Read ახალი ქართულით, Modern Georgian Bible, 1982 მეოთხე მეფეთა 6 Bible Online

მეოთხე მეფეთა 6 - ახალი ქართულით, Modern Georgian Bible, 1982 bible

მეოთხე მეფეთა 6

¹უთხრა წინასწარმეტყველთა გუნდმა ელისეს: აჰა, გვევიწროება ეს ადგილი, სადაც შენ წინაშე ვცხოვრობთ.

²იორდანეზე ჩავალთ, თითო მორს ავიღებთ იქიდან და ავიშენებთ იქ სადგომს საცხოვრებლად. უთხრა: ჩადით.

³თქვა ერთმა: იქნებ შენც წამოგვყვე შენს მორჩილთ. მიუგო:წამოგყვებით.

⁴და წაჰყვა მათ. ჩავიდნენ იორდანეზე და შეუდგნენ ხის ჭრას.

⁵ძირს დასცა ერთმა მორი და წყალში ჩაუვარდა რკინა. იყვირა:ვაი, ბატონო! ნანათხოვარი იყო!

⁶თქვა ღვთისკაცმა: სად ჩავარდა? მანაც უჩვენა ადგილი.მოჭრა ხე, ისროლა იქითკენ და ამოტივტივდა რკინა.

⁷თქვა: ამოიღე. მანაც გაიწოდა ხელი და აიღო.

⁸ებრძოდა არამის მეფე ისრაელს და თათბირობდა თავისმორჩილებთან, ამა და ამ ადგილზე დავბანაკდეთო.

⁹შეუთვალა ღვთისკაცმა ისრაელის მეფეს. მოერიდე ამ ადგილზე გავლას, არამელები არიან შემოპარული.

¹⁰გზავნიდა ისრაელის მეფე ხალხს იმ ადგილას, რომელზეც ღვთისკაცი ეუბნებოდა და აფრთხილებდა. და არა ერთხელ და ორჯერ გადარჩენილა იქ.

¹¹შეაშფოთა არამის მეფე ამ ამბავმა, უხმო თავის მორჩილთ და ჰკითხა: არ მეტყვით, ვინ მიდი-მოდის ჩვენიანებიდან ისრაელის მეფესთან?

¹²თქვა ერთ-ერთმა მორჩილთაგან: არავინ, მეფე-ბატონო; ელისე, ისრაელის წინასწარმეტყველი, ატყობინებს ისრაელის. მეფეს ყოველ სიტყვას, რასაც შენს საძილე ოთახში ლაპარაკობ.

¹³თქვა: წადით, და გაიგეთ, სად არის იგი. ხალხს გავაგზავნიდა მოვაყვანინებ. შეატყობინეს, დოთანში არისო.

¹⁴გაგზავნა იქ ცხენები, ეტლები და დიდძალი ჯარი. მივიდნენღამით და ალყა შემოარტყეს ქალაქს.

¹⁵ადგა დილაადრიანად ღვთისკაცის მსახური, გამოვიდა გარეთდა, აჰა, ჯარია ქალაქის ირგვლივ, ცხენები და ეტლები. უთხრა ბატონისმსახურმა ბიჭმა: ვაი, ბატონო, რა გვეშველება?

¹⁶უთხრა: ნუ გეშინია, რადგან ჩვენ უფრო ბევრი გვყავს, ვიდრე მათ.

¹⁷ილოცა ელისემ და თქვა: უფალო! აუხილე თვალი, რომდაინახოს. აუხილა უფალმა თვალი მსახურ ბიჭს და მანაც დაინახა: აჰა, სავსეამთა ელისეს გარშემო ცხენებითა და ცეცხლოვანი ეტლებით.

¹⁸ჩავიდნენ მასთან არამელები. ილოცა ელისემ უფლისადმი დათქვა: დააბრმავე ეს ხალხი! და დააბრმავა ისინი ელისეს სიტყვისამებრ.

¹⁹უთხრა მათ ელისემ: აქ არ არის გზა და არც ქალაქი.წამომყევით და მიგიყვანთ იმ კაცთან, ვისაც ეძებთ. და წაუძღვა სამარიამდე.

²⁰როცა სამარიაში მივიდნენ, თქვა ელისემ: უფალო! აუხილეთვალი ამათ. აუხილა უფალმა მათ თვალი და დაინახეს, რომ სამარიაში არიან.

²¹უთხრა ისრაელის მეფემ ელისეს, როცა დაინახა ისინი:დავხოცო, დავხოცო, მამაო?

²²უთხრა: არ დახოცო. შენი მახვილით და მშვილდით ხომ არდაგიტყვევებია, რომ შენ ამოხოცო? მიეცი პური და წყალი; ჭამონ და სვან, დათავიანთ ბატონთან წავიდნენ.

²³გაუმართა დიდი პურობა. მათაც ჭამეს, სვეს და თავიანთ ბატონთან წავიდნენ. ამის მეტად აღარ შემოსულან სათარეშოდ ისრაელის ქვეყანაში არამელები.

²⁴ამის შემდეგ შეკრიბა ბენ-ჰადადმა, არამის მეფემ, მთელითავისი ლაშქარი, წამოვიდა და შემოადგა სამარიას.

²⁵დიდი შიმშილობა იყო სამარიაში, სანამ ალყა ჰქონდაშემორტყმული; სახედრის თავი ოთხმოც ვერცხლად გადიოდა, ხოლო კაბის მეოთხედიმტრედის სკორე - ხუთ ვერცხლად.

²⁶გაიარა ერთხელ ისრაელის მეფემ გალავანზე და შეჰბღავლაერთმა ქალმა: მიშველე, მეფე-ბატონო!

²⁷უთხრა: თუ უფალმა ვერ გიშველა, მე საიდან გიშველო?კალოდან თუ საწნახელიდან?

²⁸ჰკითხა ქალს მეფემ: რა მოგივიდა? მიუგო: ამ ქალმა მითხრა:მოიტა, დღეს შენი შვილი შევჭამოთ, ხვალ ჩემიო.

²⁹მოვხარშეთ ჩემი შვილი და შევჭამეთ. ვუთხარი მეორე დღეს:მოიტა, ახლა შენი შვილი შევჭამოთ-მეთქი. მან კი გადამალა თავისი შვილი.

³⁰როცა გაიგონა მეფემ ქალის ნათქვამი, შემოიხია სამოსელი დაგალავანზე გავიდა. დაინახა ხალხმა, რომ ჯვალო ემოსა შიშველ ხორცზე.

³¹თქვა: ასე და ასე მიყოს ღმერთმა და უარესიც დამმართოს, თუთავი შერჩეს მხრებზე საღამომდე ელისე შაფატის ძეს.

³²ხოლო ელისე იჯდა თავის სახლში და უხუცესები გვერდითუსხდნენ. გააგზავნა მეფემ თავისგან კაცი. ვიდრე მოციქული მივიდოდა, ელისემუთხრა უხუცესებს: ხედავთ, კაცს მიგზავნის მკვლელის შვილი, რომ თავიმომკვეთოს? იცოდეთ, როცა მოციქული მოვა, ჩაკეტეთ კარი და მაგრად მიაწექითკარს, რომ ვერ შემოვიდეს. აჰა, მისი ბატონის ფეხის ხმაც ისმის მის უკან!

³³ვიდრე მათ ელაპარაკებოდა, აჰა, მოვიდა მოციქულიც. და თქვაელისემ: აი, რა უბედურება დაგვატეხა უფალმა! რაღას უნდა მოველოდე უფლისგან.