Read ახალი ქართულით, Modern Georgian Bible, 1982 მეორე ნეშტთა 2 Bible Online

მეორე ნეშტთა 2 - ახალი ქართულით, Modern Georgian Bible, 1982 bible

მეორე ნეშტთა 2

¹ბრძანა სოლომონმა სახლის აშენება უფლის სახელისთვის და სამეფო სახლის აშენება თავისთვის.

²სოლომონმა აღრიცხა სამოცდაათიათასი მტვირთავი, ოთხმოციათასი ქვის მჭრელი მთაში და სამიათას ექვსასი მათი ზედამხედველი.

³შეუთვალა სოლომონმა ხურამს, ტვიროსის მეფეს: როგორცმამაჩემს დავითს ექცეოდი და ნაძვებს უგზავნიდი მისი საცხოვრებელი სახლისასაშენებლად, მეც ასე მომექეციო.

⁴აჰა, ვაშენებ უფლის, ჩემი ღმერთის სახლს მისთვის საკურთხევლად, საკმევლის საკმევად, საწირი პურის მუდამჟამს მისართმევად, აღსავლენის აღსავლენად დილა-საღამოობით, შაბათობით, ახალმთვარობებისა და ჩვენი უფლის, ღმერთის დღესასწაულებისთვის, რაც სამარადისოდ აკისრია ისრაელს.

⁵დიდია ის სახლი, უფლისათვის რომ ვაშენებ, რადგან ჩვენიღმერთი ყველა ღმერთებზე დიდია.

⁶ვის შესწევს ძალა, რომ უფლის სახლი ააშენოს, როცა მასცანი და ცათა ცანიც ვერ იტევს? ან მე ვინღა ვარ, რომ მის წინაშე საკმევლისსაკმევი ალაგის გარდა, სხვა სახლი ავუშენო?

⁷ახლა კი გამომიგზავნე ოქროს, ვერცხლის, სპილენძის, რკინისდა ძოწეულის, მეწამული და ლურჯი ფერის ნართების დამუშავების მცოდნე კაცი,ჩუქურთმის კვეთა რომ იცოდეს და იმუშაოს იმ ხელოსნებთან ერთად, იუდასა დაიერუსალიმში რომ მყავს, რომელნიც მამაჩემმა, დავითმა, მოამზადა.

⁸ლიბანიდან გამომიგზავნე კედარის ხეები, კვიპაროსები დასანდალოზის ხეები, რადგან ვიცი, რომ შენმა მორჩილებმა იციან ლიბანის ხეებისჭრა და აჰა, ჩემი მორჩილნი შენს მორჩილებთან ერთად იქნებიან,

⁹რათა უხვად დამიმზადონ ხეები, რადგან სახლი მე რომ ვაშენებ, დიდებული და მშვენიერი უნდა გამოვიდეს.

¹⁰აჰა, ვაძლევ ტყისმჭრელებს, ხეებს რომ ჩეხავენ, შენს მორჩილთ, ოციათას ქორ ხორბლის ფქვილს, ოციათას ქორ ქერს, ოციათას ბათ ღვინოსა და ოციათას ბათ ზეთს.

¹¹ხურამმა, ტვიროსის მეფემ, წერილით უპასუხა სოლომონს და შეუთვალა: რაკი უფალს უყვარს თავისი ერი, ამიტომ დაგადგინა მასზე მეფედ.

¹²კიდევ ეს უთხრა ხურამმა: კურთხეულ იყოს უფალი, ღმერთი ისრაელისა, რომელმაც შექმნა ცა და მიწა, რომელმაც მეფე დავითს ბრძენი, ჭკვიანი და გონიერი ვაჟი უბოძა, რომელიც აშენებს სახლს უფლისათვის და სამეფო სახლს თავისთვის.

¹³ახლა კი გიგზავნი ბრძენსა და გამოცდილ კაცს - ხურამ-აბის,

¹⁴დანელი ქალის ძეს, მამით ტვიროსელს, რომელმაც იცის ოქროს,ვერცხლის, სპილენძის, რკინის, ქვის, ხის, ძოწეული და ლურჯი ნართების, სელისდა ყირმიზის დამუშავება, ყოველგვარი ჩუქურთმის კვეთა, ყველა ჩანაფიქრისგანსახორციელებლად, რაც კი დაევალება შენს ხელოსნებთან და ჩემი ბატონის,დავითის, ხელოსნებთან ერთად.

¹⁵ახლა გამოუგზავნოს ჩემმა ბატონმა ის ხორბალი, ქერი, ზეთიდა ღვინო, თავის მორჩილთ რომ შეჰპირდა.

¹⁶ჩვენ კი ლიბანში მოვჭრით ხეებს, რამდენიც დაგჭირდება და ზღვაზე ტივებით დავაცურებთ იოფისკენ, იქიდან კი იერუსალიმს აიტანე.

¹⁷აღრიცხა სოლომონმა ყველა ხიზანი, ვინც კი ისრაელისქვეყნად დავითის, მამამისის, აღრიცხვის შემდეგ მოსულიყო. და აღმოჩნდაასორმოცდაცამეტი ათას ექვსასი კაცი.

¹⁸მათგან სამოცდაათი ათასი მტვირთავად გაამწესა, ოთხმოციათასი - ქვის მჭრელად მთაში, სამი ათას ექვსასი - ზედამხედველად, ხალხი რომემუშავებინათ.