Read ახალი ქართულით, Modern Georgian Bible, 1982 პირველი ნეშტთა 22 Bible Online

პირველი ნეშტთა 22 - ახალი ქართულით, Modern Georgian Bible, 1982 bible

პირველი ნეშტთა 22

¹თქვა დავითმა: აჰა, უფლის, ღვთის სახლი და აღსავლენის სამსხვერპლო ისრაელისათვის.

²ბრძანება გასცა დავითმა, რომ თავი მოეყარათ ხიზნებისათვის, რომელნიც ისრაელის ქვეყნად იყვნენ, და განაწესა ისინი ქვისმთლელებად, რომ ღვთის სახლის ასაშენებლად ქვები დაეთალათ.

³დავითმა დიდძალი რკინა გაიღო კარიბჭის ლურსმებისა დაკაუჭების დასამზადებლად. ხოლო დახარჯულ სპილენძს ხომ წონა არ ჰქონდა.

⁴არც კედარის ძელებს ჰქონდა თვლა, რადგან ციდონელებსა დატვიროსელებს მოჰქონდათ დავითისთვის.

⁵თქვა დავითმა: ჩემი ძე სოლომონი ყმაწვილია და სუსტი,უფლისთვის ასაშენებელი სახლი კი ყველაზე დიდებული, სახელგანთქმული დამშვენიერი უნდა იყოს მთელ ქვეყანაზე. ამიტომ ყველაფერს გავუმზადებ მას.სიკვდილის წინ დავითმა მოამარაგა იგი.

⁶დაუძახა თავის ძეს, სოლომონს, და უფლისთვის, ისრაელისღმერთისთვის, სახლის აგება უანდერძა.

⁷უთხრა დავითმა თავის ძეს, სოლომონს: შვილო, გულით მეწადაუფლის, ღმერთის სახელისთვის სახლი ამეგო.

⁸და იყო უფლის სიტყვა ჩემს მიმართ თქმული: ბევრი სისხლიგაქვს დაღვრილი და დიდი ომები გაქვს გადახდილი, ამიტომ შენ არ ააშენებ ჩემსსახელზე სახლს, რადგან ბევრი სისხლი დაღვარე ქვეყნად ჩემს წინაშე.

⁹აჰა, ძე შეგეძინება და მშვიდი კაცი იქნება. ყველამტრისაგან მოვასვენებ, ვინაიდან სოლომონი იქნება მისი სახელი და მისდღეებში მშვიდობას მივცემ ისრაელს.

¹⁰ის ააშენებს სახლს ჩემს სახელზე, ის იქნება ჩემთვის ძე დამე ვიქნები მისთვის მამა, მის სამეფო ტახტს სამარადისოდ განვამტკიცებისრაელში.

¹¹ახლა კი, შვილო ჩემო, უფალი იყოს შენთან, რათა ხელი მოგემართოს და უფლის, ღმერთის სახლი ააშენო, როგორც თქვა შენზე.

¹²უფალმა მოგცეს აზრი და გონიერება და დაგაყენოს ისრაელზეუფლის, ღმერთის რჯულის დასაცავად.

¹³მაშინ იქნები წარმატებული, თუ იმ წესებსა და კანონებსდაიცავ, რომელნიც მოსეს უბრძანა უფალმა ისრაელისთვის. მტკიცედ დეგ დაგამაგრდი, ნუ შიშობ და ნუ თრთი.

¹⁴აჰა, ჩემს სიღარიბეში უფლის სახლისათვის მოვიმარაგეასიათასი ქანქარი ოქრო, ათასი ათასი ქანქარი ვერცხლი, სპილენძსა და რკინასწონა არა აქვს, რადგან უამრავია. ხე-ტყე და ქვაც მოვიმარაგე, მაგრამ შენცშეგიძლია მიუმატო.

¹⁵ბევრი ხელოსანი მყავს: ტყისმჭრელები, ქვისმთლელები,ხუროები და ყველანაირი ხელობის მცოდნენი.

¹⁶ოქროს, ვერცხლს, სპილენძს თვლა არა აქვს. ახლა ადექი დასაქმეს შეუდექი და უფალი შენთან იქნება.

¹⁷ბრძანა დავითმა, რომ ისრაელის ყველა მთავარი მიხმარებოდამის ძეს, სოლომონს.

¹⁸განა თქვენთან არ არის უფალი ღმერთი? განა მან არ მოგცათირგვლივ მშვიდობა? მან ჩემს ხელში აყარა ამ ქვეყნის მკვიდრნი და დამორჩილდაეს ქვეყანა უფლისა და მისი ერის წინაშე.

¹⁹ახლა კი გაუხსენით თქვენი გული და სული უფალს, თქვენსღმერთს. ადექით და დაიწყეთა უფლის, ღმერთის საწმიდრის მშენებლობა, რათაუფლის აღთქმის კიდობანი და ღვთის ჭურჭლეული უფლის სახელზე აგებულ სახლშიგადააბრძანოთ.