Read ახალი ქართულით, Modern Georgian Bible, 1982 მეორე მეფეთა 23 Bible Online

მეორე მეფეთა 23 - ახალი ქართულით, Modern Georgian Bible, 1982 bible

მეორე მეფეთა 23

¹ეს არის დავითის უკანასკნელი სიტყვები, რომელნიც წარმოთქვა დავითმა, იესეს ძემ, კაცმა, მაღლით დადგინებულმა, იაკობის ღვთის ცხებულმა და ისრაელის ტკბილხმიანმა მგალობელმა:

²უფლის სული მეტყველებს ჩემით და ენაზე მაქვს მისი სიტყვა.

³მითხრა ისრაელის ღმერთმა, მელაპარაკა ისრაელის კლდე:მართალი კაცი იხელმწიფებს ხალხზე, ღვთის შიშით იხელმწიფებს.

⁴იქნება იგი როგორც დილის ნათელი მზის ამოსვლისას, უღრუბლოდილა, როგორც წვიმის შემდეგ მიწიდან ამობრწყინვებული ბალახი.

⁵განა ასეთი არ არის ჩემი სახლი უფლის წინაშე? რადგან მანდამიდო საუკუნო აღთქმა, ყოველმხრივ გაწყობილი და დაურღვეველი. განა მისგანარ აღმოცენდება ყოველი ჩემი გამარჯვება და ყოველი ჩემი ნატვრა?

⁶უკეთურნი გადაგდებულ ეკლებივით იქნებიან ყველანი, ხელშირომ არ აიღება.

⁷ახლოს მიმსვლელს რკინა უნდა ეჭიროს და შუბის ტარი,ცეცხლში ამოიბუგებიან ადგილზევე, სადაც ყრიან.

⁸აჰა, დავითის მოყმეთა სახელები: იოშებ-ბაშებეთთახქემონელი, ეტლოსანთა მეთაური, რომელმაც მოუქნია შუბი რვაას კაცს და ერთჯერზე დახოცა.

⁹მას შემდეგ ელიაზარი, ძე დოდოსი, ახოხის ძისა, ერთ-ერთი იმ სამ მოყმეთაგანი, რომელნიც ახლდნენ დავითს, როცა ლანძღვა დაუწყეს ფილისტიმელებს და საბრძოლველად შეიკრიბნენ, ისრაელი კი უკან იხევდა.

¹⁰შეიმართა იგი და მუსრავდა ფილისტიმელებს, ვიდრე მარჯვენახელი არ დაუბუჟდა და მახვილის ვადას არ მიეწება. დიდი ხსნა მოიტანა იმ დღესუფალმა. მხოლოდ ნადავლისთვის გაჰყვა მას ხალხი უკან.

¹¹მის შემდეგ: შამა აგეს ძე, ჰარარიელი. როცა საომრად შეიყარნენ ფილისტიმელები (იყო იქ ყანის ნაკვეთი, სადაც ცერცვი ეთესა) და უკუიქცა ხალხი ფილისტიმელთაგან,

¹²ჩადგა იგი შუა ყანაში და იცავდა მას: მუსრი გაავლო ფ;ლისტიმელებს. დიდი ხსნა მოიტანა მაშინ უფალმა.

¹³ჩამოვიდნენ ეს სამნი ოცდაათი მეთაურიდან და მივიდნენ დავითთან ყადულამის გამოქვაბულში მკის დროს. ხოლო ფილისტიმელთა ურდოები რეფაიმის ველზე იყვნენ დაბანაკებულნი.

¹⁴მაშინ დავითი ამ საფარში იყო, ხოლო ფილისტიმელების ყარაული ბეთლემში იდგა.

¹⁵ინება დავითმა და თქვა: ვინ დამალევინებს ბეთლემის ჭის წყალს, კარიბჭესთან რომ არის?

¹⁶გაარღვია ამ სამმა მოყმემ ფილისტიმელთა ბანაკი, ამოიღეს წყალი ბეთლემის ჭიდან, კარიბჭესთან რომ არის, წამოიღეს და მოუტანეს დავითს, მაგრამ მან არ ინდომა მისი დალევა და უფალს დაუღვარა.

¹⁷თქვა: შორს იყოს ჩემგან, უფალო, ასეთი საქმე! ნუმც დამელიოს ამ ვაჟკაცთა სისხლი, თავის გასაწირად რომ წავიდნენ! არ ინდომა დავითმა წყლის დალევა. ასე მოიქცა ეს სამი მოყმე.

¹⁸აბიშაი, იოაბის ძმა, ცერუიას ძე, ამ სამთა უფროსი იყო. სამას კაცს მოუქნია შუბი და განგმირა. მას ჰქონდა მეტი სახელი ამ სამში.

¹⁹ამ სამზე მეტად იყო პატივდებული და მათ მეთაურობდა, მაგრამ იმ პირველ სამს ვერ ეცილებოდა.

²⁰ბენაიაჰუ იეჰოიადაყის ძე, დაუღალავი ვაჟკაცი კაბცეელიდან. მან დაამარცხა ორი მოაბელი ლომკაცი; ის ჩავიდა ორმოში და მოკლა ლომი თოვლიან დღეს.

²¹მანვე მოკლა ერთი ეგვიპტელი კაცი, საშინელი შესახედავი. შუბი ეჭირა ხელში ეგვიპტელს. ჩაუხტა კეტით, ხელიდან გამოსტაცა შუბი ეგვიპტელს და მისივე შუბით განგმირა.

²²ეს გააკეთა ბანაიჰუ იეჰოიადაყის ძემ და სახელი მოიხვეჭა სამთა მოყმეთა შორის.

²³ოცდაათიდან გამოირჩეოდა, თუმცა იმ პირველ სამს ვერ ეტოლებოდა. თავის მცველთა მეთაურად დანიშნა იგი დავითმა.

²⁴ყასაელი, იოაბის ძმა, ერთ-ერთი ოცდაათთაგანი იყო. ელხანანი, მისი ბიძაშვილი, ბეთლემელი,

²⁵შამა ხაროდიელი, ელიკა ხაროდიელი,

²⁶ხელეც ფალეტიელი, ყირა ყიკეშის ძე, თეკოაყეღი,

²⁷აბიყეზერ ყანათოთელი, მებუნაი ხუშათიელი,

²⁸ცალმონ ახოხელი, მაჰარაი ნეტოფათელი,

²⁹ხელებ ბაყანას ძე, ნეტოფათელი, ითაი რიბაის ძე ბენიამინის გიბყადან;

³⁰ბენაიაჰუ ფირყათონელი, ჰიდაი ნახლე-გაყაშიდან,

³¹აბიყალბონ ყარბათელი, ყაზმავეთ ბარხუმელი;

³²ელიახბა შაყალბონელი, ბენე-იაშენი, იონათანი,

³³შამა ჰარარელი, ახიამ შარარის ძე, არარელი,

³⁴ელიფელეტ ახასბაის ძე, მაყაქათელი, ელიყამ ახითოფელის ძე, გილონელი,

³⁵ხეცრაი ქარმელელი, ფაყარაი არბელი,

³⁶იგად ნათანის ძე ცობადან, ბანი გადელი,

³⁷ცელეკ ყამონელი, ნახარაი ბეეროთელი, იოაბიბ ცერუიას ძის საჭურველთმტვირთველი,

³⁸ყირა ითრელი, გარებ ითრელი,

³⁹ურია ხეთელი. სულ ოცდაჩვიდმეტი.