Read ახალი ქართულით, Modern Georgian Bible, 1982 მეორე მეფეთა 10 Bible Online

მეორე მეფეთა 10 - ახალი ქართულით, Modern Georgian Bible, 1982 bible

მეორე მეფეთა 10

¹ამის შემდეგ იყო, რომ მოკვდა ყამონიანთა მეფე და გამეფდა მისი ძე ხანუნი მის ნაცვლად.

²თქვა დავითმა: წყალობას ვუყოფ ხანუნ ნახაშის ძეს, როგორც მამამისი მწყალობდა მე. და გაგზავნა დავითმა თავისი ხალხი, რომ ენუგეშებინა იგი მამის გამო. მივიდნენ დავითის მორჩილნი ყამონიანთა ქვეყანაში.

³უთხრეს ყამონიანთა მთავრებმა ხანუნს, თავიანთ ბატონს:ნუთუ მამაშენის პატივისცემის გამო გიგზავნის დავითი ნუგეშინისმცემლებს?იქნებ იმისთვის გამოგიგზავნა დავითმა თავისი ხალხი, რომ დაზვეროს ქალაქი,მიათვალ-მოათვალიეროს და მერე დააქციოს?

⁴აიღო ხანუნმა და ნახევარი წვერი მოჰპარსა დავითისმორჩილთ, წელამდე შემოაჭრა ნახევარი სამოსელი და გაისტუმრა.

⁵როცა ეს ამბავი შეატყობინეს დავითს, გაგზავნა ხალხი მათშესაგებებლად, რადგან ძალზე შეურაცხყოფილნი იყვნენ კაცები. უთხრა მეფემ:იერიქონში დარჩით, ვიდრე წვერი მოგეზრდებოდეთ და მერე მობრუნდით.

⁶დაინახეს ყამონიანებმა, რომ თავი შეაძულეს დავითს, დაგაგზავნეს ხალხი ყამონიანებმა, რომ დაექირავებინათ ბეთ-რეხიბასა და ცობასარამელები, ოცი ათასი ქვეითი, მეფე მაყაქასგან ათასი კაცი და იშტობიდანთორმეტი ათასი კაცი.

⁷შეიტყო ეს დავითმა და გაგზავნა იოაბი უმამაცესია მთელილაშქრითურთ.

⁸გამოვიდნენ ყამონიანები და გაეწყვნენ საბრძოლველადკარიბჭის შესასვლელთან. ცობისა და რეხობის არამელები, იშტობელები და მაყაქაცალკე დადგნენ ველზე.

⁹როცა დაინახა იოაბმა, რომ მტერი წინიდან და ზურგიდან იყო მისკენ მიმართული, გამოარჩია ისრაელიანებში ურჩეულესნი და დააწყო არამელთა წინააღმდეგ.

¹⁰დანარჩენი ხალხი თავის ძმას აბეშაის ჩააბარა და მანაცდააწყო ისინი ყამონიანთა წინააღმდეგ.

¹¹თქვა: თუ არამელები მძლევენ, შენ მომეშველები. თუ ყამონიანები გძლევენ შენ, მე მოვალ შენს მოსაშველებლად.

¹²გამაგრდი და მტკიცედ იდექი ჩვენი ხალხისათვის და უფლის, ჩვენი ღმერთის ქალაქებისთვის. უფალმა ქმნას, რაც ენებოს.

¹³გავიდნენ იოაბი და მისი ხალხი არამელებთან საბრძოლველად და უკუიქცნენ არამელები.

¹⁴როცა ყამონიანებმა დაინახეს, რომ გარბოდნენ არამელები, თავადაც გაექცნენ აბეშაის და ქალაქში შეცვივდნენ. იოაბი გაეცალა ყამონიანებს და მივიდა იერუსალიმს.

¹⁵დაინახეს არამელებმა, რომ მარცხდებოდნენ ისრაელთან, და შეიკრიბნენ.

¹⁶გადმოაყვანინა ჰადარყეზერმა მდინარის გაღმელი არამელები და ისინიც მოვიდნენ ხელამში. შობაქი, ჰადარყეზერის მთავარსარდალი უძღოდა მათ.

¹⁷შეატყობინეს დავითს და მანაც შეკრიბა მთელი ისრაელი, გადალახა იორდანე და მივიდა ხელამს. დაეწყვნენ არამელები დავითის წინააღმდეგ და შეებრძოლენ.

¹⁸გაექცნენ არამელები ისრაელს. დახოცა დავითმა არმელთაგან შვიდასი ეტლოსანი და ორმოცი ათასი მხედარი. უგმირა მახვილი შობაქს, მათ სარდალს, და იქვე მოკვდა იგი.

¹⁹როცა ჰადარყეზერის მორჩილმა მეფეებმა დაინახეს, რომ მარცხდებოდნენ ისრაელთან, დაეზავნენ ისრაელს და დაემორჩილნენ. არამელებმა ვეღარ გაბედეს ყამონიანთა დახმარება.