Read ახალი ქართულით, Modern Georgian Bible, 1982 მეოთხე მეფეთა 10 Bible Online

მეოთხე მეფეთა 10 - ახალი ქართულით, Modern Georgian Bible, 1982 bible

მეოთხე მეფეთა 10

¹სამოცდაათი შვილი ჰყავდა აქაბს სამარიაში. დაწერა იეჰუმ წერილები და დაუგზავნა სამარიაში იზრეყელის მთავრებს, უხუცესებს და აქაბის გამზრდელებს; წერდა:

²როცა მოგივათ ეს წერილი, ხომ თქვენთან იქნებიან თქვენი ბატონიშვილები, თქვენს ხელთ იქნება ეტლები და ცხენები, ციხე-ქალაქი და საჭურველი.

³ჰოდა, ამოარჩიეთ ბატონიშვილებიდან უკეთესი, ვინც თქვენმოგწონთ, დასვით მამამისის ტახტზე და იბრძოლეთ თქვენი ბატონის სახლისთვის.

⁴დიდად, დიდად შეშინდნენ და თქვეს: აჰა, ორი მეფე ვერდაუდგა წინ, ჩვენ როგორღა დავუდგეთ?

⁵შეუთვალეს იეჰუს სასახლის მოურავმა, ქალაქის განმგებელმა,უხუცესობამ და გამზრდელებმა: შენი მორჩილნი ვართ, როგორც გვიბრძანებ, ისემოვიქცევით; არავის გავამეფებთ. როგორც გერჩიოს, ისე მოიქეცი.

⁶მისწერა მათ მეორე წერილი: თუ ჩემიანები ხართ და ჩემსსიტყვას ემორჩილებით, წამოიღეთ თქვენი ბატონიშვილების თავები და ხვალ ამდროს იზრეყელში გამოცხადდით ჩემთან. უფლისწულები - სამოცდაათი კაცი ქალაქისდიდებულებთან იყვნენ, რომელნიც ზრდიდნენ მათ.

⁷როცა წერილი მოუვიდათ, გამოიყვანეს უფლისწულები დადახოცეს - სამოცდაათი კაცი; კალათებში ჩააწყვეს მათი თავები და იზრეყელშიგაუგზავნეს.

⁸მივიდა მოციქული და მოახსენა: მოიტანეს უფლისწულთათავები. თქვა: ორ გროვად დაჰყარეთ კარიბჭის შესასვლელთან.

⁹დილით გამოვიდა, დადგა და მიმართა მთელს ხალხს: თქვენ უბრალონი ხართ. აჰა, მე ავუჯანყდი ჩემს ბატონს, მე მოვკალი, მაგრამ ესენი ვინ დახოცა?

¹⁰ამიერიდან იცოდეთ, რომ უფლის არცერთი სიტყვა, რაც უბრძანებია უფალს, აქაბის სახლზე, ფუჭად არ ჩაივლის. აღასრულა უფალმა, რაც ბრძანა თავისი მსახურის, ელიას პირით.

¹¹ამოხოცა იეჰუმ ვინც კი იყო დარჩენილი აქაბის სახლიდან იზრეყელში, ყველა მისი დიდებული, მისი მახლობლები, მისი მღვდლები; არავინ დარჩენილა მისიანი ცოცხალი.

¹²ადგა და წავიდა სამარიაში. მწყემსების ბინებთან მისულს, გზაზე

¹³შეხვდა იეჰუს იუდას მეფის, ახაზიას ძმები და ჰკითხა: ვინახართ? მიუგეს: ახაზიას ძმები ვართ. მეფისა და დედოფლის შვილების ამბისგასაგებად მივდივართ.

¹⁴თქვა: ცოცხლად შეიპყარით. შეიპყრეს ცოცხლად და ჭასთანდახოცეს, მწყემსთა ბინაში - ორმოცდაორი კაცი. ერთიც არ გადარჩენილა მათგანცოცხალი.

¹⁵წავიდა იქიდან და შეეყარა იონადაბ რექაბის ძეს, რომელიცმის შესახვედრად მოდიოდა, მიესალმა და უთხრა: ისევე წრფელია შენი გული,როგორც ჩემი გული შენდამი? მიუგო იონადაბმა: წრფელია. წრფელია და მომეციხელი. მისცა ხელი და მანაც აიყვანა თავის ეტლზე.

¹⁶უთხრა: წამომყევი და ნახე ჩემი შური უფლისადმი. და დასვეს ეტლზე.

¹⁷მივიდა სამარიას და ამოხოცა ყველა, ვინც კი დარჩენოდააქაბს სამარიაში; ისე რომ გაანადგურა ყველანი, უფლის სიტყვისამებრ, როგორცნაბრძანები ჰქონდა უფალს ელიასთვის.

¹⁸შეკრიბა იეჰუმ მთელი ერი და გამოუცხადა: ცუდადემსახურებოდა აქაბი ბაალს. ახლა იეჰუ მოუმატებს სამსახურს.

¹⁹ახლა შემიყარეთ ბაალის ყველა ქადაგი, ყველა მისი მსახურიდა ყველა მისი ქურუმი, კაციშვილი არ აკლდეს, რადგან დიდი მსხვერპლშეწირვამექნება ბაალისთვის. ვინც დააკლდება, ვერ გადარჩება ცოცხალი. ასეთი ხრიკიმოიგონა იეჰუმ, რომ ამოეწყვიტა ბაალის თაყვანისმცემლები.

²⁰თქვა იეჰუმ: გამოაცხადეთ ბაალის დღესასწაული. დაგამოაცხადეს.

²¹დაგზავნა იეჰუმ მოციქულები მთელს ისრაელში. და მოვიდა ბაალის ყველა მსახური, კაციშვილი არ დარჩენილა მოუსვლელი. შევიდნენ ბაალის სახლში და პირთამდე გაივსო ბაალის სახლი.

²²უთხრა მეტანსაცმელეს იეჰუმ: გამოუტანე სამოსელი ბაალისყველა მსახურს. მანაც გამოუტანა შესამოსელი.

²³შევიდა იეჰუ იონადაბ რექაბის ძესთან ერთად ბაალის სახლშიდა უთხრა ბაალის მსახურებს: მიათვალ-მოათვალიერეთ, არ იყოს თქვენს შორისუფლის მსახურთაგანი ვინმე, რადგან მხოლოდ ბაალის მსახურები უნდა იყოთ აქ.

²⁴შეუდგნენ მსხვერპლშეწირვას და აღსავლენს. გარეთ დააყენაიეჰუმ ოთხმოცი კაცი და უბრძანა: იცოდეთ, თუ ვინმე გადარჩა იმათგან, ვისაცგაბარებთ, მის სულს თქვენ მოგკითხავთ.

²⁵როცა დასრულდა აღსავლენი, უბრძანა იეჰუმ მალემსრბოლებსადა მეთაურებს: წადით და დახოცეთ, არავინ გაგექცეთ. მახვილით დახოცეს დაიქვე დაყარეს მალემსრბოლებმა და მეთაურებმა, თავად კი ბაალის სახლისქალაქისკენ წავიდნენ.

²⁶გამოიტანეს ბაალის სახლიდან ბაალის ქანდაკებები დადაწვეს.

²⁷დაამსხვრიეს ბაალის ქანდაკი, დაანგრიეს ბაალის სახლი დასანაგვე ადგილად აქციეს დღესამომდე.

²⁸ასე გადააშენა იეჰუმ ბაალი ისრაელიდან.

²⁹ოღონდ იერობოამ ნაბატის ძის ცოდვებისთვის, რითაც მანაცთუნა ისრაელი, არ დაუნებებია იეჰუს თავი, და არც ოქროს ხბოებისთვის,ბეთელსა და დანში რომ იყო.

³⁰უთხრა უფალმა იეჰუს: იმის გამო, რომ სწორად მოიქეცი ჩემსთვალში და ყველაფერი აღასრულე აქაბის სახლზე, რაც გულში მქონდა, მეოთხეთაობამდე ისხდებიან შენი შთამომავლები ისრაელის ტახტზე.

³¹მაგრამ მთელი გულით არ იცავდა იეჰუ უფლის, ისრაელის ღმერთის რჯულს; არ დაუნებებია თავი იერობოამის ცოდვებისთვის, რითაც აცთუნა მან ისრაელი.

³²იმ ხანებში დაიწყო უფალმა მიწების ჩამოჭრა ისრაელისთვის;სძლია ისრაელს ხაზაელმა მთელს მის საზღვარზე და წაართვა

³³იორდანედან მზის აღმოსავლეთით გალაადის მთელი მხარე,გადის, რეუბენის, მენაშეს მიწები ყარომერიდან დაწყებული, არნონის ხეობაშირომ არის, გალაადი და ბაშანი.

³⁴იეჰუს დანარჩენი საქმენი, ყველაფერი, რაც გააკეთა, ყველამისი გმირობა, ისრაელის მეფეთა მატიანეშია ჩაწერილი.

³⁵განისვენა იეჰუმ თავის მამა-პაპასთან და დამარხესსამრიაში. მის ნაცვლად მისი ძე იოახაზი გამეფდა.

³⁶სულ ოცდარვა წელი იმეფა იეჰუმ ისრაელზე სამარიაში.