Read ახალი ქართულით, Modern Georgian Bible, 1982 მეორე ნეშტთა 19 Bible Online

მეორე ნეშტთა 19 - ახალი ქართულით, Modern Georgian Bible, 1982 bible

მეორე ნეშტთა 19

¹მშვიდობით დაბრუნდა იოშაფატ იუდას მეფე სახლში, იერუსალიმში.

²გამოეგება მისანი იეჰუ ხანანის ძე და უთხრა მეფე იოშაფატს: განა შეგშვენოდა უღვთო კაცისთვის დახმარების გაწევა და უფლის მოძულის სიყვარული? ამის გამო უფლის რისხვა დაგატყდება თავს.

³თუმცაღა კეთილი საქმეებიც აღმოგაჩნდა, რადგან მოსპეაშერები ქვეყნიდან და გული მოამზდე ღვთის საძიებლად.

⁴ცხოვრობდა იოშაფატი იერუსალიმში. კვლავ გავიდა ხალხში,ბერშებადან ეფრემის მთამდე და მოაქცია იგი უფლისკენ, მამა-პაპისღმერთისკენ.

⁵მსაჯულები დააყენა ქვეყანაში, იუდას ყველა ციხე-ქალაქში,ყოველ ქალაქში.

⁶უთხრა მსაჯულებს: დაუკვირდით რას აკეთებთ, რადგანკაცისთვის კი არ გამოგაქვთ მსჯავრი, არამედ უფლისთვის. იგი თქვენთან არისსამსჯავროზე.

⁷უფლის შიში იქონიეთ, ფრთხილად მოიქეცით, რადგან უფალთან,ჩვენს ღმერთთან, არ არის უსამართლობა, თვალთმაქცობა და ანგარება.

⁸იერუსალიმში უფლის მსჯავრის გამოსატანად და დავისგადასაწყვეტად დააყენა ლევიანთაგანნი, მღვდელნი და ისრაელის მამისსახლთათავკაცნი და დაბრუნდნენ იერუსალიმს.

⁹უბრძანა მათ და უთხრა: ასე აკეთეთ საქმე უფლისმოშიშებით,ჭეშმარიტებითა და ერთგულებით.

¹⁰ყველა სადაო საქმე, რომელიც კი შემოვა თქვენთან თქვენს მოძმეთაგან, თქვენს ქალაქებში რომ ცხოვრობენ, სასისხლო იქნება ეს თუ რჯულის, მცნების, წესებისა და კანონების საქმე, გააფრთხილეთ, რომ უფალს არ შესცოდონ და თქვენც, თქვენს ძმებთან ერთად უფლის რისხვა არ დაიტეხოთ. ასე მოიქეცით და არ შესცოდავთ.

¹¹აჰა, მღვდელმთავარი ამარიაჰუ გეყოლებათ ყველა საუფლო საქმეში და ზებადიაჰუ იშმაყელის ძე, იუდას სახლის წინამძღოლი, ყველა სამეფო საქმეში. ზედამხედველებად ლევიანები იქნებიან თქვენს წინაშე. მტკიცედ იდექით და იმოქმედეთ, და კეთილთან იქნება უფალი.