Read ახალი ქართულით, Modern Georgian Bible, 1982 მესამე მეფეთა 6 Bible Online

მესამე მეფეთა 6 - ახალი ქართულით, Modern Georgian Bible, 1982 bible

მესამე მეფეთა 6

¹ისრაელიანთა ეგვიპტიდან გამოსვლის ოთხასმეოთხმოცე წელს, ისრაელზე სოლომონის მეფობის მეოთხე წელს, ზივის თვეში, ანუ მეორე თვეში, შეუდგა იგი უფლის სახლის შენებას.

²სახლი, რომელიც სოლომონმა აუშენა უფალს, სიგრძით სამოცი წყრთა იყო, სიგანით - ოცი წყრთა, სიმაღლით - ოცდაათი წყრთა.

³სტოა ტაძრის წინ სიგრძით ოცი წყრთა იყო, ტაძრის სიგანისშესაბამისად, ხოლო სიგანე - ათი წყრთა, სახლის წინ.

⁴გაუკეთა სახლს სარკმელები, რომლებიც იღებოდა დაიკეტებოდა.

⁵მიუშენა სახლის კედელს სართულები სახლის კედლებისირგვლივ, ტაძრისა და დაბირის ირგვლივ; მიუშენა შრამელები ირგვლივ.

⁶ქვედა სართული ხუთი წყრთა იყო სიგანით, შუა - ექვსი წყრთასიგანით, ხოლო მესამე - შვიდი წყრთა სიგანით, რადგან სახლს ირგვლივ შვერილიკოჭები ჰქონდა გარედან დატანებული, რომ სახლის კედლებს ხარაჩო არმიჰკარებოდა.

⁷როცა სახლი შენდებოდა, ზოდებად მოჭრილი ქვით შენდებოდა;არც ჩაქუჩის, არც კვერის და არცერთი რკინის იარაღის ხმა არ გაღებულა სახლშიმისი შენებისას.

⁸შუა სართულზე ასასვლელი სახლს მარჯვენა ფრთაზე ჰქონდა.დახვეული კიბით ადიოდნენ შუა სართულ ზე, და შუა სართულიდან - მესამეზე.

⁹როცა დაასრულა სახლის შენება, კედარის ფიცრებითა და კოჭებით გადახურა სახლი.

¹⁰სართულები მიუშენა მთელს სახლს, თითო ხუთი წყრთა სიმაღლისა და კედარის ძელებით მიამაგრა სახლს.

¹¹გამოეცხადა სოლომონს უფლის სიტყვა: აჰა, აშენებ ამ სახლს.

¹²მაგრამ თუ ივლი ჩემს წესზე და ჩემს სამართალს გააჩენ, თუ დაიცავ და გაჰყვები ჩემს ნაბრძანევს, მაშინ შეგისრულებ სიტყვას, რომელიც დავითს, მამაშენს ვუთხარი -

¹³დავმკვიდრდები ისრაელიანთა შორის და არასოდესმივატოვებ-მეთქი. ჩემს ერს, ისრაელს-მეთქი.

¹⁴როცა დაასრულა სახლის შენება სოლომონმა,

¹⁵კედარის ფიცრები ააკრა სახლის შიდა კედლებს იატაკიდანჭერამდე; ჭერი შიგნიდან ხით მოაპირკეთა და სახლის იატაკზე კვიპაროსისფიცრები დააგო.

¹⁶სახლის კიდეებიდან ოც წყრთაზე ააკრა კედარის ფიცრები იატაკიდან ჭერამდე და განაკუთვნა იგი დაბირისთვის, წმიდათა წმიდისთვის.

¹⁷ორმოცი წყრთა იყო წინიდან სახლი, ანუ ტაძარი.

¹⁸კედარის ფიცრებზე სახლის შიგნით კიტრები და გაშლილიყვავილები იყო ამოჩუქურთმებული; ყველა ფერი კედარისგან იყო, ქვა არ ჩანდა.

¹⁹შუა სახლში მოაწყო დაბირი, რომ იქ უფლის აღთქმის კიდობანიდაედგა.

²⁰დაბირის სიგრძე ოცი წყრთა იყო, სიგანეც ოცი წყრთა,სიმაღლეც ოცი წყრთა. წმიდა ოქროთი დაფერა იგი, ოქროთვე დაფერა კედარისსამსხვერპლო.

²¹დაფერა შიგნიდან სახლი წმიდა ოქროთი სოლომონმა, გადაჭიმა ოქროს ჯაჭვები დაბირის წინ, რომელიც ოქროთი დაფერა.

²²მთელი სახლი ოქროთი დაფერა, მთლიანად მთელი სახლი, დამთელი სამსხვერპლო დაბირის წინ მდგარი, ოქროთი დაფერა.

²³გააკეთა დაბირში ორი ქერუბიმი ზეთისხილის ხისგან, რომლისსიმაღლე ათი წყრთა იყო.

²⁴ერთი ფრთა ხუთი წყრთა ჰქონდა ქერუბიმს, მეორე ფრთაც ხუთიწყრთა. ათი წყრთა იყო ერთი ფრთის ბოლოდან მეორე ფრთის ბოლომდე.

²⁵ათი წყრთა იყო მეორე ქერუბიმიც; ორივე ქერუბიმს ერთი ზომადა ერთი სახე ჰქონდა.

²⁶ერთი ქერუბიმის სიმაღლე ათი წყრთა იყო, ასევე მეორექერუბიმისაც.

²⁷დადგა ქერუბიმები შიდა სახლის შუაგულში; გაშლილი ჰქონდათფრთები ქერუბიმებს; ერთი ქერუბიმის ფრთა ერთ კედელს სწვდებოდა, მეორექერუბიმის ფრთა - მეორე კედელს; ხოლო სახლის შუაგულისკენ მიმართული მათიფრთები ერთმანეთს ეხებოდნენ.

²⁸ოქროთი დაფერა ქერუბიმები.

²⁹სახლის მთელს კედლებზე ირგვლივ - შიგნიდან და გარედან,ქერუბიმების, ფინიკის ხეებისა და გაშლილი ყვავილების გამოსახულებანიმოაჩუქურთმა.

³⁰სახლის იატაკიც ოქროთი დაფერა, შიგნიდანაც და გარედანაც.

³¹დაბირში შესასვლელად გააკეთა ზეთისხილის ხის კარედი, რომლის ჩარჩო და წყრთილები კედლის სიმაღის მეხუთედი იყო.

³²ზეთისხილის ხის ორ კარედზე ქერუბიმები, ფინიკის ხეები დაგაშლილი ყვავილები ამოაჩუქურთმა და ოქროთი დაფერა. მოაოქროვა ქერუბიმიც დაფინიკის ხეებიც.

³³ტაძრის შესასვლელსაც ასევე გაუკეთა ზეთისხილის ხისოთკუთხა წირთხლები,

³⁴და კვიპაროსის ხის ორი კარედი. ერთი კარედის ორივე ფრთატრიალებდა, მეორე კარის ორივე გვერდიც ტრიალებდა.

³⁵ამოაჩუქურთმა ქერუბიმები, ფინიკის ხეები და გაშლილიყვავილები და ოქროთი დაფერა ჩუქურთმის ღარები.

³⁶მოაწყო შიდა ეზო სამი წყება თლილი ქვისაგან და ერთი წყებაკედარის ძელებისგან.

³⁷მეოთხე წელს, ზივის თვეში, ჩაეყარა საძირკველი უფლისსახლს.

³⁸მეთერთმეტე წელს, ბულის თვეში, რომელიც არის მერვე თვე,გაასრულა სახლი ყოველი წესისა და რიგის მიხედვით. შვიდ წელიწადს აშენებდასახლს.