Read ახალი ქართულით, Modern Georgian Bible, 1982 მესამე მეფეთა 4 Bible Online

მესამე მეფეთა 4 - ახალი ქართულით, Modern Georgian Bible, 1982 bible

მესამე მეფეთა 4

¹იყო მეფე სოლომონი მეფედ მთელს ისრაელზე.

²ეს თავკაცები ჰყავდა მას: ყაზარია, ცადოკ მღვდლის შვილი;

³ელიხორეფი და ახია, შიშას ძენი - მწერლები; იოშაფატახილუდის ძე - მემატიანე;

⁴ბენაია იეჰოიადაყის ძე - ჯარის სარდალი; ცადოკი დააბიათარი - მღვდლები.

⁵ყაზარია ნათანის ძე - მოურავთ უფროსი, ზაბუდ ნათანის ძე -მღვდელი და მეფის მეგობარი.

⁶ახიშარი - სასახლის ზედამხედველი; ადონირამ ყა ბადას ძე -ხარკის განმგებელი.

⁷თორმეტი მოურავი ჰყავდა სოლომონს მთელს ისრაელში. ისინიამარაგებდნენ სარჩოთი მეფესა და მის სახლს; თითოეულს წელიწადში ერთი თვისმანძილზე უნდა ეზიდნა სარჩო.

⁸აი, მათი სახელები: ბენ-ხური ეფრემის მთიდან;

⁹ბენ-დეკერი მაკაცში, შაყ-ალბიმში, ბეთ-შემეშში, ელონში და ბეთ-ხანანში;

¹⁰ბენ-ხესედი არუბოთში; მისი იყო სოქო და ხეფერის მთელი მხარე;

¹¹ბენ-აბინადაბი მთელს ნაფათ-დორში; სოლომონის ასული, ტაფათი ჰყავდა ცოლად;

¹²ბაყანა ახილუდის ძე თაყანაქში, მეგიდოში და მთელს ბეთ-შეანში, ცართანასთან რომ არის, იზრეყელის ქვემოთ, ბეთ-შეანიდან ვიდრე აბელ-მეხოლამდე და იაკმეყანის გაღმა მხარემდე.

¹³ბენ-გებერი გალაადის რამოთში; მისი იყო იაირ მენამეს ძის დაბები გალაადში; მისი იყო არგობის მხარე ბაშანში, სამოცი დიდი ქალაქი, გალავნიანი და სპილენძის ურდულებიანი.

¹⁴ახინადაბ ღიდოს ძე მახანაიმში;

¹⁵ახიმაყაცი ნაფთალის მხარეში; მასაც სოლომონის ასულიჰყავდა ცოლად, ბასმათი.

¹⁶ბაყანა ნუშაის ძე აშერის მხარეში და ბეყადოთმი;

¹⁷იეჰოშაფატ ფარუახის ძე ისაქარის მხარეში;

¹⁸შიმყი ელას ძე ბენიამინის მხარეში;

¹⁹გებერ ურის ძე გალაადის ქვეყანაში, სიხონის, ამორეველთა მეფის, ქვეყანაში და ოგის, ბაშანის მეფის ქვეყანაში. თითო მოურავი თითო ქვეყანაში.

²⁰ჭამდნენ, სვამდნენ, მხიარულობდნენ ზღვის ქვიშასავითმრავალრიცხოვანი იუდა და ისრაელი.

²¹ეპყრა სოლომონს ყველა სამეფო მდინარიდან ფილისტიმელთა ქვეყნამდე და ეგვიპტის საზღვრებამდე. მოართმევდნენ ხოლმე ძღვენს და ემორჩილებოდნენ სოლომონს მთელი მისი სიცოცხლე.

²²ეს იყო სოლომონის ყოველდღიური სარჩო: ოცდაათი ქორიგამტკიცული ფქვილი და სამოცი ქორი სადაგი ფქვილი;

²³ათი ნასუქალი ხარი და ათი ნაიალაღარი ხარი, ასი ცხვარიგარდა ნანადირევი ირმებისა, ქურციკებისა, ჯეირნებისა და გამოკვებილიბატებისა.

²⁴ეს იმიტომ, რომ ბატონობდა იგი მთელს მდინარის გამოღმამხარეზე თიფსახიდან ვიდრე ღაზამდე, და მდინარის გამოღმა ყველა მეფეზე, დაზავი ჰქონდა ყველა ქვეყნებთან ირგვლივ.

²⁵უშიშრად ისხდა სოლომონის დროს იუდა და ისრაელი, თითოეული თავის ვენახის ძირას და თავისი ლეღვის ძირას დანიდან ვიდრე ბერშებამდე.

²⁶ჰქონდა სოლომონს ორმოცი ათასი თავლა ეტლის ცხენებისთვისდა ჰყავდა თორმეტი ათასი ცხენოსანი.

²⁷ამარაგებდნენ ის მოურავები თითოეული თავის განკუთვნილთვეში მეფე სოლომონს და მეფე სოლომონის სუფრის ყველა მეინახეს, თითოეულითავის განკუთვნილ თვეში, და არაფერს აკლებდნენ.

²⁸მოჰქონდათ ქერი და თივა ცხენებისთვის და ბედაურებისთვის.თითოეულს მისთვის მიჩენილ ადგილზე.

²⁹მიჰმადლა ღმერთმა სოლომონს სიბრძნე, დიდი ჭკუა და ზღვისქვიშასავით ვრცელი გონება.

³⁰სოლომონის სიბრძნე აღემატებოდა აღმოსავლელთა მთელსსიბრძნეს და ეგვიპტელთა მთელს სიბრძნეს.

³¹ყველა ადამიანზე ბრძენი იყო იგი, ეთან ეზრახელზე,ჰემანზე, ქალქალაზე, დარდა მახოლის ძეზე, და განითქვა მისი სახელი ყველახალხში, ვინც კი ირგვლივ იყო.

³²წარმოთქვა სამი ათასი იგავი და შეთხზა ხუთი ათასი გალობა.

³³ლაპარაკობდა ხეებზე ლიბანის ნაძვიდან დაწყებული ეზობამდე,კედელზე რომ მიცოცავს; ლაპარაკობდა ცხოველებზე და ფრინველებზე,ქვეწარმავლებზე და თევზებზე.

³⁴მოდიოდნენ ყველა მოდგმის ხალხისგან სოლომონის სიბრძნისმოსასმენად და ქვეყნის ყველა მეფისგან, ვისაც კი სმენოდა მისი სიბრძნისამბავი.