Read ახალი ქართულით, Modern Georgian Bible, 1982 მეოთხე მეფეთა 20 Bible Online

მეოთხე მეფეთა 20 - ახალი ქართულით, Modern Georgian Bible, 1982 bible

მეოთხე მეფეთა 20

¹იმ ხანებში სასიკვდილოდ დასნეულდა ხიზკია. მივიდა მასთან ესაია ამოცის ძე, წინასწარმეტყველი, და უთხრა: ასე ამბობს უფალი: ანდერძი დაუტოვე შენს სახლს, რადგან კვდები, ვერ გადარჩები.

²კედლისკენ მიაბრუნა პირი ხიზკიამ და შეევედრა უფალს:

³უფალო! გაიხსენე, მტკიცედ და წრფელი გულით რომ დავდიოდიშენს წინაშე. კეთილად რომ ვიქცეოდი შენს თვალში! და მწარედ ატირდა ხიზკია.

⁴შიდა ქალაქიდან არ იყო ესაია გასული, რომ გამოეცხადაუფლის სიტყვა.

⁵გაბრუნდი და უთხარი ხიზკიას, ჩემი ერის წინამძღოლს: ასეამბობს-თქო უფალი, დავითის, მამაშენის ღმერთი: შევიწყნარე შენი ვედრება,დავინახე შენი ცრემლი და, აჰა, განგკურნავ. ზეგ წახვალ უფლის სახლში.

⁶კიდეც თხუთმეტ წელიწადს შევმატებ შენს დღეებს და აშურისმეფის ხელიდან დაგიხსნით შენ და ამ ქალაქს, დავიფარავ ამ ქალაქს ჩემიგულისთვის და დავითის, ჩემი მორჩილის გულისთვის.

⁷თქვა ესაიამ: მოიტანეთ ლეღვის ტყლაპი. მოიტანეს დაწყლულზე დაადეს; და განიკურნა.

⁸უთხრა ხიზკიამ ესაიას: რა იქნება იმის სასწაულად, რომგანმკურნავს უფალი, რომ ზეგ უფლის სახლში წავალ?

⁹თქვა ესაიამ: ეს იყოს შენთვის სასწაულად უფლისგან, რომ აასრულებს უფალი თავის ნათქვამ სიტყვას. ათი საფეხურით წინ წავიდეს ჩრდილი თუ ათი საფეხურით დაბრუნდეს უკან?

¹⁰თქვა ხიზკიამ: ადვილია ჩრდილისთვის ათი საფეხურით წინსვლა; არა, უკან დაბრუნდეს ჩრდილი ათი საფეხურით!

¹¹შესთხოვა უფალს ესაია წინასწარმეტყველმა და უკან დააბრუნა უფალმა ჩრდილი საფეხურებზე, რომლებზეც ჩამოდიოდა იგი, ახაზის საფეხურებზე, ათი საფეხურით.

¹²ამ დროს გამოუგზავნა მეროდაქ-ბალადან ბალადანის ძემ, ბაბილონის მეფემ, ხიზკიას წერილები და ძღვენი, რადგან გაგებული ჰქონდა, რომ ავად იყო ხიზკია.

¹³მიიღო ისინი ხიზკიამ და დაათვალიერებინა მთელი თავისისაგანძური: ოქრო-ვერცხლი, ნელსურნელებანი, რჩეული ზეთი, საჭურველის სახლი,ყველაფერი, რაც კი მის საუნჯეებში იპოვებოდა; ერთი ნივთიც არ დარჩენილა არცმის სახლში და არც მთელს მის სამფლობელოში, რომ არ ეჩვენებინოს მათთვისხიზკიას.

¹⁴მივიდა ესაია წინასწარმეტყველი მეფე ხიზკიასთან და უთხრა:რა თქვეს ამ კაცებმა და საიდან მოვიდნენ შენთან? მიუგო ხიზკიამ: შორიქვეყნიდან მოვიდნენ, ბაბილონიდან.

¹⁵თქვა: რა ნახეს შენს სახლში? მიუგო ხიზკიამ: ყველაფერინახეს, რაც სახლში მაქვს. არაფერი დარჩენილა ჩემს საუნჯეებში, რომ არმეჩვენებინა მათთვის.

¹⁶უთხრა ესაიამ ხიზკიას: ისმინე უფლის სიტყვა:

¹⁷აჰა, დადგება დრო და ყველაფერს, რაც სახლში გაქვს, და რაცშენს მამა-პაპას დღემდე მოუხვეჭავს, ბაბილონში წაიღებენ. აღარაფერიდარჩება, ამბობს უფალი.

¹⁸წაასხამენ შენს შვილებსაც, რომელნიც შენგან გამოვლენ,რომელთაც შენ წარმოშობ; და საჭურისებად გახდიან ბაბილონის მეფის სასახლეში.

¹⁹უთხრა ხიზკიამ ესაიას: კარგია უფლის სიტყვა. შენ რომწარმოთქვი. თქვა: იქნება ჩემს მეფობაში მშვიდობა და სიმტკიცე.

²⁰ხიზკიას დანარჩენი საქმენი, ყველა მისი გმირობა,წყალსატევი რომ გააკეთა და ქალაქში წყალი გაიყვანა. იუდას მეფეთამატიანეშია ჩაწერილი.

²¹განისვენა ხიზკიამ თავის მამა-პაპასთან. მის ნაცვლად მისიძე, მენაშე გამეფდა.