Read ახალი ქართულით, Modern Georgian Bible, 1982 დაბადება 37 Bible Online

დაბადება 37 - ახალი ქართულით, Modern Georgian Bible, 1982 bible

დაბადება 37

¹დაემკვიდრა იაკობი მამამისის მდგმურობისქვეყანაში, ქანაანის ქვეყანაში.

²აჰა, იაკობის მოდგმა. ჩვიდმეტი წლის ყმაწვილი იყო იოსები,რომ მწყემსავდა მამისეულ ფარას თავის ძმებთან, მამამისის ცოლების - ბილჰასადა ზილფას ვაჟებთან ერთად, და ცუდი ამბები მიჰქონდა მათზე მათ მამასთან.

³სხვა შვილებზე მეტად უყვარდა ისრაელს იოსები, რადგან მისისიბერის შვილი იყო იგი. შეუკერა მას ჭრელი კვართი.

⁴დაინახეს ძმებმა, რომ ყველა ძმაზე მეტად უყვარდა იგიმამას და შეიძულეს, ვეღარ ელაპარაკებოდნენ მშვიდობიანად.

⁵დაესიზმრა იოსებს სიზმარი და უამბო თავის ძმებს და კიდევუფრო შეიძულეს იგი ძმებმა.

⁶უთხრა მათ: მოისმინეთ ეს სიზმარი, რომელიც მესიზმრა:

⁷აჰა, ძნებს ვკონავთ შუაგულ ყანაში. აჰა, წამოდგა ჩემი ძნადა ზე აღიმართა, გარსშემოადგნენ თქვენი ძნები და თაყვანისცეს ჩემს ძნას.

⁸უთხრეს ძმებმა: ნუთუ ჩვენზე იმეფებ? ნუთუ პატრონადგაგვიხდები? და კიდევ უფრო მეტად შეიძულეს იგი მისი სიზმრისა და მისისიტყვების გამო.

⁹კვლავ დაესიზმრა სხვა სიზმარი და უამბო ძმებს და უთხრა:კვლავ დამესიზმრა სიზმარი: აჰა, მზე და მთვარე და თერთმეტი ვარსკვლავიმცემენ თაყვანს.

¹⁰უამბო მამასა და ძმებს და გაკიცხა იგი მამამ და უთხრა: რაარის ეგ სიზმარი, რომ გესიზმრა? ნუთუ მე და დედაშენი და შენი ძმები უნდაგეახლოთ და თაყვანი გცეთ?

¹¹შემოსწყრნენ ძმები იოსებს, ხოლო მამას გულში ჩარჩა ესამბავი.

¹²წავიდნენ მისი ძმები შექემში მამის ფარის დასამწყესად.

¹³უთხრა ისრაელმა იოსებს: შექემში არ მწყესავენ შენი ძმები?მოდი, გამეგზავნე მათთან. მანაც მიუგო: კარგი, ბატონო.

¹⁴უთხრა იაკობმა: წადი, გაიგე, როგორ არიან შენი ძმები,როგორ არის ფარა, და მომიტანე ამბავი. გაგზავნა ხებრონის ველიდან და ისიცმივიდა შექემს.

¹⁵იპოვა იგი მინდორში ვიღაც კაცმა გზააბნეული და ჰკითხა იმკაცმა: რას ეძებ?

¹⁶უთხრა: ძმებს ვეძებ. მიმასწავლე, სად მწყემსავენ.

¹⁷უთხრა იმ კაცმა: წასული არიან აქედან. ყური მოვკარი,ამბობდნენ, დოთაინში წავიდეთო. იოსებიც გაჰყვა ძმების კვალს და დოთაინშიმიაგნო მათ.

¹⁸შორიდან მოჰკრეს მას თვალი და ვიდრე ახლოს მოვიდოდა,განიზრახეს მისი მოკვლა.

¹⁹უთხრეს ერთმანეთს: შეხედეთ, მოდის ეს მესიზმრე.

²⁰ახლა, მოდი, მოვკლათ და სადმე, ჭაში ჩავაგდოთ; ვთქვათ,ვითომ ნადირმა შეჭამა. მაშინ ვნახოთ, როგორ აუხდება სიზმრები.

²¹გაიგონა ეს რეუბენმა და იხსნა იგი მათი ხელიდან. თქვა: ნუმოვკლავთ.

²²უთხრა მათ რეუბენმა: ნუ დაღვრით სისხლს. უდაბნოში რომჭაა, იქ ჩააგდეთ; ნუ გაიმეტებთ სასიკვდილოდ. რომ ეხსნა მათი ხელიდან დამამასთან დაებრუნებინა.

²³როგორც კი მივიდა ძმებთან იოსები, შემოაძარცვეს იოსებსმისი კვართი, ჭრელი კვართი, ზედ რომ ეცვა.

²⁴აიღეს და ჭაში ჩააგდეს იოსები; ცარიელი იყო ჭა, წყალი არიდგა.

²⁵დასხდნენ პურის საჭმელად. გაიხედეს და დაინახეს:ისმაელიანთა ქარავანი მოდის გალაადიდან, აქლემებით მოაქვთ გუნდრუკი,ბალსამონი და შტახსი; მოაქვთ ეგვიპტეში ჩასატანად.

²⁶უთხრა იუდამ ძმებს: რას გვარგებს ჩვენი ძმის მოკვლა დამისი სისხლის დაფარვა?

²⁷მოდი, მივყიდოთ ისმაელიანებს; ხელს ნუ ვახლებთ, რადგანჩვენი ძმაა, ჩვენი სისხლი და ხორცი. დაუჯერეს ძმებმა.

²⁸ჩაიარეს მიდიანელმა ვაჭრებმა, ამოიყვანეს იოსები ჭიდან დამიჰყიდეს იოსები ისმაელიანებს ოც ვერცხლად. მათაც წაიყვანეს იოსებიეგვიპტეში.

²⁹მიბრუნდა რეუბენი ჭასთან და, ხედავს, აღარაა ჭაში იოსები,და შემოიხია სამოსელი რეუბენმა.

³⁰დაბრუნდა ძმებთან და უთხრა: აღარსადაა ბავშვი. რა ვქნაახლა, სად წავიდე?

³¹აიღეს იოსების კვართი, დაკლეს თხა და მოსვარეს მისისისხლით კვართი.

³²აიღეს ჭრელი კვართი, მიუტანეს მამას და უთხრეს: ვიპოვეთ;ნახე, შენი შვილის კვართი ხომ არ არის?

³³იცნო კვართი და თქვა: ჩემი შვილის კვართია! ნადირსშეუჭამია, ნადირს დაუგლეჯია იოსები!

³⁴ტანზე შემოიხია იაკობმა, ჯვალო შემოირტყა წელზე დადიდხანს გლოვობდა შვილს.

³⁵ანუგეშებდნენ იაკობს მისი ვაჟები და ასულები, მაგრამ არსურდა ნუგეში და ამბობდა: მგლოვიარე ჩავალ ჩემს შვილთან შავეთში! დასტიროდამას მამამისი.

³⁶მიდიანელებმა მიჰყიდეს იგი ეგვიპტეში ფოტიფარს, ფარაონისკარისკაცს, ქონდაქართუხუცესს.