Read ახალი ქართულით, Modern Georgian Bible, 1982 დაბადება 30 Bible Online

დაბადება 30 - ახალი ქართულით, Modern Georgian Bible, 1982 bible

დაბადება 30

¹დაინახა რახელმა, რომ შვილს ვერ უჩენდაიაკობს და შეშურდა თავისი დისა. უთხრა იაკობს: მომეცი შვილები, თორემმოვკვდები.

²განურისხდა რახელს იაკობი და უთხრა: ღმერთი ხომ არა ვარ,რომელიც მუცლის ნაყოფს გიბრკოლებს?

³თქვა ქალმა: აჰა, ბალა, ჩემი მხევალი. შედი მასთან დაშობოს ჩემს მუხლებზე, რათა შვილიერი გავხდე მისგან.

⁴მისცა ბალა, თავისი მხევალი, ცოლად და შევიდა მასთანიაკობი.

⁵დაორსულდა ბალა და უშვაა იაკობს ვაჟი.

⁶მაშინ თქვა რახელმა: განმსაჯა ღმერთმა და კიდევ შეისმინაჩემი, და მომცა ვაჟი. ამიტომ უწოდა მას სახელად დანი.

⁷კიდევ დაორსულდა ბალა, რახელის მხევალი, და უშვა იაკობსმეორე ვაჟი.

⁸თქვა რახელმა: ღვთიური შებმით შევები ჩემს დას დადავჯაბნე კიდეც. დაარქვა სახელად ვაჟს ნაფთალი.

⁹დაინახა ლეამ, რომ შეუწყდა შვილიერება. აიღო და მისცაზილფა, თავისი მხევალი, იაკობს ცოლად.

¹⁰უშვა ზილფამ, ლეას მხევალმა, იაკობს ვაჟი.

¹¹თქვა ლეამ: ჩემდა ბედად! და უწოდა ვაჟს სახელად გადი.

¹²უშვა ზილფამ, ლეას მხევალმა, იაკობს მეორე ვაჟი.

¹³თქვა ლეამ: ჩემდა ნეტარებად! რადგან ნეტარად შემრაცხენქალები. უწოდა სახელად ვაჟს აშერი.

¹⁴გავიდა რეუბენი მკის დროს მინდორში და იპოვა მანდრაგორისვაშლები; მოუტანა ლეას, თავის დედას. უთხრა რახელმა ლეას: მიწილადე შენიშვილის მანდრაგორები.

¹⁵უთხრა ლეამ: არ გეყო, ქმარი რომ წამართვი? ახლა ჩემიშვილის მანდრაგორებსაც მართმევ? უთხრა რახელმა: კარგი, შენთან დაწვესამაღამ, ოღონდ მომეცი შენი შვილის მანდრაგორები.

¹⁶დაბრუნდა იაკობი საღამო ხანს მინდვრიდან, გამოეგება ლეადა უთხრა: შემოდი ჩემთან, რადგან გამოგისყიდე ჩემი შვილის მანდრაგორებით,დაწვა მასთან იმ ღამით იაკობი.

¹⁷უსმინა ღმერთმა ლეას: დაორსულდა ლეა და უშვა იაკობსმეხუთე ვაჟი.

¹⁸თქვა ლეამ: ღმერთმა გადამიხადა სამაგიერო, იაკობს რომმივეცი ცოლად ჩემი მხევალი. უწოდა სახელად ვაჟს ისაქარი.

¹⁹კიდევ დაორსულდა ლეა და უშვა იაკობს მეექვსე ვაჟი.

²⁰თქვა ლეამ: კეთილი ხვედრი მარგუნა ღმერთმა; ახლა კიშემიტკბობს ჩემი ქმარი, რადგან ექვსი ვაჟიშვილი გავუჩინე. უწოდა სახელადვაჟს ზებულონი.

²¹მერე შვა ასული და უწოდა სახელად დინა.

²²გაიხსენა ღმერთმა რახელი, უსმინა ღმერთმა მას და გაუხსნასაშო.

²³დაორსულდა და შვა ვაჟი, თქვა: ღმერთმა ამაშორა სირცხვილს.

²⁴უწოდა სახელად იოსები, რადგან თქვა: შემძენს უფალი მეორევაჟსაც.

²⁵როცა რახელმა იოსები შვა, იაკობმა უთხრა ლაბანს:გამიშვით, წავალ ჩემს სამშობლოში, ჩემს ქვეყანაში.

²⁶გამატანე ჩემი ცოლები და შვილები, რომელთა გულისთვისგემსახურებოდი და წავალ, რადგან შენ თავად უწყი ჩემი სამსახური, როგორგემსახურებოდი.

²⁷უთხრა ლაბანმა: ნეტავ მადლი ვპოვო შენს თვალში! მიმხვდარივარ, შენს გამო რომ მაკურთხა უფალმა.

²⁸უთხრა: მითხარი, რას მოითხოვ გასამრჯელოდ და მოგცემ.

²⁹უთხრა: შენ თავად უწყი, როგორ გემსახურებოდი და როგორიგახდა ჩემს ხელში შენი საქონელი.

³⁰რადგან ჩემამდე ცოტა გყავდა და დიდძალი შეიქნა. გაკურთხაუფალმა ჩემი მოსვლით. ახლა როდისღა ვიზრუნო ჩემი სახლისათვის?

³¹უთხრა ლაბანმა: რა მოგცე? უთხრა იაკობმა: ნურაფერსმომცემ, ოღონდ ეს საქმე გამიკეთე და მე კვლავ დავმწყესავ და მოვუვლი შენსცხვარს.

³²დღეს გავივლი შენს ფარაში. ცალკე გაიყვანე ყველადაწინწკლული და ჭრელი პირუტყვი, ყველა შავი ცხვარი, ყველა ჭრელი დადაწინწკლული თხა. ეს იქნება ჩემი გასამრჯელო.

³³ხვალ პასუხს გაგცემს ჩემს მაგივრად ჩემი სიმართლე, როცაგასამრჯელოს გასასტუმრებლად მოხვალ: ყველა თხა, რომელიც არ იქნებადაწინწკლული და ჭრელი, ან ცხვარი შავი ფერისა, ნაქურდლად ჩამითვალე.

³⁴უთხრა ლაბანმა: კეთილი, აგრე იყოს.

³⁵ცალკე გაიყვანა იმ დღეს ლაბანმა ყველა ზოლიანი და ჭრელივაცი, ყველა დაწინწკლული და ჭრელი ნეზვი, ყველა პირუტყვი, რომელსაც თეთრიერია, ყველა შავი ცხვარი და თავის შვილებს ჩააბარა.

³⁶დააგდო ლაბანმა სამი დღის სავალი თავისსა და იაკობსშორის; და მწყესავდა იაკონი ლაბანის დანარჩენ ფარას.

³⁷აიღო იაკობმა ალვისხის, ნუშის და ნეკერჩხლის ნედლიჯოხები, ალაგ-ალაგ გალოპრა, ისე რომ ჯოხებს თეთრი ზოლები დააჩნდა.

³⁸ჩააწყო დაჭრელებული ჯოხები დასარწყულებელ გეჯებში, სადაცმოდიოდა ფარა წლის სასმელად და მოსვლისას ახურდებოდა ხოლმე.

³⁹ახურდა ფარა ამ ჯოხებთან და მოიგო ფარამ ხატულები,დაწინწკლულები და ჭრელები.

⁴⁰გამოაცალკევებდა იაკობი ბატკნებს და აჭრელებულიჯოხებისკენ უზამდა პირს; მუქი ფერისას ყველას ლაბანის ფარაში სტოვებდა,თავისი პირუტყვი კი ცალკე ჰყავდა და არ აჩერებდა ლაბანის ფარასთან.

⁴¹ჯანსაღი ფარის ახურებისასა პირუტყვის თვალწინ ჩაჰყრიდახოლმე იაკობი გეჯებში ჯოხებს, რომ ჯოხებთან ახურებულიყვნენ;

⁴²თუ ფარა სუსტი იყო, არ ჰყრიდა. ლაბანს სუსტი რჩებოდა,იაკობს - ჯანსაღი.

⁴³გამდიდრდა მეტისმეტად კაცი, შეეძინა დიდძალი ფარა,ყმაქალები და ყმები, აქლემები და სახედრები.