Read ახალი ქართულით, Modern Georgian Bible, 1982 მეოთხე მეფეთა 7 Bible Online

მეოთხე მეფეთა 7 - ახალი ქართულით, Modern Georgian Bible, 1982 bible

მეოთხე მეფეთა 7

¹1. თქვა ელისემ: ისმინეთ უფლის სიტყვა. ასე ამბობს უფალი: ხვალ ამ დროს ერთი სეა გამტკიცული ფქვილი ერთი შეკელი ეღირება, ორი სეა ქერიც - ერთი შეკელი სამარიის კარიბჭესთან.

²მიუგო ღვთისკაცს კარისკაცმა, რომლის მკლავს ეყრდნობოდა მეფე, და უთხრა: აჰა, სარკმელებიც რომ გააკეთოს უფალმა ცაზე, განა მოხდება ასეთი ამბავი? თქვა ღვთისკაცმა: აჰა: შენი თვალით იხილავ, მაგრამ ჭამით ვერ შეჭამ.

³ოთხი კეთროვანი იჯდა კარიბჭის შესასვლელთან და ეუბნებოდაერთმანეთს: რისთვის ვსხედვართ აქ და ველოდებით სიკვდილს?

⁴თუ ქალაქში წასვლას დავაპირებთ, შიმშილობაა ქალაქში და იქდავიხოცებით. თუ აქ დავრჩებით, მაინც დავიხოცებით. მოდით, ავდგეთ დაარამელთა ბანაკში ჩავიდეთ. თუ ცოცხალი დაგვტოვეს, ხომ კარგი; თუ დაგვხოცეს,დავიხოცოთ.

⁵ადგნენ ბინდბუნდში, რომ არამელთა ბანაკში წასულიყვნენ.მიადგნენ არამელთა ბანაკს და, აჰა, კაციშვილი არ იყო იქ.

⁶უფალს ჩაუსმენია არამელთა ბანაკისთვის ეტლებისა დაცხენების ხმაური და დიდძალი ჯარის ყიჟინა. უთქვამთ ერთმანეთისთვის: ჩვენსწინააღმდეგ დაიქირავა ალბათ ისრაელის მეფემ ხეთელთა და ეგვიპტელთა მეფეებიდა დაგვესხნენ თავს.

⁷ამდგარან და გაქცეულან დილის ბინდბუნდში, მიუგოვებიათკარვები, ცხენები და სახედრები, მთელი ბანაკი ხელუხლებლად, და გაქცეულანთავის გადასარჩენად.

⁸მიადგნენ ეს კეთროვანები ბანაკის კიდეს და შევიდნენ ერთკარავში. ჭამეს, სვეს, აიღეს იქიდან ოქრო-ვერცხლი და ტანისამოსი, წამოიღესდა დამალეს. მობრუნდნენ, სხვა კარავში შევიდნენ, იქიდანაც წამოიღეს დადამალეს.

⁹უთხრეს ერთმანეთს: ასე არ უნდა ვიქცეოდეთ. ეს დღე ხარების დღეა. თუ გავჩუმდით და დილამდე ვიცადეთ, ბრალს დაგვდებენ. წამო, წავიდეთ და მეფის სახლს შევატყობინოთ.

¹⁰მივიდნენ, გამოიძახეს კარიბჭის მცველი და უამბეს: არამელთა ბანაკში მივედით, კაციშვილი არ იყო იქ, ადამიანის ხმა არ ისმოდა, მხოლოდ ცხენები და სახედრები დაგვხვდა დაბმული და კარვები ხელუხლებლად.

¹¹დაუძახა მცველებს და მათაც მიიტანეს ამბავი მეფის სახლში.

¹²ადგა ღამით მეფე და უთხრა თავის მორჩილთ: გეტყვით, რას გვიპირებენ არამელები. იციან, რომ ვშიმშილობთ. ბანაკიდან გავიდნენ, რომ ველზე ჩაგვისაფრდნენ; ფიქრობენ, ქალაქიდან გავალთ თუ არა, ცოცხლად შეგვიპყრან და ქალაქში შემოიჭრან.

¹³მიუგო ერთმა მორჩილთაგანმა და თქვა: გამოიყვანონ ხუთიცხენი ქალაქში დარჩენილთაგან (აჰა, ისინი იქნებიან მთელი ისრაელისსიმრავლესავით, ქალაქში რომ დარჩა; აჰა, იქნებიან მთელი ისრაელისსიმრავლესავით, რომელიც დაილია), გავგზავნით და ვნახოთ.

¹⁴გაიყვანეს ცხენიანი ორი ეტლი; გაგზავნა მეფემ არამელთალაშქრის კვალზე და დააბარა: წადით და ნახეთ.

¹⁵იორდანემდე მიჰყვნენ მათ და, რას ხედავენ, მთელი გზამოფენილია სამოსელითა და იარაღით, არამელებს რომ დაეყარათ ფაციფუცში.გამობრუნდნენ მოციქულები და მოახსენეს მეფეს.

¹⁶გამოეფინა ხალხი და გაძარცვეს არამელთა ბანაკი. ერთი სეა განმტკიცული ფქვილი ერთი შეკელი გახდა, ორი სეა ქერიც - ერთი შეკელი, უფლის სიტყვისამებრ.

¹⁷კარიბჭესთან დააყენა მეფემ კარისკაცი, რომლის მკლავსაცეყრდნობოდა. გათელა იგი ბრბომ კარიბჭეში და მოკვდა, როგორც ნათქვამი ჰქონდაღვთისკაცს, როცა მასთან მივიდა მეფე.

¹⁸ასე უთხრა მაშინ ღვთისკაცმა მეფეს: ერთი სეა გამტკიცულიფქვილი ერთი შეკელი ეღირება, ორი სეა ქერიც - ერთი შეკელი, ხვალ ამ დროსსამარიის კარიბჭესთან.

¹⁹მაშინ მიუგო კარისკაცმა ღვთისკაცს და უთხრა: აჰა,სარკმლებიც რომ გააკეთოს უფალმა ცაზე, განა მოხდება ასეთი ამბავი?ღვთისკაცმა თქვა: შენი თვალით იხილავ, ჭამით კი ვერ შეჭამ.

²⁰ასეც აუხდა. გათელა იგი ბრბომ კარიბჭეში და მოკვდა.