Read ახალი ქართულით, Modern Georgian Bible, 1982 მეოთხე მეფეთა 11 Bible Online

მეოთხე მეფეთა 11 - ახალი ქართულით, Modern Georgian Bible, 1982 bible

მეოთხე მეფეთა 11

¹როცა დაინახა ღოთოლიამ, ახაზიას დედამ, რომ მოკვდა მისი შვილი, ადგა და ამოწყვიტა მთელი სამეფო მოდგმა.

²მაგრამ იეჰოშებაყმა, მეფე იორამის ასულმა, ახაზიას დამ, მოარიდა იოაში, ახაზიას ძე, დასახოცად განწირულ უფლისწულებს და მის ძიძასთან ერთად საწოლ ოთახში დამალა ღოთოლიასგან და ვერ მოკლეს.

³ექვს წელს იმალებოდა მასთან ერთად უფლის სახლში, ხოლოღოთოლია მეფობდა ქვეყანაზე.

⁴მეშვიდე წელს დაიბარა იეჰოიადაყმა მცველთა დამალემსრბოლთა ასისთავები და შეიყვანა ისინი უფლის სახლში. აღთქმა მოსთხოვამათ, დააფიცა უფლის სახლში და აჩვენა მეფისწული.

⁵უბრძანა: აი, როგორ უნდა მოიქცეთ: თქვენგან მესამედმა,შაბათს მომსვლელთაგან მეფის სასახლეში უნდა იყარაულოს;

⁶მესამედმა - სურის კარიბჭესთან, მესამედმა - კარიბჭესთან,მალემსრბოლთა უკან. მორიგეობით იყარაულეთ სასახლეში.

⁷თქვენგან ორმა მესმედმა, შაბათს გამომსვლელთაგან, უფლისსახლში უნდა იყარაულოს მეფის წინაშე.

⁸გარს შემოერტყით მეფეს იარაღით ხელში; ვინც რიგებშიშემოვა, მოკვდეს. ედექით მეფეს მისი გამოსვლისას და შესვლისას.

⁹ყველაფერი ისე გააკეთეს ასისთავებმა, როგორც დაარიგა მათ იეჰოიადაყ მღვდელმა: წაიყვანეს თავ-თავისი ხალხი - შაბათს მომსვლელნი შაბათს გამსვლელებთან ერთად და იეჰოიადაყ მღვდელთან მივიდნენ.

¹⁰დაურიგა მღვდელმა ასისთავებს შუბები და ფარები, მეფე დავითს რომ ჰქონდა უფლის სახლში.

¹¹დადგნენ მალემსრბოლები იარაღით ხელში სახლის მარჯვენა ფრთიდან სახლის მარცხენა ფრთამდე, სამსხვერპლოსთან და სახლთან, მეფის ირგვლივ.

¹²გამოიყვანა მეფისწული, დაადგა შარავანდი და მისცა მოწმობა; გაამეფეს და სცხეს მირონი. ტაშს უკრავდნენ და იძახდნენ: იცოცხლოს მეფემ!

¹³შემოესმა ღოთოლიას ხალხის ჩოჩქოლი და გავიდა ხალხთანუფლის სახლში.

¹⁴დაინახა, დგას მეფე წესისამებრ და სარდლები და საყვირებიმეფის გვერდით, მხიარულობს ქვეყნის ერი და საყვირებს ახმიანებენ.შემოიგლიჯა სამოსელი ღოთოლიამ და იყვირა: ღალატია! ღალატი!

¹⁵უბრძანა იეჰოიადაყ მღვდელმა. ასისთავებს, ჯარის მეთაურებსდა უთხრა: გარეთ გაიყვანეთ. ვინც უკან გაჰყვება, მახვილით მოკალით. რადგანიფიქრა მღვდელმა, უფლის სახლში არ მოკლანო.

¹⁶გზა მისცეს და წავიდა ცხენთა შესასვლელით სასახლისაკენ, და იქ მოკლეს.

¹⁷დადო იეჰოიადაყმა აღთქმა უფალსა და მეფეს შორის, და ერსშორის, რათა ერი საუფლო ყოფილიყო, და მეფესა და ერს შორის.

¹⁸შევიდა მთელი ქვეყნის ხალხი ბაალის სახლში და დაანგრიესიგი სამსხვერპლოიანად, დალეწეს მისი გამოსახულებანი და მოკლეს მათანი,ბაალის ქურუმი, სამსხვერპლოების წინ. დააწესა მღვდელმა ზედამხედველობაუფლის სახლზე.

¹⁹წამოიყვანა ასისთავები, სასახლის მცველები, მალემსრბოლებიდა ქვეყნის ერი და მათაც გამოიყვანეს მეფე უფლის სახლიდან. მალემსრბოლთაშესასვლელით სამეფო სახლში მივიდნენ და მეფეთა ტახტზე დაჯდა მეფე.

²⁰გამხიარულდა მთელი ქვეყნის ერი და დაწყნარდა ქალაქი. ხოლოღოთოლია მახვილით მოკლეს სამეფო სახლში.