Read ახალი ქართულით, Modern Georgian Bible, 1982 მეოთხე მეფეთა 9 Bible Online

მეოთხე მეფეთა 9 - ახალი ქართულით, Modern Georgian Bible, 1982 bible

მეოთხე მეფეთა 9

¹მოუხმო ელისე წინასწარმეტყველმა ერთ-ერთ წანასწარმეტყველს და უთხრა: შეიბი სარტყელი წელზე, აიღე ეს ზეთის ჭურჭელი და წადი გალაადის რამოთს.

²მიხვალ და მოძებნი იქ იეჰუს, იოშაფატ ნიმშის ძის ძეს; მიხვალ და წამოაყენებ მისი ძმებისგან და უკანა ოთახში შეიყვან.

³აიღებ ზეთის ჭურჭელს და ზეთს დაასხამ თავზე. ეტყვი: ასეამბობს უფალი: მე გცხებ ისრაელის მეფედ. მერე კარს გააღებ, და დაუყოვნებლივგაიქცევი.

⁴წავიდა ყმაწვილი, წინასწარმეტყველის მსახური, გალაადისრამოთს.

⁵მივიდა და, აჰა, სხედან ჯარის სარდლები. უთხრა: სიტყვამაქვს შენთან, სარდალო. თქვა იეჰუმ: რომელთან ჩვენ შორის? მიუგო: შენთან,სარდალო.

⁶ადგა და შევიდა სახლში. გადაასხა ზეთი თავზე და ეთხრა:ასე ამბობს უფალი, ისრაელის ღმერთი: მე გცხებ უფლის ერის, ისრაელის მეფედ.

⁷შენ მოსპობ შენი ბატონის, აქაბის სახლს, რომ ავიღო ჩემსმორჩილთა, წინასწარმეტყველთა, სისხლი და უფლის ყველა მორჩილის სისხლიიზებელისგან.

⁸განადგურდება აქაბის მთელი სახლი, ამოვძირკვავ ვინც კიჰყავს აქაბს კედელთან მშარდავი - ყმა და აზატი ისრაელში.

⁹გადავაქცევ აქაბის სახლს იერობოამ ნაბატის ძის სხლად და ბაყაშა ახიას ძის სახლად.

¹⁰იზებელს ძაღლები შეჭამენ იზრეყელის ველზე და არავინ იქნება დამმარხველი. გააღო კარი და გაიქცა.

¹¹გავიდა იეჰუ თავისი ბატონის მორჩილებთან და უთხრეს: ხომ მშვიდობაა? რისთვის მოვიდა შენთან ეგ შეშლილი? მიუგო: თქვენ იცით მაგ კაციც და მისი ნალაპარაკევიც.

¹²თქვეს: ტყუილია. გვითხარი. თქვა. ასე და ასე მითხრა, ასე ამბობსო უფალი: მე გცხებ ისრაელის მეფედ.

¹³მყისვე დასტაცეს ხელი თავ-თავის მოსასხამებს და ხედსაფეხურებზე დაუფინეს; ბუკსა ჰკრეს და გამოაცხადეს: გამეფდა იეჰუ.

¹⁴შეთქმულება მოაწყო იეჰუმ, იოშაფატ ნიმშის ძის ძემ,იორამის წინააღმდეგ. ხოლო იორამი მთელ ისრაელთან ერთად არამის მეფეს,ხაზაელს, უდარაჯებდა გალაადის რამოთში.

¹⁵თავად იორამ მეფე უკან დაბრუნდა, რათა იზრეყელშიგანეკურნა ჭრილობები, არამელებმა რომ მიაყენეს ხაზაელ არამის მეფესთანბრძოლის დროს. თქვა იეჰუმ: თუ თანახმა ხართ, ნურავის გავუშვებთ ქალაქიდანიზრეყელში შესატყობინებლად.

¹⁶ამხედრდა იეჰუ და გასწია იზრეყელისკენ, რადგან იქ იწვა იორამი და იუდას მეფეც იქ იყო მისული იორმის სანახავად.

¹⁷ებგური იდგა კოშკზე იზრეყელში, დაინახა, იეჰუს ჯარი რომმოდიოდა, და თქვა: ჯარს ვხედავ. თქვა იორამმა: აიღე და გააგზავნე მხედარიმისაგებებლად, ჰკითხონ: ხომ მშვიდობაა-თქო.

¹⁸წავიდა მხედარი მისაგებებლად და უთხრა: ასე ამბობს მეფე:ხომ მშვიდობა არისო? მიუგო იეჰუმ: შენ ვინ გეკითხება მშვიდობას? უკანწამომყევი. შეატყობინა ებგურმა: მივიდა მათთან მოციქული და აღარ ბრუნდებაო.

¹⁹გაგზავნა მეორე მხედარი. ისიც მივიდა მათთან და თქვა: ასეამბობს მეფე: მშვიდობა არისო? თქვა იეჰუმ: შენ ვინ გეკითხება მშვიდობას?უკან წამომყევი.

²⁰შეატყობინა ებგურმა: მივიდა მათთან და აღარ ბრუნდება.ქცევით იეჰუ ნიმშის ძესა ჰგავს, რადგან გადარეულივით იქცევა.

²¹თქვა იორამმა: შემიკაზმეთ. შეუკაზმეს ეტლი და გავიდნენ იორამ ისრაელის მეფე და ახაზია იუდას მეფე თავ-თავისი ეტლებით. გავიდნენ იეჰუს შესახვედრად და შეეყარნენ მას ნაბოთ იზრეყელელის ნაკვეთზე.

²²როცა დაინახა იორამმა იეჰუ, უთხრა: ხომ მშვიდობაა, იეჰუ?მიუგო: რა მშვიდობა უნდა იყოს დედაშენის, იზებელის გარყვნილებისა და მისიამდენი ჯადოქრობის მერე?

²³უკან გატრიალდა იორამი და გაიქცა. უთხრა ახაზიას:ღალატია, ახაზია!

²⁴მოზიდა შვილდს იეჰუმ, ბეჭებს შორის დაჰკრა და გულსუწვდინა ისარი. ჩაიჩოქა თავის ეტლზე იორამმა.

²⁵უთხრა იეჰუმ ბიდეკარს, თავის მხლებელს: აიღე და გადააგდეიგი ნაბოთ იზრეყელელის ყანაში; გაიხსენე, წყვილად რომ მივყვებოდით უკანცხენდაცხენ მე და შენ მამამისს, აქაბს, და ეს განაჩენი რომ გამოუტანაუფალმა.

²⁶განა ნაბოთის და მისი შვილების სისხლი არ ვიხილე გუშინ?ამბობს უფალი. ამავე ყანაში მოგკითხავ სამაგიეროს, ამბობს უფალი. აიღე დაგადააგდე ყანაში უფლის სიტყვისამებრ.

²⁷ეს რომ დაინახა ახაზიამ, იუდას მეფემ, ბაალის სახლისკენგაიქცა. გაეკიდა იეჰუ და დაიძახა: მაგასაც დაჰკარით მისსავე ეტლზე. დაჰკრესმას გურის მაღლობზე, იბლეყამთან; მეგიდოში გაიქცა და იქ მოკვდა.

²⁸წაასვენეს მისმა მორჩილებმა იერუსალიმს და დამარხეს იგითავის სამარხში მამა-პაპის გვერდით, დავითის ქალაქში.

²⁹იორამ აქაბის მეთერთმეტე წელს გამეფდა ახაზია იუდაში.

³⁰მივიდა იეჰუ იზრეყელში და როცა მოესმა ამბავი იზებელს,საოლავი წაისვა თვალებზე, თავი გაილამაზა და გაიხედა სარკმელში.

³¹შევიდა თუ არა იეჰუ კარიბჭეში, ჰკითხა იზებელმა: ხომ მშვიდობაა, ზიმრი, საკუთარი ბატონის მკვლელო?

³²აჰხედა იეჰუმ სარკმელს და დაიძახა: ვინ არის ჩემსმხარეზე, ვინ? და გადმოხედა მას ორმა-სამმა კარისკაცმა.

³³უთხრა: გადმოაგდეთ! გადმოაგდეს და მიესხა მისი სისხლიკედელს და ცხენებს, და გადათელეს იგი.

³⁴მივიდა, ჭამა და სვა, თქვა: მოძებნეთ ის შეჩვენებული დადამარხეთ, რადგან მეფის ასულია.

³⁵წავიდნენ მის დასამარხავად, მაგრამ ვერაფერი ნახესმისგან, თავისქალისა და ხელ-ფეხის მეტი.

³⁶დაბრუნდნენ და მოახსენეს. თქვა იეჰუმ: ასეთი იყო უფლისსიტყვა, რომელიც გამოაცხადა მან თავისი მორჩილის, ელია თიშბელის პირით:იზრეყელის ველზე შეჭამენო ძაღლები იზებელს.

³⁷იქნება იზებელის გვამი, როგორც ნეხვი ყანაში, იზრეყელისველზე, რომ ვერავინ თქვასო: აი, ეს არის იზებელი.