.

⁴³აჰა, ვდგავარ წყაროსთან. როცა მოვა ყმაწვილი ქალი წყლისამოსაღებად და ვეტყვი, ცოტა წყალი დამალევინე-მეთქი შენი კოკიდან,

⁴⁴ისიც მიპასუხებს, შენც დაგალევინებ წყალს და შენსაქლემებსაც დავარწყულებო, სწორედ ის ქალი იქნება, რომელიც აურჩევია უფალსჩემი პატრონის შვილისთვის.

⁴⁵ვიდრე ჩემს გულში ამის თქმას მოვასწრებდი, აჰა, მოდისრებეკაც, მხარზე კოკაშედგმული; ჩავიდა წყაროზე და ამოიღო წყალი. ვუთხარი,დამალევინე-მეთქი.

⁴⁶უმალვე ჩამოიღო კოკა და მითხრა: დალიე, და აქლემებსაცდაგირწყულებო. მეც დავლიე და აქლემებიც დამირწყულა.

⁴⁷ვკითხე: ვისი შვილი ხარ-მეთქი? მითხრა: ბეთუელის შვილივარ, ნახორის და მილქას ძისაო. მაშინ ჩამოვკიდე საყურეები და ხელზესამაჯურები გავუკეთე.

⁴⁸მუხლი მოვიყარე და თაყვანი ვეცი უფალს; ვაკურთხე უფალი,ჩემი პატრონის, აბრაამის ღმერთი, რომელიც წამომიძღვა ჭეშმარიტი გზით, რომჩემი პატრონის ძმისწული მის შვილს მივგვარო ცოლად.

⁴⁹ახლა, მადლი და სიკეთე თუ გსურთ ჩემი პატრონისთვის,მითხარით; თუ არა და, ესეც მითხარით და წავალ, მარჯვნივ იქნება თუმარცხნივ.

⁵⁰მიუგეს ლაბანმა და ბეთუელმა: უფლისგან არის ეს საქმე.ვერც ცუდს გეტყვით, ვერც კარგს.

⁵¹აჰა, აგერ არის რებეკა; წაიყვანე და წადი! გახდეს შენიპატრონის ძის ცოლი, როგორც უბრძანებია უფალს.

⁵²როცა მოისმინა აბრაამის მორჩილმა მათი ნათქვამი, მდაბლადთაყვანისცა უფალს.

⁵³ამოიღო მორჩილმა ოქროსა და ვერცხლის ჭურჭელი და სამოსელიდა მისცა რებეკას; მის ძმას და დედასაც მიართვა ძვირფასი საჩუქრები.

⁵⁴ჭამეს და სვეს მან და მისმა თანმხლებმა კაცებმა; ღამეგაათიეს. ადგნენ დილით და თქვა მორჩილმა: გამიშვით ჩემს პატრონთან.

⁵⁵უთხრეს ქალის ძმამ და დედამ: დარჩეს ჩვენთან ყმაწვილიქალი ერთხანს, ათი დღით მაინც. მერე კი წადი.

⁵⁶უთხრა მორჩილმა: ნუ დამაკავებთ. სასიკეთოდ წარუმართავსუფალს გზა ჩემთვის. გამიშვით და წავალ ჩემს პატრონთან.

⁵⁷თქვეს: დავუძახოთ ყმაწვილ ქალს და ვკითხოთ, რას იტყვის.

⁵⁸დაუძახეს რებეკას და ჰკითხეს: თუ წახვალ ამ კაცთან ერთად?უთხრა: წავალ.

⁵⁹გაისტუმრეს რებეკა, თავიანთი დაი, მისი ძიძითურთ,აბრაამის მორჩილი და მისი კაცები.

⁶⁰დალოცეს რებეკა და უთხრეს: ჩვენი და ხარ შენ. ბევრათასჯერიმრავლე, თავისი მტრების ქალაქები დაიმკვიდროს შენმა შთამომავლობამ!

⁶¹ადგნენ რებეკა და მისი მხევლები და შესხდნენ აქლემებზე,და გაჰყვნენ იმ კაცს. წაიყვანა მორჩილმა რებეკა და წავიდა.

⁶²ხოლო ისაკი წამოსულიყო ბერ-ლახაი-როიდან და ცხოვრობდანეგების მხარეში.

⁶³გავიდა ისაკი მინდორში სასეირნოდ საღამოხანს. გაიხედა დახედავს, აჰა, აქლემები მოდიან.

⁶⁴გაიხედა რებეკამ, დაინახა ისაკი და ჩამოვიდა აქლემიდან.

⁶⁵უთხრა მორჩილს: ვინ არის ის კაცი, მინდორში რომ მოდისჩვენს შესახვედრად? თქვა მორჩილმა; ჩემი პატრონია. აიღო ქალმა რიდე დაჩამოიფარა.

⁶⁶უამბო მორჩილმა ისაკს ყველაფერი, რაც გააკეთა.

⁶⁷შეიყვანა ისაკმა ქალი თავისი დედის, სარას კარავში დაშეირთო ცოლად. შეუყვარდა იგი ისაკს და დედის გამო მწუხარება გაუქარვდა.