Read ახალი ქართულით, Modern Georgian Bible, 1982 მესამე მეფეთა 11 Bible Online

მესამე მეფეთა 11 - ახალი ქართულით, Modern Georgian Bible, 1982 bible

მესამე მეფეთა 11

¹მეფე სოლომონს უყვარდა ბევრი უცხოელი ქალი: ფარაონის ასული, მოაბელები, ყამონელები, ედომელები, ციდონელები და ხეთელები,

²იმ მოდგმის ხალხთა ქალები, რომელთა გამო ნაბრძანები ჰქონდა უფალს ისრაელიანთათვის, ნუ შეხვალთ მათთან და ნურც ისინი შემოვლენ თქვენთან, თორემ უეჭველად მიდრეკენო თქვენს გულებს თავიანთი ღმერთებისკენ. მათ მიეწება სოლომონი სიყვარულით.

³ჰყავდა შვიდასი ცოლი დედოფლად და სამასი ხარჭად. დამიდრიკეს მისი გული ცოლებმა.

⁴სიბერის ხანს მიდრიკეს სოლომონის გული მისმა ცოლებმა უცხოღმერთებისკენ. ისე წრფელი არ იყო მისი გული უფლისადმი, როგორც დავითის,მამამისის გული.

⁵დადიოდა სოლომონი ციდონელთა ღმერთის - აშთორეთის დაყამონელთა სიბილწის, მილქომის კვალზე.

⁶უკეთურებას სჩადიოდა სოლომონი უფლის თვალში და ისე არერთგულებდა უფალს, როგორც მამამისი დავითი.

⁷მაშინ აუგო სოლომონმა სამსხვერპლო ქამოშს, მოაბისსაბილწეს, მთაზე, იერუსალიმის პირდაპირ, და მოლოქს, ყამონიანთა სიბილწეს.

⁸ასევე მოიქცა თავის ყველა უცხოელ ცოლის გულისთვის,რომელნიც უკმევდნენ და მსხვერპლს სწირავდნენ თავ-თავის ღმერთებს.

⁹განურისხდა უფალი სოლომონს, რადგან გული აიცრუა მან უფალზე, ისრაელის ღმერთზე, რომელიც ორჯერ გამოეცხადა მას,

¹⁰და უბრძანა, არ დასდგომოდა უცხო ღმერთების კვალს. მაგრამ არ შეასრულა მან უფლის ბრძანება.

¹¹უთხრა უფალმა სოლომონს: იმის გამო, რომ ასე იქცევი, არ ასრულებ ჩემს აღთქმას და წესებს, რომლებიც დამიწესებია შენთვის, გამოგგლეჯ სამეფოს და მივცემ შენს მორჩილს.

¹²ოღონდ შენს სიცოცხლეში არ გავაკეთებ ამას მამაშენის, დავითის გულისთვის. შენს შვილს კი გამოვგლეჯ ხელიდან.

¹³მაგრამ მთელს სამეფოს არ გამოვგლეჯ; ერთ შტოს შენს შვილსდავუტოვებ დავითის, ჩემი მორჩილის გულისთვის და იერუსალიმის გულისთვის,რომელიც მე ავირჩიე.

¹⁴გაუჩინა უფალმა მტერი სოლომონს: ედომელი ჰადადი, ედომისმეფეთა შთამომავალი.

¹⁵ედომში დავითის ყოფნისას, როცა მხედართმთავარი იოაბიამოვიდა დახოცილთა დასამარხავად და ერთიანად გაწყვიტა მამაკაცები ედომში

¹⁶(რადგან ექვს თვეს დარჩნენ იქ იოაბი და ისრაელიანები, ვიდრე არ მოსპეს მამაკაცის სახსენებელი ედომში),

¹⁷გაიქცა ეს ჰადადი ედომელებთან, მამამისის მორჩილებთანერთად, რომ ეგვიპტეში მისულიყვნენ. პატარა ბიჭი იყო მაშინ ჰადადი.

¹⁸აიყარნენ მიდიანიდან და მოვიდნენ ფარანს; წაიყვანესფარანიდან ხალხი და მოვიდნენ ფარაონთან, ეგვიპტის მეფესთან. მისცა სახლი,სარჩოც დაუნიშნა და მიწაც მისცა.

¹⁹პოვა მადლი ჰადადმა ფარაონის თვალში და მიათხოვა ცოლადთავისი ცოლისდა, დედოფალ თახფენესის და.

²⁰უშვა მას თახფენესის დამ ვაჟი, გენუბათი. გაზარდა ბავშვითახფენესმა ფარაონის სახლში და ცხოვრობდა გენუბათი ფარაონის სახლშიფარაონის შვილებთან ერთად.

²¹როცა მიუვიდა ამბავი ეგვიპტეში ჰადადს, რომ განისვენადავითმა თავის მამა-პაპასთან, და რომ მოკვდა მხედართმთავარი იოაბი, უთხრაჰადადმა ფარაონს: გამიშვი, ჩემს ქვეყანაში წავალო.

²²უთხრა ფარაონმა: რა გაკლია ჩემთან, შენს ქვეყანაში რომგანიზრახე წასვლა? მიუგო: არაფერი, მაგრამ მაინც გამიშვი.

²³კიდევ გაუჩინა მას ღმერთმა მტერი, რეზონი, ელიადაყის ძე, რომელიც გაექცა ჰადადყეზერს, ცობის მეფეს, თავის პატრონს,

²⁴შემოიკრიბა ხალხი და შეიქნა ურდოს მეთაური. ჟლეტდა მათდავითი და გაიქცნენ ისინი დამასკოში, დასახლდნენ იქ და დაეპატრონენდამასკოს.

²⁵ისრაელის მტერი იყო ის სოლომონის სიცოცხლეში; იმ ხანად,როცა ჰადადი მტრობდა, მასაც შეძულებული ჰყავდა ისრაელი. არამელებზე გამეფდაიგი.

²⁶იერობოამ ნაბატის ძემაც, ეფრათელმა, ცარედიდან, სოლომონისმორჩილმა, რომლის დედა იყო ცერუყა, ქვრივი ქალი, აღმართა ხელი მეფეზე.

²⁷აი, რის გამო მოხდა, ხელი რომ აღმართა მან მეფესოლომონზე: მილოს აშენებდა სოლომონი; დანგრეულს აღადგენდა მამამისის,დავითის ქალაქში.

²⁸მამაცი კაცი იყო იერობოამი. დაინახა სოლომონმა, რომვარგოდა საქმეში ეს ყმაწვილი და ჩააბარა მას იოსების სახლიდან გამოყვანილიბეგარის ხალხი.

²⁹ისე მოხდა იმხანად, რომ გასული იყო იერუსალიმიდანიერობოამი და შემოხვდა გზად სილოამელი წინასწარმეტყველი ახია, რომელსაცახალი მოსასხამი ესხა. ამ ორის მეტი არავინ იყო მინდვრად.

³⁰აიღო ახიამ ახალი მოსასხამი, მოსხმული რომ ჰქონდა, დათორმეტ ნაჭრად დაგლიჯა.

³¹უთხრა იერობოამს: აიღე შენთვის ათი ნაგლეჯი, რადგან ასებრძანა უფალმა, ისრაელის ღმერთმა: გამოვგლეჯ სამეფოს სოლომონს ხელიდან დაშენ მოგცემო ათ შტოს.

³²ერთი შტო მას დარჩება ჩემი მორჩილის, დავითის გულისთვისდა იერუსალიმის გულისთვის, ქალაქისა, რომელიც ავირჩიე მე ისრაელის ყველაშტოდან.

³³ის იმიტომ, რომ დამივიწყეს და თაყვანს სცემენ აშთორეთს,ფინიკიელთა ღმერთს, ქამოშს, მოაბის ღმერთს და მილქომს, ყამონიანთა ღმერთს.არ იარეს ჩემს გზაზე, რომ სიმართლე ექმნათ ჩემ თვალში, დაეცვათ ჩემი წესიდა სამართალი, როგორც მამამისი დავითი იცავდა.

³⁴არ გამოვგლეჯ ხელიდან მთელს სამეფოს, რადგან მთავრად დამიდგენია იგი მთელი მისი სიცოცხლის მანძილზე, ჩემი მორჩილის, დავითის გულისთვის, რომელიც მე ავირჩიე და რომელიც იცავდა ჩემს მცნებებს და წესებს.

³⁵მის შვილს გამოვგლეჯ ხელიდან სამეფოს და შენ მოგცემ ათშტოს.

³⁶ხოლო მის შვილს ერთ შტოს მივცემ, რომ სამუდამოდ დაურჩესლამპარი დავითს, ჩემს წინაშე იერუსალიმში, ქალაქში, რომელიც ჩემთვისავირჩიე ჩემი სახელის იქ დასავანებლად.

³⁷ახლა შენ ამყავხარ, რომ იმეფო ყველაფერზე, რასაც შენისული მოისურვებს და რომ ისრაელის მეფე გახდე.

³⁸თუ შეისმენ ყველაფერს, რაც მე გიბრძანე და ივლი ჩემსგზაზე, თუ გააკეთებ ჩემს მოსაწონს, დაიცავ ჩემს წესებს და მცნებებს, როგორცჩემი მორჩილი დავითი აკეთებდა, მაშინ შენთან ვიქნები, აგიშენებ მტკიცესახლს, როგორც დავითს ავუშენე და მოგცემ ისრაელს.

³⁹მოვთრგუნავ ამის გულისთვის დავითის მონაგარს, ოღონდ არასამუდამოდ.

⁴⁰ეწადა სოლომონს იერობოამის მოკვლა, მაგრამ ადგა და გაიქცაიერობოამი ეგვიპტეში შიშაკთან, ეგვიპტის მეფესთან, და იქ დარჩა სოლომონისსიკვდილამდე.

⁴¹სოლომონის დანარჩენი საქმეები, ყველაფერი, რაც მანგააკეთა, და მისი სიბრძნის ამბავი სოლომონის საქმეთა წიგნშია ჩაწერილი.

⁴²ხანი სოლომონის მეფობისა იერუსალიმში მთელს ისრაელზე იყოორმოცი წელი.

⁴³განისვენა სოლომონმა თავის მამა-პაპასთან და დამარხესდავითის, მამამისის ქალაქში, და გამეფდა მის ნაცვლად მისი ძე რობოამი.