Read ახალი ქართულით, Modern Georgian Bible, 1982 მეოთხე მეფეთა 13 Bible Online

მეოთხე მეფეთა 13 - ახალი ქართულით, Modern Georgian Bible, 1982 bible

მეოთხე მეფეთა 13

¹იუდას მეფის, იოაშ ახაზიას ძის, ოცდამესამე წელს გამეფდა იეჰოახაზ იეჰუს ძე ისრაელზე სამარიაში და იმეფა ჩვიდმეტი წელი.

²უკუღმართად იქცეოდა უფლის თვალში და მიჰყვებოდა იერობოამ ნაბატის ძის ცოდვის კვალს, რომელმაც შეაცდინა ისრაელი; არ განრიდებია მას.

³აღიგზნო უფლის რისხვა ისრაელიანთა მიმართ და ჩაუგდო ისინიხელში ხაზაელს, არამის მეფეს, და ბენჰადადს, ხაზაელის ძეს, დიდი ხნით.

⁴შეევედრა იეჰოახაზი უფალს და უსმინა მას უფალმა, რადგანდაინახა ისრაელიანთა შეჭირვება, როგორ აჭირვებდა მათ არამის მეფე.

⁵მისცა უფალმა ისრაელს მხსნელი და დააღწიეს თავი არამისბატონობას; და იწყეს ცხოვრება ისრაელიანებმა თავ-თავის კარვებში, როგორცგუშინ და გუშინწინ ცხოვრობდნენ.

⁶ოღონდ არ განრიდებიან იერობოამის სახლის ცოდვებს,რომელმაც შეაცდინა ისრაელი; მისდევდნენ მათ და ხემხვივანებიცკვლავინდებურად იდგა სამარიაში.

⁷ორმოცდაათი ცხენოსანი, ათი საომარი ეტლი და ათი ათასიქვეითიღა შერჩა იეჰოხოაზს, რადგან გაანადგურა ისინი არამის მეფემ და მიწისმტვერივით გასათელი გახადა.

⁸იეჰოხოაზის დანარჩენი საქმენი, ყველაფერი, რაც გააკეთა დამისი გმირობანი, ისრაელის მეფეთა მატიანეშია ჩაწერილი.

⁹განისვენა იეჰოხოაზმა თავის მამა-პაპასთან და დამარხეს იგი სამარიაში. მის ნაცვლად მისი ძე იოაში გამეფდა.

¹⁰იუდას მეფის, იოაშის, ოცდამეჩვიდმეტე წელს გამეფდა იეჰოაშ იეჰოხოაზის ძე ისრაელზე სამარიაში და თექვსმეტი წელი იმეფა.

¹¹უკუღმართად იქცეოდა უფლის თვალში, არ მიუტოვებია ცოდვები იერობოამ ნაბატის ძისა, რომელმაც შეაცდინა ისრაელი, არამედ მისდევდა მათ.

¹²იოაშის დანარჩენი საქმენი, ყველაფერი, რაც გააკეთა, მისი გმირობანი, იუდას მეფეს, ამაციას, რომ ეომებოდა, ისრაელის მეფეთა მატიანეშია ჩაწერილი.

¹³განისვენა იოაშმა თავის მამა-პაპასთან და დაჯდა მის ტახტზე იერობოამი. ხოლო იოაში სამარიაში დაიმარხა ისრაელის მეფეთა გვერდით.

¹⁴დასნეულდა ელისე და მოკვდა კიდეც ამ სენისაგან. ჩავიდამასთან იოაშ ისრაელის მეფე. თავზე დასტიროდა და ეუბნებოდა: მამავ, მამავ,ისრაელის ეტლო და მხედრობავ!

¹⁵უთხრა ელისემ: აიღე მშვილდ-ისარი. მანაც აიღომშვილდ-ისარი.

¹⁶უთხრა ისრაელის მეფეს: დაადე ხელი მშვილდს. მანაც დაადო ხელი, ხოლო ელისემ მეფის ხელზე დააწყო თავისი ხელები.

¹⁷თქვა: გააღე აღმოსავლეთის სარკმელი. გააღო. თქვა ელისემ:სტყორცნე. სტყორცნა. თქვა: ძლევის ისარი უფლისაგან და ძლევის ისარიარამისკენ. სძლევ არამს აფეკში საბოლოოდ.

¹⁸თქვა: აიღე ისრები. აიღო. უთხრა ისრაელის მეფეს: დაჰკარიმიწას. სამგზის დაჰკრა მიწას და გაჩერდა.

¹⁹გაუბრაზდა ღვთისკაცი და უთხრა: ხუთგზის ან ექვსგზის რომდაგეკრა, საბოლოოდ სძლევდი არამს, ახლა კი მხოლოდ სამგზის სძლევ არამს.

²⁰მოკვდა ელისე და დამარხეს იგი. მოაბის მოთარეშენი დაეცნენქვეყანას წლის დამდეგს.

²¹ერთხელ ვიღაც კაცს მარხავდნენ და, აჰა, როცა დაინახესმოთარეშენი, ჩააგდეს ეს კაცი ელისეს სამარხში. როგორც კი შეეხო კაცი ელისესძვლებს, მყისვე გაცოცხლდა და ფეხზე წამოდგა.

²²ხაზაელი, არამის მეფე, აჭირვებდა ისრაელიანებს იეჰოახაზისმეფობის მთელს ხანაში.

²³მაგრამ შეიბრალა ისინი უფალმა და შეიწყალა აბრაამთან,ისაკთან და იაკობთან დადებული აღთქმის გამო და არ ინება მათი მოსპობა.თავიდან არ მოუშორებია ისინი დღესამომდე.

²⁴მოკვდა ხაზაელი, არამის მეფე; მის ნაცვლად მისი ძებენ-ჰადადი გამეფდა

²⁵უკანვე დაიბრუნა იოაშ აეჰოახაზის ძემ ბენ-ჰადად ხაზაელისძისგან ქალაქები, რომლებიც ბრძოლით ჰქონდა წართმეული მისი მამისთვის,იეჰოხოაზისთვის. სამგზის სძლია მას იოაშმა და დაიბრუნა ისრაელის ქალაქები.