Read ახალი ქართულით, Modern Georgian Bible, 1982 დაბადება 9 Bible Online

დაბადება 9 - ახალი ქართულით, Modern Georgian Bible, 1982 bible

დაბადება 9

¹აკურთხა ღმერთმა ნოე და მისი შვილები დაუთხრა: ინაყოფიერეთ, იმრავლეთ და აავსეთ ქვეყანა.

²თქვენი შიში და ძრწოლა ჰქონდეს მიწის ყველა მხეცს, ცისყველა ფრინველს, ყოველ სულდგმულს, რაც კი იძვრის დედამიწაზე, და ზღვისყველა თევზს. თქვენს ხელთ არიან ისინი.

³ყოველი იძვრისი, რაც კი ცოცხლობს, საჭმელად გქონდეთ;როგორც მწვანე ბალახს, ისე გაძლევთ ყველაფერს.

⁴ოღონდ ხორციელს ცოცხლად, მის სისხლთან ერთად ნუ შეჭამთ.

⁵მე კი თქვენს სისხლს თქვენი სიცოცხლის წილ მოვიკითხავ,ყოველ მხეცს მოვკითხავ, ადამიანს მოვკითხავ, თქვენ მოგკითხავთ ერთმანეთისსიცოცხლეს.

⁶ვინც ადამიანის სისხლს დაღვრის, ადამიანის მიერვედაიღვრება მისი სისხლი, რადგან ღვთის ხატად შეიქმნა ადამი.

⁷ინაყოფიერეთ და იმრავლეთ, მოეფინეთ ქვეყანას დაგამრავლდით მასზე.

⁸უთხრა ღმერთმა ნოეს და მის შვილებს მასთან ერთად:

⁹აჰა, გიდებთ აღთქმას თქვენ და თქვენს შთამომავლობას,

¹⁰ყოველ სულდგმულს, რომელიც კი თქვენთან არის, ფრინველს,პირუტყვს, მიწის ყველა მხეცს, რომელიც კი თქვენთან არის, ყველას,კიდობნიდან გამოსულს,

¹¹გიდებთ აღთქმას, რომ აღარ აღგვის ხორციელს წარღვნა დააღარ მოვა წარღვნა ქვეყნის დასაღუპავად.

¹²თქვა უფალმა ღმერთმა: ეს იყოს ნიშანი აღთქმისა, რომელსაცვდებ ჩემსა და თქვენს შორის, და თქვენთან მყოფ ყოველ სულდგმულს შორის,თაობიდან თაობამდე, სამარადისოდ;

¹³ვდებ ჩემს ცისარტყელას ღრუბელში ნიშნად აღთქმისა ჩემსა დაქვეყანას შორის.

¹⁴როდესაც ქვეყანას ღრუბლით დავღრუბლავ და გამოჩნდებაღრუბელში ცისარტყელა,

¹⁵მაშინ გავიხსენებ აღთქმას ჩემსა და თქვენს შორის, ყოველხორციელ სულდგმულს შორის, და აღარ გადაიქცევა წყალი წარღვნად ყოველიხორციელის დასაღუპავად.

¹⁶გამოჩნდება ჩემი ცისარტყელა ღრუბელში, დავინახავ მას დაგავიხსენებ მარადიულ აღთქმას ღმერთსა და ყოველ ხორციელ სულდგმულს შორის,რაც კი არის ამქვეყნად.

¹⁷უთხრა ღმერთმა ნოეს: ეს იყოს ნიშანი ჩემი აღთქმისა,რომელიც დაგიდევით თქვენ და ყოველ ხორციელს, რაც კი არის ამქვეყნად.

¹⁸ესენი იყვნენ ნოეს შვილები, კიდობნიდან რომ გამოვიდნენ:სემი, ქამი და იაფეთი. ქამი იყო ქანაანის მამამთავარი.

¹⁹ეს სამნი იყვნენ ნოეს შვილები, მათგან მთელი დედამიწაიქნა დასახლებული.

²⁰დაიწყო ნოემ მიწისმუშაკობა და გააშენა ვენახი.

²¹შესვა ღვინო, დათვრა და გაშიშვლდა თავის კარავში.

²²დაინახა ქამმა, ქანაანის მამამთავარმა, მამის სიშიშვლე დაშეატყობინა გარეთ თავის ორ ძმას.

²³აიღეს სემმა და იაფეთმა სამოსელი, მოისხეს მხრებზე,უკუსვლით მივიდნენ და დაფარეს მამის სიშიშვლე. პირი უკან ჰქონდათ მიქცეულიდა მამის სიშიშვლე არ დაუნახავთ.

²⁴გამოფხიზლდა ნოე ღვინისაგან და შეიტყო, როგორ მოეპყრა მასუმცროსი ვაჟი.

²⁵თქვა: წყეულიმც იყოს ქანაანი! თავისი ძმების მორჩილთამორჩილი იყოს!

²⁶თქვა: კურთხეულ იყოს უფალი, ღმერთი სემისა! მორჩილადგაუხდეს მას ქანაანი!

²⁷განუფართოს ღმერთმა იაფეთს, სემის კარვებში დაემკვიდროს!დაემორჩილოს მას ქანაანი!

²⁸იცოცხლა ნოემ წარღვნის შემდეგ სამას ორმოცდაათი წელი.

²⁹სრული ხანი ნოესი იყო ცხრაას ორმოცდაათი წელი, და მოკვდა.