Read ახალი ქართულით, Modern Georgian Bible, 1982 მეოთხე მეფეთა 24 Bible Online

მეოთხე მეფეთა 24 - ახალი ქართულით, Modern Georgian Bible, 1982 bible

მეოთხე მეფეთა 24

¹მის დროს გამოვიდა ნაბუქოდონოსორი, ბაბილონის მეფე, და იყო იეჰოიაკიმი მისი მორჩილი სამ წელიწადს. მერე კვლავ განუდგა მას.

²მიუსევდა ხოლმე მას უფალი ქალდეველთა, არამელთა მოაბელთა და ყამონიანთა ბრბოებს, შეუსევდა ხოლმე იუდას, რათა დაეღუპა იგი უფლის სიტყვისამებრ, როგორც ნაბრძანები ჰქონდა თავის მორჩილთა - წინასწარმეტყველთა პირით.

³უფლის ნებით ხდებოდა ეს იუდაში, რათა თავიდან მოეშორებინაიგი მენაშეს მიერ ჩადენილი ცოდვების გამო.

⁴იმ უბრალოდ დაღვრილი სისხლის გამოც, რომლითაც აავსოიერუსალიმი, არ ინება უფალმა მისი პატიება.

⁵იეჰოიაკიმის დანარჩენი საქმენი, ყველაფერი, რაცგუკეთებია, იუდას მეფეთა მატიანეშია ჩაწერილი.

⁶განისვენა იეჰოიაკიმმა თავის მამა-პაპასთან და მისნაცვლად მისი ძე იეჰოიაქინი გამეფდა.

⁷მეტად აღარ გამოსულა ეგვიპტის მეფე თავისი ქვეყნიდან,რადგან დაიპყრო ბაბილონის მეფემ ყველაფერი, რაც ეგვიპტელთა მეფეს ეკუთვნოდა- ეგვიპტის მდინარიდან მდინარე ევფრატამდე.

⁸თვრამეტი წლის იყო იეჰოიაქინი, როცა გამეფდა, და სამი თვეიმეფა იერუსალიმში. მისი დედა იყო ნეხუშთა, ელნათანის ასული,იერუსალიმიდან.

⁹უკუღმართად იქცეოდა უფლის თვალში, ისევე როგორც მამამისი იქცეოდა.

¹⁰ამ დროს დაიძრნენ ბაბილონის მეფის, ნაბუქოდონოსორის მოლაშქრეები იერუსალიმისკენ და შემოადგნენ ქალაქს.

¹¹მოადგა ბაბილონის მეფეც, ნაბუქოდონოსორი, ქალაქს, როცა მის მოლაშქრეებს ალყაში ჰყავდათ მოქცეული ქალაქი.

¹²გავიდა იეჰოიაქინ იუდას მეფე ბაბილონის მეფესთან, გავიდნენ დედამისიც, მისი მორჩილნიც, დიდებულებიც, კარისკაცებიც, და წაიყვანა იგი ბაბილონის მეფემ მისი მეფობის მერვე წელს.

¹³გაზიდა იქიდან უფლის სახლის მთელი საგანძური და მეფისსახლის საგანძური, დაამტვრია მთელი ოქროს ჭურჭელი, რომელიც გაკეთებულიჰქონდა სოლომონ ისრაელის მეფეს უფლის ტაძარში უფლის ბრძანებისამებრ.

¹⁴აჰყარა მთელი იერუსალიმი, ყველა დიდებული, ყველა მამაციმებრძოლი - ათი ათასი კაცი იყო აყრილი, ყველა ხელოსანი და მშენებელი,არავინ დარჩენილა ქვეყნის ერის გარდა.

¹⁵გადაასახლა იეჰოიაქინი ბაბილონს; მეფის დედაც, მეფისცოლებიც, მისი კარისკაცებიც, ქვეყნის თავკაცნი წაასხა იერუსალიმიდანბაბილონში დასასახლებლად.

¹⁶მეომრები - შვიდი ათასი კაცი, ხელოსნები და მშენებლები - ათასი კაცი, ყველა ვაჟკაცი, ომის შემძლე, წაასხა ბაბილონის მეფემ ბაბილონში დასასახლებლად.

¹⁷მეფედ დასვა ბაბილონის მეფემ იეჰოიაქინის ნაცვლად მისიბიძა, მათანია, და სახელად ციდკიაჰუ დაარქვა.

¹⁸ოცდაერთი წლის იყო ციდკიაჰუ, როცა გამეფდა, და თერთმეტიწელი იმეფა იერუსალიმში. მისი დედა იყო ხამიტალი, იერემიას ასული,ლიბნადან.

¹⁹უკუღმართად იქცეოდა უფლის თვალში, ისევე როგორციეჰოიაკიმი იქცეოდა.

²⁰მრისხანებდა უფალი იერუსალიმზე და იუდაზე, ვიდრე საბოლოოდარ მოიშორა ისინი თავიდან. ხოლო ციდკიაჰუ განუდგა ბაბილონის მეფეს.