Read ახალი ქართულით, Modern Georgian Bible, 1982 პირველი ნეშტთა 15 Bible Online

პირველი ნეშტთა 15 - ახალი ქართულით, Modern Georgian Bible, 1982 bible

პირველი ნეშტთა 15

¹აიშენა მან სახლები დავითის ქალაქში, ადგილი მოამზადა ღვთის კიდობნისთვის და კარავი გაშალა.

²მაშინ თქვა დავითმა: ლევიანთა გარდა არავინ ზიდოს კიდობანი, რადგან ისინი ამოირჩია უფალმა ღვთის კიდობნის სატარებლად და სამარადისო მსახურებად.

³შეყარა დავითმა მთელი ისრაელი იერუსალიმში, რომდაესვენებინათ უფლის კიდობანი იმ ადგილზე, რომელიც მისთვის იყოგამზადებული.

⁴შეყარა დავითმა აარონიანები და ლევიანები.

⁵კეჰათიანთაგან: სარდალი ურიელი და მისი მოძმენი - ასოციკაცი.

⁶მერარიანთაგან: სარდალი ყასაია და მისი მოძმენი - ორასიკაცი.

⁷გერშომიანთაგან: სარდალი იოელი და მისი ძმები - ასოცდაათიკაცი.

⁸ელიცაფანიანთაგან: სარდალი შემაყია და მისი მოძმენი -ორასნი.

⁹ხებრონიანთაგან: სარდალი ელიელი და მისი მოძმე - წინწილებს ახმიანებდნენ.

¹⁰ყუზიელიანთაგან: სარდალი ყამინადაბი და მისი მოძმენი -თორმეტნი.

¹¹მოუხმო დავითმა ცადოკსა და აბიათარს, მღვდლებსა და ლევიანებს - ურიელს, ყასაიას, იოელს, შემაყიას, ელიელს, ყამინადაბს

¹²და უთხრა: თქვენა ხართ ლევიანთა მამისსახლების თავკაცები. განიწმიდენით თქვენ და თქვენი მოძმენი და დაასვენეთ უფლის, ისრაელის ღმერთის კიდობანი მისთვის მომზადებულ ადგილას.

¹³რაკი უწინ ამას არ ასრულებდით, უფალმა, ჩვენმა ღმერთმა,შეგვმუსრა, რადგან წესისამებრ არ ვეკითხბოდით მას.

¹⁴განიწმიდნენ მღვდლები და ლევიანები, რათა აეწიათ უფლის,ისრაელის ღმერთის კიდობანი.

¹⁵ასწიეს ლევიანებმა ღვთის კიდობანი და, როგორც მოსესჰქონდა ნაბრძანები უფლის სიტყვისამებრ, კეტებით მხრებზე შეიდგეს.

¹⁶დავითმა ლევიანთა მთავრებს უბრძანა, რომ მათი ძმებიდაეყენებინათ მგალობლებად საკრავი იარაღებით, ბობღნებით, ქნარებით,წინწილებით, რათა სიხარულის ხმები გამოეცათ.

¹⁷ლევიანებმა დააყენეს: ჰიმან იოელის ძე, მის მოძმეთაგანასაფ ბერექიაჰუს ძე, ხოლო მათი მოძმეების, მერარის ძეთაგან ეთან კუშიაჰუსძე.

¹⁸მათთან ერთად მათი მოძმენი, მეორეხარისხისანი: ზაქარიაჰუ,ბენი, იაყაზიელი, შემირამოთი, იეხიელი, ყუზი, ელიაბი, ბენიაჰუ, მაყასიაჰუ,მათითიაჰუ, ელიფელეჰუ, მიკნეჰუ, ყობედ-ედომი, იეყიელი - კარისმცველნი.

¹⁹მგალობელნი: ჰემანი, ასაფი და ეთანი სპილენძის წინწილებსახმიანებდნენ.

²⁰ხოლო ზაქარია, ყაზიელი, შემირამოთი, იეხიელი, ყუნი,ელიაბი, მაყასიაჰუ და ბენიაჰუ ქნარს ქალწულურ ჰანგზე.

²¹მათითიაჰუ, ელეფელეჰუ, მიკნეიაჰუ, ყობედ-ედომი, იეყიელი, ყაზაზიაჰუ ებნებს, რვა სიმიანს, სალოტბაროდ.

²²ქენანიაჰუ, ლევიანთა მთავარი, სახიობის ხელმძღვანელადგანაწესეს, ვინაიდან მცოდნე იყო.

²³ბერექია და ელკანა კიდობნის კარისმცველები იყვნენ.

²⁴მღვდლები შებანიაჰუ, იოშაფატი, ნეთანელი, ყამასა,ზაქარიაჰუ, ბენიაჰუ და ელიყაზარი საყვირს უკრავდნენ ღვთის კიდობნის წინაშე.ყობედ-ედომი და იხია კი კიდობნის კარისმცველნი იყვნენ.

²⁵და გაემართნენ დავითი, ისრაელის უხუცესობა დაათასისთავები სიხარულით უფლის აღთქმის კიდობნის წამოსაბრძანებლადყობედ-ედომის კარ-მიდამოდან.

²⁶ღვთის შეწევნით, იყო, რომ გადააბრძანეს ლევიანებმა უფლისაღთქმის კიდობანი და შვიდი ხარი და შვიდი ცხვარი შესწირეს.

²⁷დავითს ბისონის მოსასხამი ემოსა, ასევე ყველა ლევიანს,კიდობანს რომ მიაბრძანებდნენ, მგალობლებს და ქენანიას, მგალობელთა ლოტბარს.დავითს ამასთან ერთად სელის ეფოდიც ემოსა.

²⁸მთელი ისრაელი მიაცილებდა უფლის აღთქმის კიდობანსყიჟინით, ბუკის ცემით, საყვირების, წინწიღების, ბობღნებისა და ქნარებისდაკვრით.

²⁹როცა უფლის აღთქმის კიდობანმა დავითის ქალაქს მიაღწია,სარკმლიდან გამოიხედა საულის ასულმა მიქალმა და დაინახა მოხტუნავე დამროკველი მეფე დავითი და დასცინა მას თავის გულში.