Read ახალი ქართულით, Modern Georgian Bible, 1982 მეოთხე მეფეთა 12 Bible Online

მეოთხე მეფეთა 12 - ახალი ქართულით, Modern Georgian Bible, 1982 bible

მეოთხე მეფეთა 12

¹შვიდი წლისა იყო იოაში, როცა გამეფდა.

²იეჰუს მეშვიდე წელს გამეფდა იოაში და ორმოცი წელი იმეფა იერუსალიმში. მისი დედა იყო ციბია, ბერშებადან.

³სწორად იქცეოდა უფლის თვალში იოაში მთელი თავისისიცოცხლე, სანამ იეჰოიადაყ მღვდელი მოძღვრავდა მას.

⁴ოღონდ გორაკები არ ყოფილა გაუქმებული; გორაკებზე სწირავდახალხი მსხვერპლს და აკმევდა საკმეველს.

⁵უთხრა იოაშმა მღვდლებს: მთელი შემოწირული ვერცხლი,რომელიც უფლის სახლში შემოდის, ტრიალში მყოფი ვერცხლი, ვისაც რამდენიშემოაქვს, მთელი ვერცხლი, რომელიც სურვილთსამებრ შემოაქვთ უფლის სახლში,

⁶აიღონ მღვდლებმა თავ-თავისი ნაცნობებისგან და შეაკეთონსახლში ყველაფერი, რასაც შესაკეთებელს აღმოაჩენენ.

⁷როცა, მეფე იოაშის ოცდამესამე წელს, მაინც არ ჰქონდათშეკეთებული მღვდლებს, რაც შესაკეთებელი იყო სახლში,

⁸დაუძახა მეფე იოაშმა იეჰოიადაყ მღვდელს და სხვა მღვდლებსდა უთხრა: რატომ არ შეგიკეთებიათ სახლი, მეტად ნუღარ აიღებთ თქვენ-თქვენინაცნობებისგან ვერცხლს სახლის შესაკეთებლად.

⁹შეთანხმდნენ მღვდლები, აღარ აეღოთ ხალხისგან ვერცხლი სახლის შესაკეთებლად.

¹⁰აიღო იეჰოიადაყ მღვდელმა ერთი კიდობანი, ზემოდან ნახვრეტი გაუკეთა და სამსხვერპლოს გვერდით დადგა, უფლის სახლში შემომსვლელთა მხარმარჯვნივ. იქ ყრიდნენ ზღურბლის მცველი მღვდლები უფლის სახლში შემოტანილ მთელს ვერცხლს.

¹¹როცა ნახავდნენ, რომ ბევრი ვერცხლი დაგროვდა კიდობანში, ამოვიდოდნენ მეფის მწერალი და მღვდელმთავარი, გადმოყრიდნენ და დაითვლიდნენ უფლის სახლში შეგროვებულ ვერცხლს.

¹²ხელში აბარებდნენ დათვლილ ვერცხლს სამუშაოთა შემსრულებლებს, რომელნიც უფლის სახლში იყვნენ განწესებულნი. ესენი ურიგებდნენ დურგლებს და მშენებლებს, უფლის სახლში მომუშავეთ,

¹³ქვისმთლელებს და ქვითხუროებს, ყიდულობდნენ ხეს და თლილქვას უფლის სახლის შესაკეთებლად და ყველაფერს, რაც სახლის გასამაგრებლადიყო საჭირო.

¹⁴ოღონდ უფლის სახლისთვის საჭირო ვერცხლის თასები, მაშები,სასხურებლები, საყვირები, ოქროს და ვერცხლის ყოველგვარი ჭურჭელი არმზადდებოდა უფლის სახლში შემოსული ვერცხლით,

¹⁵რადგან სამუშაოთა შემსრულებლებს ეძლეოდათ, რომ მისიხარჯით შეეკეთებინათ უფლის სახლი.

¹⁶ანგარიშს არ სთხოვდნენ იმ პირებს, რომელნიც სამუშაოთა შემსრულებლებს აბარებდნენ ხელში ვერცხლს, რადგან პატიოსნად იქცეოდნენ.

¹⁷დანაშაულის გამოსასყიდი ვერცხლი და ცოდვის გამოსასყიდივერცხლი არ შემოდიოდა უფლის სახლში; მღვდლებს ეკუთვნოდათ იგი.

¹⁸მაშინ გაემართა ხაზაელი, არამის მეფე, და გაილაშქრა გათისწინააღმდეგ და აიღო იგი. მერე იერუსალიმზე გალაშქრება განიზრახა.

¹⁹მაშინ აიღო იოაშ იუდას მეფემ მთელი შემოწირულობა, რაცშემოწირული ჰქონდათ იოშაფატს, იორამს და ახაზიას - მის მამა-პაპას, იუდასმეფეებს, თავისი შემოწირულობაც და მთელი ოქროულობა, რაც კი იპოვებოდა უფლისსახლსა და მეფის სახლის საგანძურებში, და გაუგზავნა ხაზაელს, არამის მეფეს;და ისიც გაეცალა იერუსალიმს.

²⁰იოაშის დანარჩენი საქმენი, ყველაფერი, რაც გააკეთა, იუდასმეფეთა მატიანეშია ჩაწერილი.

²¹აღდგნენ მისი მორჩილნი და შეითქვნენ მის წინააღმდეგ, დამოკლეს იოაში მილოს სახლში, სილას ჩასავალთან.

²²მისმა მორჩილებმა - იოზაქარ შიმყათის ძემ და იეჰოზაბადშომერის ძემ, მოკლეს იგი; მოკვდა და დამარხეს თავის მამა-პაპის გვერდით,დავითის ქალაქში. მის ნაცვლად მისი ძე ამაცია გამეფდა.