Read ახალი ქართულით, Modern Georgian Bible, 1982 მეოთხე მეფეთა 17 Bible Online

მეოთხე მეფეთა 17 - ახალი ქართულით, Modern Georgian Bible, 1982 bible

მეოთხე მეფეთა 17

¹იუდას მეფის, ახაზიას მეთორმეტე წელს გამეფდა ჰოშეაყ ელას ძე სამარიაში ისრაელზე და იმეფა ათი წელი.

²უკუღმართად იქცეოდა უფლის თვალში, თუმცა არც ისე, როგორც ისრაელის მეფეები, მასზე წინ რომ იყვნენ.

³მის წინააღმდეგ წამოვიდა შალმანესერი, აშურის მეფე, დაშეიქნა ჰოშეაყი მისი მორჩილი და უხდიდა ხარკს.

⁴მიუხვდა აშურის მეფე ჰოშეაყს ღალატს, რადგან მოციქულებსუგზავნიდა იგი სოს, ეგვიპტის მეფეს, და აღარ უხდიდა აშურის მეფეს ხარკსყოველწლიურად. დაატუსაღა იგი აშურის მეფემ და საპყრობილეში ჩასვა.

⁵მოადგა აშურის მეფე მთელს ქვეყანას, მოადგა საპარიას დასამ წელიწადს ალყაში ჰყავდა.

⁶ჰოშეაყის მეცხრე წელს აიღო აშურის მეფემ სამარია, აშურშიგადაასახლა ისრაელი და ხალახში, ხაბორთან, გოზანის მდინარესთან, დამიდიელთა ქალაქებში დაასახლა.

⁷და როცა შესცოდეს ისრაელიანებმა უფალს, თავიანთ ღმერთს,რომელმაც გამოიყვანა ისინი ეგვიპტიდან და გამოიხსნა ფარაონის, ეგვიპტელთამეფის ხელიდან, თაყვანი დაუწყეს უცხო ღმერთებს,

⁸აჰყვნენ იმ ხალხთა ჩვეულებებს, რომელნიც აჰყარა უფალმაისრაელიანთაგან და ისრაელის მეფეთა ჩვეულებებს, როგორც ისინი იქცეოდნენ,

⁹იწყეს უჯეროდ ლაპარაკი ისრაელიანებმა უფალზე, თავიანთ ღმერთზე, გამართეს გორაკები ყველა ქალაქში საყარაულო გოდოლიდან მოყოლებული ციხე-ქალაქამდე,

¹⁰დაიდგეს ქანდაკებები და აშერები ყველა მაღალ ბორცვზე და ყოველი ხემხვივანის ქვეშ,

¹¹საკმეველს აკმევდნენ იქ, ყოველ გორაკზე, იმ ხალხთა მსგავსად, რომელნიც აჰყარა მათგან უფალმა, ავ საქმეებს სჩადიოდნენ, რომ განერისხებინათ უფალი,

¹²ემსახურებოდნენ კერპებს, რაზეც ნაბრძანები ჰქონდა მათთვის უფალს: ნუ იზამთო ამ საქმეს,

¹³აფრთხილებდა უფალი ისრაელს და იუდას თავისი ყოველიწინასწარმეტყველისა და ყოველი მისნის პირით: მიატოვეთ თქვენი უკუღმართიგზა, დაიცავით ჩემი მცნებები და წესები იმ რჯულის მიხედვით, რომელიცშთავაგონე თქვენს მამა-პაპას და თქვენც შემოგითვალეთ ჩემს მორჩილთა -წინასწარმეტყველთა პირით.

¹⁴არ შეისმინეს და გაჯიუტდნენ მათი მამებივით, რომელთაც არირწმუნეს უფალი, თავიანთი ღმერთი.

¹⁵შეიძულეს მისი წესები და აღთქმა, უფალმა რომ დაუდო მათმამა-პაპას, და გაფრთხილებები, რითაც აფრთხილებდა მათ; მიჰყვნენ ამაოებასდა თავადაც ამაონი გახდნენ. წახედეს მეზობელ ხალხებს, ვისზედაც უბრძანაუფალმა, რომ არ მოქცეულიყვნენ მათ მსგავსად.

¹⁶დაივიწყეს უფლის, თავიანთი ღვთის მცნებები, ჩამოასხეს ორი ხბოს გამოსახულებები, გააკეთეს აშერა, თაყვანს სცემდნენ ცის ვარსკვლავებს და ბაალს ემსახურებოდნენ.

¹⁷ცეცხლში ატარებდნენ თავიანთ ვაჟებსა და ქალიშვილებს,მკითხაობდნენ, ჯადოქრობდნენ და აღარ ერიდებოდნენ უკუღმართობის ქმნას უფლისთვალში მის გასარისხებლად.

¹⁸მაშინ დიდად განურისხდა უფალი ისრაელს და თავიდან მოიშორაისინი, მხოლოდ ერთი იუდას ტომიღა დარჩა.

¹⁹არც იუდა იცავდა უფლის, თავისი ღმერთის მცნებას დაისრაელიანთა წესებს მისდევდა, როგორც თავად ისინი იქცეოდნენ.

²⁰შეიძულა უფალმა ისრაელის მთელი მოდგმა, მოტეხა იგი დამძარცველებს ჩაუგდო ხელში, ვიდრე საბოლოოდ არ მოიშორა თავიდან.

²¹როცა მოწყდა ისრაელი დავითის სახლს და გაამეფეს იერობოამ ნაბატის ძე, მაშინ ჩამოაშორა იერობოამმა ისრაელი უფალს და დიდად შეაცდინა.

²²დადიოდნენ ისრაელიანები იერობოამის ცოდვებში, რომლებიცმას ჰქონდა ჩადენილი, და არ განრიდებიან მათ,

²³ვიდრე არ განირიდა უფალმა ისრაელი, როგორც ნათქვამიჰქონდა თავის მორჩილთა - წინასწარმეტყველთა პირით. გადასახლებულია ისრაელითავისი მიწიდან აშურში დღემდე.

²⁴წაიყვანა აშურის მეფემ ხალხი ბაბილონიდან, ქუთადან,ყავადან, ხამათიდან და სეფარვაიმიდან და ჩაასახლა სამარიის ქალაქებშიისრაელიანთა ნაცვლად. დაიმკვიდრეს მათ სამარია და ცხოვრობდნენ მისქალაქებში.

²⁵არად აგდებდნენ იქ ცხოვრების პირველ ხანებში უფალს დაუსევდა მათ უფალი ლომებს, რომლებიც მუსრს ავლებდნენ მათ.

²⁶უთხრეს აშურის მეფეს: ხალხებმა, რომელიც შენ აჰყარე დასამარიის ქალაქებში ჩაასახლე, არ იციან იმ ქვეყნის ღმერთის ჩვეულება,ამიტომაც მიუსია მათ ლომები, რომლებიც მუსრს ავლებენ მათ, რადგან არ იციანიმ ქვეყნის ღმერთის ჩვეულება.

²⁷ბრძანება გასცა აშურის მეფემ: გაგზავნეთ იქ ვინმე მღვდელიიქიდან გადმოსახლებულთაგან. წავიდეს და იცხოვროს იქ და ასწავლოს მათ იმქვეყნის ღმერთის ჩვეულება.

²⁸წავიდა ერთი მღვდელთაგანი, სამარიიდან გადასახლებული, დადაემკვიდრა ბეთელს და ასწავლიდა მათ უფლის მოწიწებას.

²⁹თავ-თავისი ღმერთები გააკეთა თითოეულმა ხალხმა და დადგგსგორაკთა სახლში, სამარიელებს რომ ჰქონდათ მოწყობილი, თითოეულმა ხალხმათავ-თავის ქალაქში, სადაც ცხოვრობდნენ.

³⁰ბაბილონელებმა გააკეთეს სუქოთ-ბენოთი, ქუთელებმა გააკეთესნერგალი, ხამათელებმა გააკეთეს აშიმა,

³¹ყაველებმა გააკეთეს ნიბხაზი და თართაკი, ხოლო სეფარვიმელები ცეცხლში წვავდნენ თავიანთ შვილებს ადრამელექისა და ყანამელექისთვის, სეფარვიმელი ღმერთებისთვის.

³²ეშინოდათ უფლისაც და გაიჩინეს გორაკთა მღვდლები, რომლებიცმათთვის მსახურობდნენ გორაკთა სახლებში.

³³უფლისაც ეშინოდათ და თავიანთ ღმერთებსაც ემსახურებოდნენ,იმ ხალხთა ჩვეულებით, რომელთაგანაც გადმოასახლეს ისინი.

³⁴დღევანდლამდე ძველი ჩვეულების თანახმად იქცევიან: უფლისარ ეშინიათ და არ მისდევენ იმ წესებს, სამართალს, რჯულსა და მცნებებს,უფალმა რომ დაუდგინა იაკობის შთამომავალთ, რომელთაც ისრაელი უწოდა სახელად,

³⁵დაუდო აღთქმა და უანდერძა: ნუ ესავთ უცხო ღმერთებს, ნუსცემთ თაყვანს, ნუ ემსახურებით და მსხვერპლს ნუ შესწირავთ.

³⁶მარტოოდენ უფალს, რომელმაც დიდი ძალითა და მოღერებულიმკლავით გამოგიყვანათ ეგვიპტიდან, ესავდეთ, თაყვანს სცემდეთ და მსხვერპლსსწირავდეთ.

³⁷მუდამდღე იცავდეთ წესებს, სამართალს, რჯულსა და მცნებას,რაც უფალმა დაგიწესათ, და უცხო ღმერთებს ნუ ესავთ.

³⁸ნუ დაივიწყებთ აღთქმას, მე რომ დაგიდევით, და უცხოღმერთებს ნუ ესავთ.

³⁹მხოლოდ უფალს, თქვენს ღმერთს, ესავდეთ და ის გიხსნითმტრების ხელიდან.

⁴⁰მაგრამ არ ესმოდათ მათ და წინანდელ ჩვეულებას მისდევდნენ.

⁴¹ეს ხალხები უფალსაც ესავდნენ და კერპებსაც სცემდნენთაყვანს. როგორც მამები იქცეოდნენ, დღემდე ასე იქცევიან მათი შვილები დამათი შვილთაშვილები.