Read ახალი ქართულით, Modern Georgian Bible, 1982 დაბადება 38 Bible Online

დაბადება 38 - ახალი ქართულით, Modern Georgian Bible, 1982 bible

დაბადება 38

¹ამ ხანებში გამოეყო იუდა თავის ძმებს დადაესახლა ერთი ყადულამელის მეზობლად; რომელსაც სახელად ერქვა ხირა.

²დაინახა იქ იუდამ ქანაანელი კაცის, სახელად შუაყის,ასული, მოიყვანა და შევიდა მასთან:

³დაორსულდა და შვა ვაჟი; დაარქვა მას სახელად ყერი.

⁴კვლავ დაორსულდა და შვა ვაჟი; დაარქვა სახელად ონანი.

⁵კვლავ დაორსულდა და შვა ვაჟი; და დაარქვა სახელად შელა;მისი შობის დროს ქეზიბში იყო იუდა.

⁶მოუყვანა იუდამ ყერს, თავის პირმშოს, ცოლი, სახელადთამარი.

⁷არ მოსდიოდა თვალში უფალს ყერი, იუდას პირმშო, დამოაკვდინა იგი უფალმა.

⁸უთხრა იუდამ ონანს: შედი შენი ძმის ცოლთან, ექმრე მას დათესლი აღუდგინე შენს ძმას.

⁹იცოდა ონანმა, რომ მისი არ იქნებოდა ეს თესლი, და როცაშედიოდა ძმის ცოლთან, მიწაზე ღვრიდა მას, რომ ძმისთვის არ მიეცა თესლი.

¹⁰არ მოეწონა უფალს მისი საქციელი და ისიც მოაკვდინა.

¹¹უთხრა იუდამ თამარს, თავის რძალს: იცხოვრე ქვრივადმამაშენის სახლში, ვიდრე ჩემი ძე შელა მოიწიფებოდეს. რადგან იფიქრა, მისიძმებივით ესეც არ მოკვდესო. წავიდა თამარი და ცხოვრობდა მამამისის სახლში.

¹²კარგა ხანმა განვლო და მოკვდა შუაყის ასული, იუდას ცოლი.გამოიგლოვა იგი იუდამ და თიმნაში წავიდა თავისი ცხვრის მპარსველებთან, თანწაიყოლა ყადულამელი მოყვასი ხირა.

¹³ემცნო თამარს, აჰა, თიმნაში მიდისო შენი მამამთილი ცხვრისგასაპარსავად.

¹⁴გაიძრო ქალმა ქვრივის სამოსელი, მოსასხამი მოისხა, თავიდაიბურა და დაჯდა ყენაიმის კარიბჭესთან, თიმნას გზაზე. რადგან იცოდა, რომმოწიფული იყო შელა, მაგრამ ცოლად არ მიუთხოვებიათ მისთვის.

¹⁵დაინახა ქალი იუდამ და მეძავი ეგონა, რადგან ქალს სახედაფარული ჰქონდა.

¹⁶გზად ჩაუარა და უთხრა: მომიშვი შენთან. რადგან არ იცოდა,მისი რძალი რომ იყო. ქალმა უთხრა: რას მომცემ, ჩემთან რომ მოხვიდე?

¹⁷უთხრა იუდამ: თიკანს გამოგიგზავნი ფარიდან. უთხრა ქალმა:წინდს თუ მომცემ, ვიდრე თიკანს გამომიგზავნიდე?

¹⁸უთხრა იუდამ: რა მოგცე წინდად? უთხრა ქალმა: ეგ ბეჭედი,ეგ თასმა და ეგ არგანი, ხელში რომ გიჭირავს. მისცა იუდამ და შევიდა მასთან.დაორსულდა მისგან ქალი.

¹⁹ადგა ქალი და წავიდა; გადაიძრო მოსასხამი და კვლავქვრივის სამოსელი ჩაიცვა.

²⁰გაუგზავნა იუდამ თიკანი თავისი ყადულამელი მოყვასისხელით, რომ უკან დაებრუნებინა ქალისთვის მიცემული წინდი, მაგრამ ვერ იპოვაყადულამელმა ქალი.

²¹ჰკითხა იმ ადგილის კაცებს: სად არის ის მეძავი ქალი,ყენაიმის კარიბჭესთან რომ იჯდა? უთხრეს: აქ არ ყოფილა მეძავი ქალი.

²²დაბრუნდა იუდასთან და უთხრა: ვერ ვიპოვე ქალი. იქაურმახალხმაც მითხრა, არ ყოფილაო აქ მეძავი.

²³უთხრა იუდამ: წაეღო ბარემ, რომ დასაცინი არგავმხდარიყავით. აჰა, ხომ გაგატანე თიკანი, მაგრამ ვერ იპოვე ქალი.

²⁴გავიდა სამიოდე თვე და ემცნო იუდას, გაბოზდაო თამარი,შენი რძალი, და დაორსულდაო კიდეც ბოზობით. თქვა იუდამ: გამოიყვანეთ, რათადაიწვას.

²⁵როცა გამოჰყავდათ, შეუთვალა ქალმა თავის მამამთილს: ვისიცეს ნივთებია, მისგან ვარ ორსულად. აჰა, იცანი, ვისია ეს ბეჭედი, თასმები დაარგანი.

²⁶იცნო იუდამ და თქვა: ვტყუივარ ამ ქალთან, რომ არმივათხოვე იგი შელას, ჩემს ვაჟს. ამის მერე აღარ შესულა იუდა თამართან.

²⁷მშობიარობის ჟამი რომ დაუდგა, აჰა, ტყუპები არიან მისმუცელში.

²⁸შობისას ერთმა ხელი გამოყო; აიღო ბებიაქალმა და მეწამულიძაფი შეაბა, თქვა: ეს გამოვიდა პირველად.

²⁹როცა უკანვე შეაბრუნა ხელი, აჰა, გამოვიდა მისი ძმა დათქვა ბებიაქალმა: როგორ გამოარღვიე ზღუდე? ამიტომაც დაერქვა სახელადფარეცი.

³⁰მერე გამოვიდა მისი ძმა, ხელზე მეწამული ძაფი რომ ება, დადაერქვა სახელად ზარახი.