Read ახალი ქართულით, Modern Georgian Bible, 1982 მეორე მეფეთა 8 Bible Online

მეორე მეფეთა 8 - ახალი ქართულით, Modern Georgian Bible, 1982 bible

მეორე მეფეთა 8

¹ამის შემდეგ იყო, რომ დაამარცხა დავითმა ფილისტიმელები, დაიმორჩილა ისინი და წაართვა დავითმა ფილისტიმელებს ბატონობის სადავეები.

²დაამარცხა მოაბიც, მიწაზე წააწვინა ისინი და ბაწრით გაზომა: ორი ბაწარი მოსაკლავად გადაზომა, ერთი მთელი ბაწარი - ცოცხლად დასატოვებლად. შეიქნა მოაბი დავითის მორჩილი და მოხარკე.

³დაამარცხა დავითმა ჰადარყეზერ რეხობის ძე, ცობას მეფე,როცა იგი ევფრატზე ბატონობის დასაბრუნებლად მიდიოდა.

⁴წაართვა მას დავითმა ათას შვიდასი ცხენოსანი და ოცი ათასიქვეითი. ეტლის ცხენებს ძარღვები გადაუჭრა დავითმა, მხოლოდ ასი ეტლი დაიტოვამათგან.

⁵მოვიდნენ დამასკოს არამელები ცობას მეფის ჰადარყეზერისდასახმარებლად და მუსრი გაავლო დავითმა არამელთაგან ოცდაორი ათას კაცს.

⁶დაადგინა დავითმა ხელისუფალნი დამასკოს არამში და შეიქნენარამელები დავითის მორჩილნი და მოხარკენი. ყველგან, სადაც კი მიდიოდა,უფალი ეწეოდა დავითს.

⁷აიღო დავითმა ოქროს ფარები, ჰადარყეზერის მორჩილთ რომჰქონდათ, და იერუსალიმში მოიტანა.

⁸დიდძალი სპილენძი წამოიღო დავითმა ბეტახიდან დაბეროთიდან, ჰადარყეზერის ქალაქებიდან,

⁹შეიტყო თოყიმ, ხაბათის მეფემ, რომ სძლია დავითმა ჰადარყეზერს,

¹⁰და გაგზავნა თოყიმ თავისი ძე იორამი დავითთან მოსაკითხავად და მისალოცად, რომ შეებრძოლა ჰადარყეზერს და სძლია მას, რადგან თოყის მოსისხლე იყო ყადარყეზერი. თან გაატანა ოქრო-ვერცხლისა და სპილენძის ჭურჭელი.

¹¹ეს ჭურჭელიც შესწირა მეფე დავითმა უფალს იმ შეწირულ ოქრო-ვერცხლთან ერთად, დამორჩილებულ ხალხებს რომ წაართვა -

¹²არამს, მოაბს, ყამონიანებს, ფილისტიმელებს, ყამალეკს, აგრეთვე ჰადარყეზერ რეხობის ძეს, ცობას მეფეს.

¹³გაითქვა სახელი დავითმა ჩვიდმეტი ათასი არამელის დამარცხების შემდეგ მარილოვან ველზე.

¹⁴დააყენა ედომში ხელისუფალნი; მთელს ედომში დააყენა ხელისუფალნი და შეიქნა მთელი ედომი დავითის მორჩილი. ყველგან, სადაც კი მიდიოდა, უფალი ეწეოდა დავითს.

¹⁵მეფობდა დავითი მთელს ისრაელზე და წესსა და სამართალს აძლევდა მთელს თავის ხალხს.

¹⁶იოაბ ცერუიას ძე, ჯარს სარდლობდა; ხოლო იოშაფატ ახილუდის ძე, მემატიანე იყო.

¹⁷ცადოკ ახიტუბის ძე და ახიმელექ აბიათარის ძე მღვდლები იყვნენ, ხოლო სერაია - მწერალი.

¹⁸ბენაიაჰუ იეჰოიადაყის ძე ქერეთელებს და ფელეთელებს განმგებლობდა; დავითის შვილები სამეფო მრჩევლები იყვნენ.