Read ახალი ქართულით, Modern Georgian Bible, 1982 მეორე მეფეთა 9 Bible Online

მეორე მეფეთა 9 - ახალი ქართულით, Modern Georgian Bible, 1982 bible

მეორე მეფეთა 9

¹თქვა დავითმა: ხომ არ დარჩენილა ვინმე საულის სახლიდან, რომ წყალობა ვუყო იონათანის გულისთვის?

²ჰყავდა საულის სახლს მორჩილი, სასელად ციბა. გამოიძახეს იგი დავითთან და უთხრა მეფემ: შენა ხარ ციბა? მიუგო: გახლავარ, შენი მორჩილი.

³უთხრა მეფემ: აღარავინ დარჩენილა საულის სახლიდან, რომღვთის წყალობა ვუყო? უთხრა ციბამ მეფეს: ვაჟიშვილი დარჩა იონათანს,ფეხმტკივანი.

⁴უთხრა მას მეფემ: სად არის? მიუგო ციბამ მეფეს: მაქირყამიელის ძის სახლშია, ლოდებარს.

⁵გაგზავნა კაცი დავითმა და მოაყვანინა იგი მაქირ ყამიელისსახლიდან, ლოდებარიდან.

⁶მოვიდა მეფიბოშეთი, იონათან საულის ძის ვაჟიშვილი,დავითთან, პირქვე დაეცა მის წინაშე და თაყვანისცა. უთხრა დავითმა:მეფიბოშეთ! მიუგო: გახლავარ შენი მორჩილი!

⁷მაშინ უთხრა დავითმა: ნუ გეშინია; წყალობას გიყოფ შენიმამის იონათანის, გულისათვის, დაგიბრუნებ მამაშენის, საულის, მთელ ყანებსდა მუდამ ჩემს სუფრაზე შეჭამ პურს.

⁸თაყვანისცა და უთხრა: ვინ არის შენი მორჩილი, რომყურადღების ღირსად ჩათვალე ჩემსავით მკვდარი ძაღლი?

⁹მოუხმო მეფემ ციბას, საულის მორჩილს, და უთხრა: საულისა და მისი სახლის მთელი საბადებელი შენი ბატონისთვის მიმიცია.

¹⁰დაუმუშავეთ მიწა შენ, შენმა შვილებმა და შენმა მორჩილებმადა მიართვით მოსავალი, რომ ჰქონდეს შენი ბატონის შვილს თავისი საჭმელიპური. და მაინც მეფიბოშეთი, შენი ბატონის შვილი, მუდამ ჩემს სუფრაზე შეჭამსპურს. თხუთმეტი ვაჟიშვილი და ოცი მორჩილი ჰყავდა ციბას.

¹¹უთხრა ციბამ მეფეს: ყველაფერს შეასრულებს შენი მორჩილი, რაც მეფე ბატონმა უბრძანა თავის მორჩილს. ჭამდა მეფიბოშეთი პურს დავითის სუფრაზე როგორც ერთი უფლისწულთაგანი.

¹²პატარა ბავშვი ჰყავდა მეფიბოშეთს, სახელად მიქა. მეფიბოშეთის მორჩილნი გახდნენ ყველანი, ვინც კი ციბას სახლში ცხოვრობდნენ.

¹³ცხოვრობდა მეფიბოშეთი იერუსალიმში, რათა მუდამ სამეფო სუფრაზე ეჭამა პური. ორივე ფეხით კოჭლი იყო იგი.