Read ახალი ქართულით, Modern Georgian Bible, 1982 პირველი ნეშტთა 20 Bible Online

პირველი ნეშტთა 20 - ახალი ქართულით, Modern Georgian Bible, 1982 bible

პირველი ნეშტთა 20

¹წლის შემოქცევისას, მეფეთა გამოსვლის ჟამს, იოაბი წინ წაუძღვა ლაშქარს და გაანადგურა ყამონიანთა ქვეყანა, მივიდა და რაბას შემოადგა. დავითი კი იერუსალიმში დარჩა. აიღო იოაბმა რაბა და დაანგრია.

²დავითმა მათ მეფეს გვირგვინი მოხადა, ნახა რომ ერთი ტალანტი ოქროს წონისა იყო და ძვირფასი ქვებით იყო მოოჭვილი, და თავზე დაირქვა იგი. აურაცხელი ნადავლი წამოიღო დავითმა ქალაქიდან.

³გამოიყვანა იქ მყოფი ხალხი და იწყო მათი ხერხით ხერხვა დარკინის კბილებითა და რკინის ცულებით ხოცვა. ასე მოექცა დავითი ყამონიანთაქალაქს და დაბრუნდა დავითი თავისი ხალხითურთ იერუსალიმში.

⁴ამის შემდეგ იყო, რომ ფილისტიმელებთან ომი ატყდა გეზერში.მაშინ სიბქაი ხუშათელმა მოკლა სიფაი, რაფას ერთ-ერთი ვაჟი და დაზავდნენ.

⁵კვლავ ატყდა ფილისტიმელებთან ომი. მაშინ ელხანან იაყირისძემ დაამარცხა ლახმი, გოლიათის ძმა, რომლის შუბის ტარი მქსოველთალილვისოდენა იყო.

⁶კვლავ ატყდა ომი გეთში. იყო უზარმაზარი კაცი, რომელსაცხელ-ფეხზე ექვს-ექვსი თითი ება - სულ ოცდაოთხი. ისიც რაფას ნაშიერი იყო.

⁷დასცინოდა ისრაელს, მაგრამ განგმირა იგი იონათან მიმყასძემ - დავითის ძმისწულმა.

⁸რაფას გათში ესენი შეეძინნენ და ყველანი დავითისა და მისიმორჩილთა ხელით დაეცნენ.