Read ახალი ქართულით, Modern Georgian Bible, 1982 დაბადება 3 Bible Online

დაბადება 3 - ახალი ქართულით, Modern Georgian Bible, 1982 bible

დაბადება 3

¹გველი ყველაზე ცბიერი იყო ველურ ცხოველთაშორის, რომლებიც უფალმა გააჩინა. უთხრა გველმა დედაკაცს: მართლა გითხრათღმერთმა, ბაღის არცერთი ხის ნაყოფი არ შეჭამოთო?

²მიუგო დედაკაცმა გველს: რაც კი ბაღშია, ყველა ხის ნაყოფიგვეჭმევა,

³ოღონდ შუაგულ ბაღში რომ ხე დგას, იმის ნაყოფს ნუ შეჭამთ,გვითხრა ღმერთმა; არ გაეკაროთ, თორემ მოკვდებითო.

⁴უთხრა გველმა დედაკაცს: არ მოკვდებით.

⁵მაგრამ იცის ღმერთმა, რომ როგორც კი შეჭამთ, თვალიაგეხილებათ და შეიქნებით ღმერთივით კეთილისა და ბოროტის შემცნობელნი.

⁶როცა დაინახა დედაკაცმა, რომ კარგი იყო საჭმელად ის ხე,რომ თვალწარმტაცი და საამური სანახავი იყო, მოწყვიტა ნაყოფი და შეჭამა.მისცა თავის კაცს და კაცმაც შეჭამა.

⁷აეხილათ თვალი ორივეს და მიხვდნენ, რომ შიშველნი იყვნენ.გადააკერეს ლეღვის ფოთლები და არდაგები გაიკეთეს.

⁸მოესმათ ხმა უფალი ღმერთისა, რომელიც საღამო ხანს ბაღშიმიმოდიოდა, და დაემალნენ უფალ ღმერთს ადამი და მისი დედაკაცი ბაღის ხეებსშორის.

⁹დაუძახა უფალმა ღმერთმა ადამს და უთხრა: ადამ, სადა ხარ?

¹⁰მიუგო: შენი ხმა მომესმა ბაღში და შემეშინდა, შიშველი რომვარ, და დავიმალე.

¹¹უთხრა: ვინ გითხრა, შიშველი რომ ხარ? იმ ხის ნაყოფი ხომარ გიჭამია, მე რომ აგიკრძალე?

¹²უთხრა ადამმა: შენ რომ დედაკაცი მომიყვანე, მან მომცა იმხის ნაყოფი და მეც შევჭამე.

¹³უთხრა უფალმა ღმერთმა დედაკაცს: ეს რა ჩაიდინე? თქვადედაკაცმა: გველმა შემაცდინა და მეც შევჭამე.

¹⁴უთხრა უფალმა ღმერთმა გველს: რაკი ეს ჩაიდინე, წყეულიმციყავ ყველა პირუტყვს შორის, ყველა გარეულ ცხოველს შორის! მუცლით იხოხე დამტვერი ჭამე მთელი სიცოცხლე.

¹⁵მტრობას ჩამოვაგდებ შენსა და დედაკაცს შორის, შენს თესლსადა დედაკაცის თესლს შორის: ის თავს გიჭეჭყავდეს, შენ კი ქუსლს უგესლავდე!

¹⁶დედაკაცს უთხრა: სატანჯველს გაგიმრავლებ და გაგიძნელებორსულობას, ტანჯვით შობ შვილებს. ქმრისკენ გექნება ლტოლვა, ის კი იბატონებსშენზე.

¹⁷ადამს უთხრა: რაკი შენს დედაკაცს დაუჯერე და შეჭამე ხისნაყოფი, რომლის ჭამა აკრძალული მქონდა შენთვის, მიწა დაიწყევლოს შენს გამო:ტანჯვით მიიღებდე მისგან საზრდოს მთელი სიცოცხლე.

¹⁸ძეძვი და ეკალი აღმოგიცენოს და მინდვრის ბალახი იყოს შენისაზრდო.

¹⁹პიროფლიანი ჭამდე პურს, ვიდრე მიწად მიიქცეოდე, რადგანმისგანა ხარ აღებული, რადგან მტვერი ხარ და მტვრადვე მიიქცევი.

²⁰უწოდა ადამმა თავის დედაკაცს ევა, რადგან იგი გახდაყოველი ცოცხალის დედა.

²¹გაუკეთა უფალმა ადამს და მის დედაკაცს ტყავის სამოსელი და შემოსა.

²²თქვა უფალმა ღმერთმა: აჰა, გახდა ადამი როგორც ერთიჩვენთაგანი, შემცნობელი კეთილისა და ბოროტისა. არ გაიწოდოს ახლა ხელი და არმოწყვიტოს სიცოცხლის ხის ნაყოფიც, არ შეჭამოს და მარადიულად არ იცოცხლოს.

²³გაუშვა იგი უფალმა ღმერთმა ედემის ბაღიდან, რომდაემუშავებინა მიწა, საიდანაც იყო აღებული.

²⁴განდევნა ადამი, ედემს კი აღმოსავლეთით ქერუბიმები დაცეცხლოვანი, მბრუნავი მახვილი დაუყენა, რათა სიცოცხლის ხესთან მისასვლელიდაეცვათ.