Read ახალი ქართულით, Modern Georgian Bible, 1982 მესამე მეფეთა 17 Bible Online

მესამე მეფეთა 17 - ახალი ქართულით, Modern Georgian Bible, 1982 bible

მესამე მეფეთა 17

¹უთხრა ელია თიშბელმა, გალაადის მაცხოვრებმა, აქაბს: ვფიცავ უფალს, ისრაელის ღმერთს, რომლის წინაშე ვდგავარ, რომ არ იქნება ამ წლებში ცვარი და წვიმა, თუ არა ჩემს სიტყვაზე.

²და გამოეცხადა უფლის სიტყვა:

³წადი აქედან და აღმოსავლეთისკენ იარე, ჩაიმალე ქერითისხევში, იორდანეს გასწვრივ.

⁴ამ ხევიდან სვი წყალი; ყორნებს ვუბრძანებ, რომ გკვებონმანდ.

⁵წავიდა ისიც და უფლის სიტყვისამებრ მოიქცა; წავიდა დაჩაჯდა ქერითის ხევში, იორდანეს გასწვრივ.

⁶მოჰქონდათ მისთვის ყორნებს დილაობით პური და ხორცი, დასაღამოობითაც პური და ხორცი. წყალს კი ხევიდან სვამდა.

⁷გამოხდა ხანი და დაშრა ხევი, რადგან წვიმა არ მოდიოდაქვეყნად.

⁸მაშინ გამოეცხადა უფლის სიტყვა:

⁹ადექი და წადი ციდონის ცარფათში და იქ იცხოვრე. ნაბრძანები მაქვს იქ ერთი ქვრივი ქალისთვის, რომ საჭმელი გაჭამოს.

¹⁰ისიც ადგა და წავიდა ცარფათში. ქალაქის კარიბჭეს რომ მიადგა, ხედავს, ქვრივი ქალი აგროვებს შეშას. დაუძახა და უთხრა: ცოტა წყალი მომიტანე ჭურჭლით, რომ შევსვა.

¹¹წავიდა ქალი მოსატანად; მან კი კვლავ დაუძახა და უთხრა: პურის ნაჭერიც წამომიღე შენი ხელით.

¹²მიუგო ქალმა: უფალს, შენს ღმერთს გეფიცები, ერთი ხმიადიც თუ გამაჩნდეს, ერთი მუჭა ფქვილი მაქვს ქოთანში და ცოტაოდენი ზეთი დოქში. აგერ შეშას შევაგროვებ, წავალ და გამოვაცხობ ჩემთვის და ჩემი შვილისთვის. შევჭამთ ამას და მერე დავიხოცებით.

¹³უთხრა ელიამ: ნუ გეშინია. წადი და, როგორც თქვი, ისე მოიქეცი. ოღონდ ჯერ მე გამომიცხვე პატარა ხმიადი და მომიტანე. შენთვის და შენი შვილისთვის მერე გამოაცხობ.

¹⁴რადგან ასე ამბობს უფალი, ისრაელის ღმერთი: ქოთანშიფქვილი არ გამოილევა და დოქში ზეთი არ დაიკლებს, ვიდრე უფალი წვიმას არმოიყვანს ამქვეყნად.

¹⁵წავიდა ქალი და ისე გააკეთა, როგორც ელიამ უთხრა: ჭამდათვითონ, მისი სახლიც და ელიაც რამდენიმე ხანს.

¹⁶ქოთანში ფქვილი არ ილეოდა და დოქში ზეთი არ იკლებდა უფლის სიტყვისამებრ, როგორც ნათქვამი ჰქონდა ელიას პირით.

¹⁷ამ ამბების შემდეგ ავად გახდა ამ ქალის, დიასახლისისვაჟი; ძალზე მძიმე იყო მისი სენი, ისე რომ სიცოცხლის ნიშანწყალი აღარეტყობოდა.

¹⁸უთხრა ქალმა ელიას: რა გინდა ჩემგან, ღვთისკაცო? ჩემიცოდვების მოსაკითხად მოხვედი ჩემთან და ბავშვს მიკლავ?

¹⁹უთხრა ელიამ: მომეცი შენი შვილი, უბიდან გამოართვა დედასბავშვი და ზემო თვალში აიყვანა, სადაც თვითონ ცხოვრობდა, და თავის საწოლზედააწვინა.

²⁰შეჰღაღადა უფალს და უთხრა: უფალო, ღმერთო ჩემო! ნუთუ ამქვრივ ქალსაც, რომელთანაც მდგმურადა ვარ, უზამ ბოროტს და შვილს მოუკლავ?

²¹სამგზის გადაემხო ბავშვს და შეჰღაღადა უფალს: უფალო,ღმერთო ჩემო! ჩააბრუნე ამ ბავშვის სული მის სხეულში.

²²ისმინა უფალმა ელიას ღაღადი და დააბრუნა ბავშვის სულისხეულში. და გადარჩა იგი.

²³აიყვანა ელიამ ბავშვი და ჩაიყვანა ზემო ოთახიდან სახლშიდა მისცა დედას. თქვა ელიამ: დახედე, ცოცხალია შენი შვილი.

²⁴უთხრა ქალმა ელიას: ახლა კი მივხვდი, რომ ღვთისკაცი ხარდა რომ ჭეშმარიტებაა შენს ბაგეებში უფლის სიტყვა.