Read ახალი ქართულით, Modern Georgian Bible, 1982 მეორე ნეშტთა 18 Bible Online

მეორე ნეშტთა 18 - ახალი ქართულით, Modern Georgian Bible, 1982 bible

მეორე ნეშტთა 18

¹უხვად ჰქონდა დოვლათი და პატივი იოშაფატს, და დაუმოყვრდა აქაბს.

²რამდენიმე წლის შემდეგ ჩავიდა აქაბთან სამარიაში და უამრავი ცხვარ-ძროხა დაუკლა აქაბმა მას და იმ ხალხს, თან რომ ახლდა. და დაიყოლია გალაადის რამოთში ლაშქრობაზე.

³უთხრა აქაბმა, ისრაელის მეფემ, იოშაფატს, იუდას მეფეს:წამომყვები გალაადის რამოთზე? მიუგო: რამ გაგვყო მე და შენ, რამ გაჰყო ჩემიხალხი და შენი ხალხი? შენთან ვარ ომში.

⁴უთხრა იოშაფატმა ისრაელის მეფეს: აბა, დაეკითხე უფლისსიტყვას.

⁵შეკრიბა ისრაელის მეფემ წინასწარმეტყველნი - ოთხასამდეკაცი, და უთხრა მათ: გავილაშქრო გალაადის რამოთზე თუ თავი შევიკავო?მიუგეს: გაილაშქრე, მეფეს ჩაუგდებს ხელში ღმერთი.

⁶თქვა იოშაფატმა: ხომ არ არის აქ სადმე კიდევ უფლისწინასწარმეტყველი, რომ მასაც დავეკითხოთ?

⁷უთხრა ისრაელის მეფემ იოშაფატს: კიდევ არის ერთი კაცი,რომელსაც შეგვიძლია ვაკითხვინოთ უფლისათვის, მაგრამ მძულს იგი, რადგანსასიკეთოს არ წინასწარმეტყველებს ჩემზე, არამედ მხოლოდ ცუდს. მიქაი იმლასძეა. თქვა იოშაფატმა: ნუ ამბობს ასე მეფე.

⁸უხმო ისრაელის მეფემ ერთ-ერთ ჯარისკაცს და უთხრა:სასწრაფოდ მომგვარე მიქაი იმლას ძე.

⁹ისრაელის მეფე და იუდეას მეფე იოშაფატი სამოსლითშემოსილნი ისხდნენ თავ-თავის სავარძლებში კალოზე, სამარიის კარიბჭესთან, დაწინასწარმეტყველნი წინასწარმეტყველებდნენ მათ წინაშე.

¹⁰გაიკეთა ციდკია ქენაყანის ძემ რკინის რქები და თქვა: ასე ამბობს უფალი: ამით ურქენ არამს და ბოლოს მოუღებ.

¹¹ყველა წინასწარმეტყველი ამასვე წინასწარმეტყველებდა: მიუხდი გალაადის რამოთს და გაიმარჯვებ, მეფის ხელში ჩააგდებს უფალი.

¹²ასე ეუბნებოდა მიქაის მის დასაძახებლად გაგზავნილი მოციქული: აჰა, მეფის სასიკეთოს ამბობენ ერთხმად წინასწარმეტყველნი. შეეთანხმოს შენი სიტყვებიც მათ სიტყვებს. შენცა თქვი სასიკეთო.

¹³თქვა მიქაიმ: უფალს ვფიცავ, იმას ვიტყვი, რასაც ღმერთი მიბრძანებს.

¹⁴მივიდა მეფესთან და უთხრა მეფემ: მიქაი! გავილაშქროთგალაადის რამოთზე თუ თავი შევიკავოთ? მიუგო: გაილაშქრე და გაიმარჯვებ,თქვენს ხელში ჩაცვივდებიან.

¹⁵უთხრა მეფემ: რამდენჯერ უნდა დაგაფიცო, მხოლოდ სიმართლემელაპარაკე-მეთქი უფლის სახელით?

¹⁶უთხრა: ვიხილე მთელი ისრაელი, უმწყემსო ფარასავით მთებზემიმოფანტული. და თქვა უფალმა: პატრონი არ ჰყავთ, მშვიდობით დაბრუნდნენთავ-თავის სახლებში.

¹⁷უთხრა ისრაელის მეფემ იოშაფატს: ხომ გეუბნებოდი,სასიკეთოს არ წინასწარმეტყველებს-მეთქი ჩემზე, არამედ მხოლოდ ცუდს.

¹⁸თქვა მიქაიმ: აბა, ისმინეთ უფლის სიტყვა: ვიხილე, თავისტახტზე იჯდა უფალი და ცათა მთელი მხედრობა ედგა გვერდში, მარჯვნივ დამარცხნივ.

¹⁹თქვა უფალმა: ვინ გაიტყუებს აქაბს, ისრაელის მეფეს, რომგაილაშქროს და დაეცეს გალაადის რამოთს? ერთი ერთს ამბობდა, მეორე - სხვას.

²⁰გამოვიდა სული, წარუდგა უფალს და თქვა: მე გავიტყუებ.უთხრა უფალმა: რითი?

²¹მიუგო: გავალ და საცრუის სულად ვიქცევი ყველა მისი წინასწარმეტყველის ბაგეში. თქვა უფალმა: გაიტყუებ და კიდეც გამოგივა. წადი, ასე გააკეთე.

²²აჰა, სიცრუის სული ჩაუდგა უფალმა ამ შენწინასწრმეტყველებს. უფალს კი ცუდი აქვს ნათქვამი შენზე.

²³მიეჭრა ციდკია ქენაყანის ძე და სილა გააწნა მიქაიას,უთხრა: როგორ მოხდა, რომ გვერდი ამიარა უფლის სიტყვამ და შენში მეტყველებს?

²⁴თქვა მიქაიმ: მაშინ დაინახავ, ოთახიდან ოთახში რომდაიწყებ სირბილს დასამალავად.

²⁵თქვა ისრაელის მეფემ: შეიპყარით მიქაი და მიჰგვარეთქალაქის თავს და უფლისწულ იოაშს.

²⁶და უთხარით: ასე ამბობს-თქო მეფე: დილეგში ჩააგდეთ ესკაცი და აჭამეთ სიმწრის პური და ასვით სიმწრის წყალი, ვიდრე მშვიდობითმოვბრუნდებოდე.

²⁷თქვა მიქაიმ: თუ მშვიდობით მობრუნდი, უფალს არულაპარაკნია ჩემი პირით. თქვა: ისმინეთ ყეელამ, ხალხნო!

²⁸წავიდნენ ისრაელის მეფე და იოშაფატ იუდას მეფე გალაადისრამოთზე.

²⁹უთხრა ისრაელის მეფემ იოშაფატს: მე გადავიცვამ და ისეგავალ საბრძოლველად. შენ შენი სამოსელი გეცვას. გადაიცვა ისრაელის მეფემ დაგავიდა საბრძოლველად.

³⁰უბრძანა არამის მეფემ ეტლების მეთაურებს, ვინც ჰყავდა: ნუ შეებრძოლებით ნურც მცირეს, ნურც დიდს, მხოლოდ ისრაელის მეფეს შეებრძოლეთ.

³¹როცა დაინახეს ეტლების მეთაურებმა იოშაფატი, იფიქრეს, ესარისო ისრაელის მეფე და მისკენ გაეშურნენ, რომ შებრძოლებოდნენ. მაშინიყვირა იოშაფატმა და უფალი შეეწია - ღმერთმა მოაშორა მას მომხდურნი.

³²როცა მიხვდნენ ეტლების მეთაურები, რომ არ იყო იგიისრაელის მეფე, გაერიდნენ მას.

³³ალალბედზე მოზიდა მშვილდი ვიღაც კაცმა და ჯაჭვის პერანგისნაწიბურთან დაჭრა ისრაელის მეფე. უთხრა თავის მეეტლეს: გატრიალდი დაბრძოლიდან გამიყვანე, რადგან დაჭრილი ვარ.

³⁴გახურდა ომი იმ დღეს, დარჩა ეტლში ისრაელის მეფე არამელთაპირისპირ საღამომდე და მოკვდა მზის ჩასვლისას.