Read ახალი ქართულით, Modern Georgian Bible, 1982 პირველი ნეშტთა 29 Bible Online

პირველი ნეშტთა 29 - ახალი ქართულით, Modern Georgian Bible, 1982 bible

პირველი ნეშტთა 29

¹უთხრა დავით მეფემ მთელ კრებულს: სოლომონი, ჩემი ძე, რომელიც უფალმა ამოირჩია, ნორჩია და სუსტი, ეს საქმე კი ძალზე დიდია, რადგან ეს შენობა კაცისთვის კი არ არის, არამედ უფლისთვის, ღვთისთვის.

²რაც კი შემეძლო ყველაფერი მოვამზადე უფლის სახლისთვის: ოქრო ოქროს ნივთებისთვის, ვერცხლი ვერცხლის ნაკეთობებისთვის, სპილენძი სპილენძისთვის, რკინა რკინეულისთვის, ხე-ტყე ხე-ტყის მასალისთვის, აგრეთვე ონიქსის ქვები, ბუდეებში ჩასმული ქვები, ლამაზი და ფერად-ფერადი ქვები, ყველანაირი ძვირფასი ქვები და მარმარილოს ლოდები უამრავი.

³ამასთან ერთად, ჩემი უფლის სახლის სიყვარულის გამო, მაქვსოქროსა და ვერცხლის საუნჯე, რომელსაც ღვთის სახლს ვწირავ, ყოველივე იმისგარდა, რაც წმიდა სახლისთვის მაქვს მომზადებული.

⁴სამიათასი ქანქარი ოქრო, ოფირის ოქრო, შვიდი ათასიქანქარი გადამდნარი ვერცხლი, სახლის კედლების მოსაპირკეთებლად,

⁵ოქროს ნივთებისთვის, ვერცხლის ნაკეთობებისთვის, ყველასაოქროჭმედლო საქმისთვის. კიდევ ვინ შესწირავს დღეს უფალს სავსე ხელით?

⁶გაიღეს შესაწირავი მამისსახლთა მთავრებმა, ისრაელის შტოთამთავრებმა, ათასისთავებმა, ასისთავებმა და მეფის მოურავებმა.

⁷და გამოიღეს უფლის სახლის სამსახურისთვის ხუთი ათასიქანქარი ოქრო, ათი ათასი დრამა, ათი ათასი ქანქარი ვერცხლი, თვრამეტი ათასიქანქარი სპილენძი, ასი ათასი ქანქარი რკინა.

⁸ვისაც კი ქვები აღმოაჩნდა უფლის სახლის საგანძურისთვის,იეხიელ გერშუნელს ჩააბარეს.

⁹ხალხი ხარობდა შესაწირავის გამო, რადგან სრული გულითსწირავდნენ უფალს. ასევე მეფე დავითიც დიდი სიხარულით ხარობდა.

¹⁰აკურთხა დავითმა უფალი მთელი კრებულის თვალწინ და თქვადავითმა: კურთხეულ ხარ, უფალო, ისრაელისა და ჩვენი მამა-პაპის ღმერთო,უკუნითი უკუნისამდე.

¹¹შენია, უფალო, დიდება, ძლიერება, ქება, ძლევა და დიდებულება, ისევე როგორც ყოველივე ცაზე და ქვეყანაზე. შენია უფალო, მეფობა, ყველაზე აღმატებული ხარ მთავრად.

¹²სიმდიდრე და დიდება შენგან მოდის, შენ განაგებ ყოველივეს,შენს ხელშია ძალა და ძლიერება, შენს ხელშია ყოველივეს განდიდება დაგანმტკიცება.

¹³აწ გაქებთ შენ, ღმერთო ჩვენო, და ვადიდებთ შენს დიდებულსახელს.

¹⁴ვინა ვარ მე, ან ვინ არის ჩემი ერი, ამდენის შემოწირვარომ შევიძელით? რადგან ყოველივე ეს შენგან არის, ეს ყოველივე შენი ხელითმოცემული შემოგწირეთ.

¹⁵ვინაიდან მდგმურნი და ხიზანნი ვართ შენს წინაშე, ჩვენიმამა-პაპის მსგავსად. აჩრდილივით არის ჩვენი დღენი ამ ქვეყნად, არაფერიასაიმედო.

¹⁶უფალო, ღმერთო ჩემო! მთელი სიმდიდრე, რაც ჩვენმოვამზადეთ, შენს წმიდა სახელზე სახლის ასაგებად, შენი ხელით არის მოცემულიდა შენია ყოველი.

¹⁷ღმერთო ჩემო, ვიცი, რომ გულთამხილველი დასიმართლისმოყვარული ხარ. ეს აყველაფერი ჩემი წრფელი გულით შემოგწირე. ახლაკი გახარებულს ვხედავ აქ მყოფ შენს ერს, რომელიც შესაწირავს გიძღვნის.

¹⁸უფალო, ღმერთო აბრაამისა, ისაკისა, ისრაელისა და ჩვენიმამა-პაპისა! სამარადისოდ დაიცავი ეს, შენი ერის გულის ფიქრები და ზრახვანიდა შენსკენ წარმართე მათი გულები.

¹⁹და სოლომონს, ჩემს ძეს, მიეცი სრული გული, რომ დაიცვასშენი მცნებები, შენი წესები და კანონები, რათა ყველაფერი გააკეთოს იმშენობის ასაგებად, რომლისთვისაც მე მოვამზადე.

²⁰უთხრა დავითმა მთელ კრებულს: აკურთხეთ უფალი, ღმერთითქვენი! და აკურთხა მთელმა კრებულმა უფალი, თავისი მამა-პაპის ღმერთი,დაეცნენ და თაყვანი სცეს უფალს და მეფეს.

²¹მეორე დღეს შესწირეს უფალს მსხვერპლები და აღსავლენი აღუვლინეს უფალს: ათასი კურატი, ათასი ცხვარი, ათასი კრავი, თავისი საღვრელითურთ, და უამრავი მსხვერპლი მთელი ისრაელისათვის.

²²იმ დღეს დიდი სიხარულით ჭამდნენ და სვამდნენ უფლისწინაშე. მეორე დღეს კი სოლომონ დავითის ძე გაამეფეს, უფლის წინაშე იგიწინამძღოლად სცხეს. ხოლო ცადოკი - მღვდლად.

²³დაჯდა სოლომონი საუფლო ტახტზე მეფედ დავითის, მამამისისნაცვლად. წარმატებული იყო და მთელი ისრაელი ემორჩილებოდა.

²⁴ყველა მთავარი, მოყმე და მეფე დავითის ყველა ვაჟიშვილიემორჩილებოდა სოლომონ მეფეს.

²⁵დიდად აღამაღლა უფალმა სოლომონი მთელი ისრალოს თვალში დაისეთი მეფური დიდება უბოძა, ისრაელის არც ერთ წინამორბედ მეფეს რომ არჰქონია.

²⁶დავით იესეს ძე მეფობდა მთელს ისრაელზე.

²⁷ორმოც წელიწადს იმეფა მან ისრაელზე, აქედან შვიდიწელიწადი ხებრონში იმეფა, ოცდაცამეტი - იერუსალიმში.

²⁸მოკვდა კეთილ სიბერეში, მაძღარი წლებით, სიმდიდრითა დადიდებით. მის ნაცვლად სოლომონი გამეფდა.

²⁹დავით მეფის საქმენი, ადრინდელნი და უკანასკნელნი, სამუელმისნის სიტყვებში, ნათან წინასწარმეტყველის სიტყვებში და გად მისნისსიტყვებშია აღწერილი,

³⁰მთელს მის მეფობასთან, მის სიქველესთან და იმ ამბებთანერთად, რომლებიც თავად მას, ისრაელს და სხვა ქვეყანათა სამეფოებს გადახდა.