Read ახალი ქართულით, Modern Georgian Bible, 1982 მეოთხე მეფეთა 8 Bible Online

მეოთხე მეფეთა 8 - ახალი ქართულით, Modern Georgian Bible, 1982 bible

მეოთხე მეფეთა 8

¹ასე უთხრა ელისემ ქალს, შვილი რომ გაუცოცხლა: ადექი და წადი შენი სახლითურთ და დადექი სადმე მდგმურად, სადაც შეგეძლება, რადგან მოუხმო უფალმა შიმშილობას და მოვიდა კიდეც ქვეყანაზე შვიდი წლით.

²ადგა ის ქალი და ღვთისკაცის სიტყვისამებრ მოიქცა: წავიდა თავისი სახლითურთ და შვიდ წელიწადს მდგმურობდა ფილისტიმელთა ქვეყანაში.

³შვიდი წლის თავზე დაბრუნდა ეს ქალი ფილისტიმელთაქვეყნიდან, და მივიდა მეფესთან თავისი სახლკარისა და ყანის გამოსათხოვად.

⁴ამ დროს გეხაზის, ღვთისკაცის მსახურს ელაპარაკებოდა მეფედა ეუბნებოდა, მომიყევი ყველა დიდი საქმე, რაც ელისეს გაუკეთებია.

⁵ისიც უყვებოდა მეფეს, როგორ გააცოცხლა ელისემ მკვდარი დასწორედ მაშინ მივიდა მეფესთან ქალი, რომელსაც შვილი გაუცოცხლა, თავისისახლ-კარისა და ყანის სათხოვნელად. თქვა გეხაზიმ: მეფევ-ბატონო! ის ქალია!ამის შვილია, ელისემ რომ გააცოცხლა!

⁶გამოჰკითხა მეფემ ქალს და მანაც უამბო. მიუჩინა მას მეფემერთი კარისკაცი და უთხრა: დაუბრუნეთ მისი საბადებელი და მთელი მოსავალი იმდღიდან, რაც ქვეყანა მიატოვა, დღემდე.

⁷მივიდა ელისე დამასკოში, როცა ავად იყო ბენ-ჰადადი,არამის მეფე. მოახსენეს და უთხრეს, ღვთისკაციაო მოსული.

⁸უთხრა მეფემ ხაზაელს: აიღე ხელში ძღვენი და შეეგებეღვთისკაცს; უფალთან აკითხინე, განვიკურნები თუ არა ამ სენისგან?

⁹წავიდა ხაზაელი მისაგებებლად; ხელში აიღო ძღვენი და ყველაფერი, რაც საუკეთესო იყო დამასკოში, ორმოცი აქლემის ტვირთი; მივიდა, წარუდგა მას და თქვა: შენმა შვილმა ბენ-ჰადადმა, არამის მეფემ, გამომგზავნა შენთან საკითხავად, განვიკურნები თუ არა ამ სენისგანო?

¹⁰უთხრა ელისემ: წადი და უთხარი: განიკურნები-თქო. მაგრამ გამომიცხადა უფალმა, რომ მაინც მოკვდება.

¹¹გააშტერა ელისემ სახე და უყურებდა, ვიდრე არ შერცხვა მას. მერე ატირდა ღვთისკაცი.

¹²თქვა ხაზაელმა: რატომ სტირი, ბატონო? მიუგო: იმიტომ, რომ ვიცი, თუ რა ბოროტებას უზამ ისრაელიანებს: ცეცხლს მისცემ მათ ციხე-სიმაგრეებს, მახვილით ამოხოცავ მათ ჭაბუკებს, გასრეს მათ თოთო ბავშვებს და შუაზე გაკვეთ მათ ორსულ ქალებს.

¹³თქვა ხაზაელმა: ვინ ძაღლი გდია შენი მორჩილი, რომ ასეთიდიდი საქმე გააკეთოს? მიუგო ელისემ: შენი თავი მახილვინა უფალმა არამისმეფედ.

¹⁴წავიდა ელისესგან და მივიდა თავის ბატონთან. ჰკითხა: რაგითხრა ელისემ? თქვა: მითხრა, რომ გამოჯანმრთელდები.

¹⁵აიღო მეორე დღეს საბანი ხაზაელმა, წყალში დაასველა დასახეზე დაადო მას. მოკვდა ბენ-ჰადადი და გამეფდა მის ნაცვლად ხაზაელი.

¹⁶ისრაელის მეფის იორამ აქაბის ძის მეხუთე წელს, იუდას შვილის იოშაფატის შემდეგ გამეფდა იორამ იოშაფატის ძე, იუდას მეფე.

¹⁷ოცდათორმეტი წლისა იყო, როცა გამეფდა, და რვა წელი იმეფაიერუსალიმში.

¹⁸ისრაელის მეფეთა გზით დადიოდა იგი, როგორც იქცეოდა აქაბისსახლი, რადგან აქაბის ასული ჰყავდა ცოლად და უკუღმართად იქცეოდა უფლისთვალში.

¹⁹მაგრამ არ უნდოდა უფალს იუდას დაღუპვა დავითის, თავისიმორჩილის გამო, როგორც შეპირებული იყო, რომ მისცემდა ლამპარს მას და მისშთამომავალთ სამარადისოდ.

²⁰მის დროს განუდგა ედომი იუდას და დაისვეს მეფე.

²¹გაემართა იორამი ცაყირისკენ მთელი თავისი ეტლებითურთ, ადგა ღამით და სძლია ედომელებს, გარს რომ ეხვივნენ, და ეტლის მეთაურებს, მაგრამ გაიქცა ხალხი თავ-თავის კარვებში.

²²განუდგა ედომი იუდას და ასეა დღემდე. იმ ხანადვე განდგალიბნაც.

²³იორამის დანარჩენი საქმენი, ყველაფერი, რაც გაუკეთებია,იუდას მეფეთა მატიანეშია ჩაწერილი.

²⁴განისვენა იორამმა თავის მამა-პაპასთან და დაიმარხა თავისმამა-პაპის გვერდით დავითის ქალაქში. მის ნაცვლად მისი ძე ახაზია გამეფდა.

²⁵ისრაელის მეფის, იორამ აქაბის ძის მეთორმეტე წელს გამეფდაახაზია იორამის ძე, იუდას მეფე.

²⁶ოცდაორი წლისა იყო ახაზია, რომ გამეფდა, და ერთი წელიიმეფა იერუსალიმში. მისი დედა იყო ღოთოლია, ისრაელის მეფის, ყომრის ასული.

²⁷აქაბის სახლის გზით დადიოდა იგი და უკუღმართად იქცეოდაუფლის თვალში, როგორც აქაბის სახლი, რადგან აქაბის სახლის სიძე იყო.

²⁸წავიდა იორამ აქაბის ძე ხაზაელთან, არამის მეფესთანსაომრად გალაადის რამოთში და დაჭრეს არამელებმა იორამი.

²⁹მობრუნდა იორამ მეფე, რომ იზრეყელში ემკურნალაჭრილობისთვის, არამელებმა რომ მიაყენეს რამოთში, როცა ხაზაელს, არამისმეფეს, ეომებოდა. ჩამოვიდა ახაზია იორამის ძე, იუდას მეფე, იზრეყელში იორამაქაბის ძის სანახავად, რადგან ავად იყო იგი.