Read ახალი ქართულით, Modern Georgian Bible, 1982 პირველი ნეშტთა 19 Bible Online

პირველი ნეშტთა 19 - ახალი ქართულით, Modern Georgian Bible, 1982 bible

პირველი ნეშტთა 19

¹ამის შემდეგ იყო, რომ მოკვდა ყამონიანთა მეფე ნახაშ ყამონის ძე და გამეფდა მისი ძე მის ნაცვლად.

²თქვა დავითმა: წყალობას ვუყოფ ხანუნ ნახაშის ძეს, როგორც მამამისი მწყალობდა. და გაგზავნა დავითმა მოციქულები სანუგეშებლად მამის გამო. მივიდნენ დავითის მორჩილნი ყამონიანთა ქვეყანაში.

³უთხრეს ყამონიანთა მთავრებმა ხანუნს: ნუთუ მამაშენისპატივისცემის გამო გიგზავნის დავითი ნუგეშისმცემლებს? იქნებ იმისთვისგამოგზავნა დავითმა თავისი მორჩილნი, რომ დაზვეროს ქვეყანა,მიათვალ-მოათვალიეროს და მერე დააქციოს?

⁴შეიპყრო ხანუნმა დავითის მორჩილნი და ნახევარი წვერიმოპარსა, წელამდე შემოაჭრა ნახევარი სამოსელი და გაისტუმრა.

⁵და წავიდნენ. შეატყობინეს დავითს ამ კაცების ამბავი.გაგზავნა კაცები მათ შესაგებებლად, რადგან ძალზე შეურაცხყოფილნი იყვნენ.უთხრა მეფემ: იერიქონში დარჩით, ვიდრე წვერი მოგეზრდებოდეთ და მერედაბრუნდით.

⁶დაინახეს ყამონიანებმა, რომ თავი შეაძულეს დავითს.გაგზავნეს ხანუნმა და ყამონიანებმა ათასი ქანქარი ვერცხლი ეტლებისა დამხედრების დასაქირავებლად შუამდინარელი არამელებისგან და მაყაქასა და ცობასარამელებისგან.

⁷იქირავეს ოცდათორმეტი ათასი ეტლი და მაყაქას მეფე თავისიხალხით. მოვიდნენ და მედიბას წინ დაბანაკდნენ. ყამონიანები კი ერთადშეიყარნენ და საომრად გამოემართნენ.

⁸შეიტყო ეს დავითმა და გაგზავნა იოაბი უმამაცესთა მთელილაშქრითურთ.

⁹გამოვიდნენ ყამონიანები და გაეწყვნენ საბრძოლველად ქალაქის კარიბჭესთან. ხოლო ის მეფენი, რომელნიც მოვიდნენ, ცალ-ცალკე დადგნენ მინდორში.

¹⁰როცა იოაბმა დაინახა, რომ მტერი წინიდან და ზურგიდან იყომისკენ მიმართული, გამოარჩია ისრაელიანებში ურჩეულესნი და დააწყო არამელთაწინააღმდეგ.

¹¹დანარჩენი ხალხი თავის ძმას, აბეშაის ჩააბარა და მანაც დააწყო იგი ყამონიანთა წინააღმდეგ.

¹²თქვა: თუ არამელები შენ გძლევენ, მე მოვალ შენს მოსაშველებლად.

¹³გამაგრდი და მტკიცედ იდექი ჩვენი სალხისათვის და ჩვენიუფლის, ჩვენი ღმერთის ქალაქებისათვის. უფალმა ქმნას, რაც ენებოს.

¹⁴გავიდნენ იოაბი და მისი ხალხი არამელებთან საბრძოლველადდა უკუიქცნენ არამელები.

¹⁵როცა ყამონიანებმა დაინახეს, რომ გარბოდნენ არამელები,თავადაც გაექცნენ აბეშაის და ქალაქში შეცვივდნენ. იოაბი გაეცალაყამონიანებს და მივიდა იერუსალიმში.

¹⁶დაინახეს არამელებმა, რომ მარცხდებიან ისრაელთან, კაცებიგაუგზავნეს მდინარისგაღმელ არამელებს და გადმოიყვანეს. მათ წინამძღოლობდაჰადარყეზერის სარდალი შოფეხი.

¹⁷შეატყობინეს ეს დავითს და მანაც შეყარა მთელი ისრაელი,გადალახა იორდანე, მივიდა მათთან და გაეწყო მათ წინააღმდეგ. ბრძოლაგაუმართა დავითმა არამელებს და ისინიც შეებნენ მას.

¹⁸გაექცნენ არამელები ისრაელს. დავითმა არამელებს დაუხოცაშვიდი ათასი ეტლოსანი და ორმოცი ათასი ქვეითი. მათი სარდალი შოფეხიც მოკლულიქნა.

¹⁹როცა ჰადარყეზერის მორჩილთა დაინახეს, რომ მარცხდებოდნენისრაელთან, დაეზავნენ დავითს და დაემორჩილნენ. ვეღარ გაბედეს არამელებმაყამონიანთა დახმარება.